|
الراجل مش بس بكلمته ... الراجل اتفقعت مرارته و كليته
بسم الله الرحمن الرحيم طبعاً .. الموضوعات قليلة اليومين دول .. فانا هحاول انشط القسم عشان الناس تفتكر المواضيع و الناس ترجع تعمل مواضيع تانى .. نخش فى الموضوع .. امبارح .. كنت فى الجيم .. عضلات و رجالة كتير .. قلت ارجع تانى لعهدى بقى بدل ما الثانوية خلت جسم الواحد يهرول .. المهم .. قاعد شايل الدنابل و شغال .. الاقى تنين عدى من جنبى .. بنى ادم انا نصه ... مع انى مش قصير للدرجة يعنى ! .. ذراعه لو ريح يمين بس هيطير دماغى .. دماغه اكبر من جهاز الترابيس !! المهم .. الاخ ده شال دنابل فى ايد واحدة وزنها 72 كيلو ! .. و شغال .. و بيطلع صوت و هو بيشيل .. الصوت ده كان هيطيرنى .. و انا واقف بعيد انا و اصحابى بنعيط فاقدين الامل اننا نكون جسم .. عدى الوقت و فى النهاية لقيت كابتن الجيم بيسلم عليه و هو مرعوب و بيقوله .. " ازيك يا حلاوة " التنين اسمه حلاوة !! ادى حاجة .. الحاجة التانية .. مرات التنين كانت واقفة تحت انا قلت هنلاقى باب او ابو الهول اقل حاجة عشان يتماشى مع الحجم ده .. الاقى بنت لا تتعدى ال 19 سنة طول مسمار 10 .. و لابسة لبس اعوذ بالله ... افظع من الاجانب ساعة ظهر ! .. و اللى رايح و اللى جاى يعاكسها .. و عمنا حلاوة بيضحك !! .. ياخى كتها نيلة اللى عايزة خلف ! طبعاً .. محدش فاهم انا عايز ايه من الموضوع .. اللى انا عايز اوصله .. ان ده .. مش راجل .. جه الوقت اللى يبقى الراجل بعضلاته .. مش بصفاته .. انت ايه رأيك فى النموذج ده .. ؟؟ ترضى تتجوزى واحد مفتول العضلات .. بس مش هتحسى معاه بالامان ؟ انا اعرف ناس اقصر من مسمار 10 .. و ارفع منه .. بس و اقسم بالله .. تجرى شوارع قدامها .. الرجل .. بصفاته .. الراجل .. بشهامته .. الراجل .. بخوف ع عرضه .. الراجل .. هو اللى يمشى فى الشارع يتقال عليه راجل .. منتظر أرائكم .. UserNamo ThanWya |
انا متفقه تماما مع كلامك الرجولة اخلاق طبعا والانسان اللي المفروض ارتبط بيه اللي احس انه بيحميني وبيخاف عليا (مش الناس بتعاكسني وهو بيضحك..راجل يا حسام:d ) وكمان يكون بيحافظ عليا وفاهمني ويكون عنده مبادئ مش مهم بقي يكون حاجه طول بعرض انا اصلا سفروته يعني :) موضوع جميل ..تقبل مروري |
اقتباس:
|
اه والله القسم عايز حد ينشطة شوية والواحد متردد يعمل مواضيع نقاشية :( يا سلام امتى اعمل موضوع زى علمتنى امريكا الموضوع ده عزيز عليه :bosyht9:كل شوية افتحه واقرأ اللى فيه :d
ان شاء الله هيرجع احسن من الاول بجد طريقة عرض الموضوع تموت من الضحك :d:d اه يا زمن فيك العجب فين ايام سى السيد والحاج متولى :dوالله بقت حاجة تكسف عضلات منفوخه على الفاضى وقال ايه اسمه راجل كنت تتأكد من البطاقة اللى معاه :d وفى نوع تانى اللى قالب شبه البنات والله بشوف منهم كتير اوى الايام دى :o الواحد ياما هيشوف فى الزمن ده |
اقتباس:
و بخصوص ردك بقى .. مش لازم يعنى يكون سى السيد يعنى و لا يكون الحاج متولى ... يكون عقلانى .. يحب مراته كإنسانة زيه ... مش كاداة .. او جسد فقط .. يحسسها انه مفيش فى العالم ده كله راجل .. غيره .. ^^ |
:d
اقتباس:
واكيد لا طبعا مش ارضى ارتبط بحد كده والله انا بشوف بنات كتير بتعجب اوى بالاوصاف دى وتبقا بتتباها بيه قدام اصحابها وتقول عليه كمان مش معقد وبيسبها على حريتها وانه كده يعنى جينتل مان :d:d:d انا عن نفسى مش لازم تكون عضلاته منفوخه اوى يعنى زى مابنشوف كده اهم حاجه العقلية وانه فعلا يحمينى ويخاف عليا امال انا مرتبطه بيه ليه ومعلش الراجل اللى مش بيغير على مراته من ان حد يعاكسها معلش يبقا مش بيحبها وسايبها كده مهما كانت بقا قوته لان قبل كمان ماهتتعاكس وهتتعرض لمضايقات لا ده فى ذنوب كمان هتاخدها يبقا هو لا بيخاف عليها فالدنيا ولابيخاف عليها فالاخرة اذا لايمكن يكون زوج صالح طولت عليك بس بجد موضوع رائع للنقاش تحياااااااااااااااااااتى |
اقتباس:
|
هههههههـ حلاوة ده مش حلاوة خاالص ده بسكوتة انت عمال توصف يا راجل انا تخيلت ديناصور ههههههـ وفى الاخر بيضحك على الناس اللى بتعاكس مراته لا حول ولا قوة الا بالله مش عارف اقول ايه بس بس انت متاكد انها مراته اصل مش معقولة يعنى هيعمل كده مش ممكن يكون وحدة مااشى معاها ولو مراته اكيد مش راجل ولا يمت للرجولة بشئ تلقيه بياخد منشطات الحمد الله شكرررا على الموضوع |
على الرغم من أن الواحد لما بيشوف الموقف ده بيولع
إلا أن بجد طريقة عرضك شيقه الناس خلاص بقيت فافي ماتعرفش غير في التقليد والموضه لكن الرجوله.............. إلا من رحم ربي وبصراحه دول نادرين في الزمن ده وتقدر تتوقع كل حاجه من الناس دلوقتي |
بصراحه طريقتك فى الكلام تموت من الضحك بيحيك عليها بس مين قال ان حلاوه ده راجل ؟ الله يرحمك يا رجوله هو لو كان راجل كان سمح لمراته تلبــس كـده او حتــى يسكـــت على كده وكمـــان تتعاكس قدامــه ولا هو هنـــــا ده بجد يعنى مش راجـــل الرجوله مش بالعضلات الرجوله افعال وكلام بس ده مش يمنع ان الراجل يكون عنده عضلات ويروح الجيـــم ويحافظ على لياقــــتـــــه وأكيـــد هى بنت أى كــلام أصلاً على اتجوزت واحـــــد زى ده ماهــى لو هى بنــــت بتفهم كانت اتجوز راجل مش حلاوه! موضوع لطيـــــف يا أمجد |
ازاى يعنى شايب بتاعه وزنها 72 ؟؟؟
انت ليه مش صورته انا بحب اتفرج على الناس دول اووى انا اساسا كنت امبارح فى جيم و المفروض انى ادفع فلوس فى قسم الرجالى ..اساسا لما دخلت واله اتخض |
ههههه ازاى قدر يشيل 72 كيلو ؟؟
انت كنت مفروض تصوره الى زى دول المفروض يتصوروا اصلا انا اساسا امبارح كنت فى جيم و المفروض ادفع الفلوس فى قسم رجالى والله اول ما دخلت اتخضيت و طلعت و خليت فراش ينادى على الاداره جوة تاخد منى الفلوس من برا اساسا هما الى زى دول منظر بس كفايه يبقى بودى جار |
ده يتصور ؟؟ .. ده اكبر من الكاميرا! ... و بعدين انتى كارهانى .. انا لو صورته .. هيعلقنى !!! ..
|
اقتباس:
هو يطول اصلا ؟؟ يلا انا حبقى اجرب اصور حد فى جيم عندنا و نشوف بودى جارد اسكندريه اكبر و لا الجيزه ؟ بس لو مش فتحت المنتدى ابقى اعرفوا انى تم قتلى:stickjo4: على يد مستر ساب زيرو (اسم الشهر لواحد جسمه كبير جدا فى نادى ) ابقوا بقى قولوا الله يرحمك يا صوفيا :av4056bb7jp3::av4056bb7jp3: موضوع رائع يا امجد اساسا زى ما جمال نسبي الرجوله برده نسبيه تختلف من وجهه نظر شخص لشخص تانى |
بجد الموضوع العنوان رهيب ..:d خلينا نكون متفقيين أن مينفعش نشوف نموذج ونعمم عليه يعني اه حلاوة دا ممكن يكون عنده دياثة ومن الرجالة اللي بتحب تظهر مراته..!! ودا مش معناه ان اي راجل عنده عضلات هيبقي زي حلاوة داا..!! المشكلة في الراجل نفسه مش ف شكله... فيه رجال بتبقي عايزة ضرب النار...ومش مفروض نقول رجال هم كيس جوافة..:d:dوعذراا لكيس الجوافة..:d آل مراته بتتعاكس وهو ايزي كداا ...ليه متجوزة رشا !! طبعا النموذج دا مين اللي ممكن تقبل تعيش مع واحد مش بيغير عليها...!! حتي لو هي قابلة ف الأول هتلاقي الحياة مملة والعيش معاه لا تطاق.... وفيه نوع تاني بئا تلاقي مراته حطة كيلو ورنيش ع وشها:d وهو عادي...ماشي جنبها..عاتي خالص واللي واحد مراته بترقص ف الفرح وهو بيصفق لها ونعم الرجولة!!! هتلاقي الأكل اللي تجيب المرارة دي ف كل مكان ربنا يعافينا |
| جميع الأوقات بتوقيت GMT +2. الساعة الآن 12:50 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.