|
:هراء عقيم!
(هراء ) :excl: . . كانت اجابتها يوما ما ..ولكني لم أفشل ..وايضا لم اقصر وأمتلك قدرات تفوق الكثير والكثير ولكنه القدر ..ومازال طموحي يعلو السماء لكنها, تركتهم واستعادت من الذاكره لحظات .. ................... سها: اخبارك ايه يا رنين رنين :تمام بس انتي سمعاهم بيقولوا ايه يوم الامتحان يكرم المرء او يهان سها :اه سمعا دي ريهام ومنال والشله رنين :بس يا سها ان شاء الله 98% انا واثقه من قدرتنا سها :باراده الله دلوقتي يلا بينا ع اللجنه ................... وجه اليوم الموعود سها 98%ورنين 80% بتحصل كتير انا عارفه ويمكن كمان مجربه بس اللي عايزه أعرفه يا تري هنحكم ع رنين بالفشل وموت مستقبلها؟ وسها تاخد جايزه نوبل بالرغم من ان كانت قدراتهم واحده ومذاكرتهم برده كانت واحده بس القدر اللي فرق مابنهم كتير بنحكم ع الانسان من خلال حاجات ملهش اي يد فيها بس لازم النظره دي تتغير والحكم دا يتبدل لاني كانت نظرتي كدا للأسف ف يوم من الايام ياما ظلمنا ناس من خلال مظهرهم واعتبرنا المظهر دا كل شئ ياماظلمنا ناس لانهم مش ابن فلان وفلان ياما ظلمنا عمال النظافه واعتبرناها مهنه حقيره واعتبرنا اصحاب الشركات افضل منهم ومسوناش ف نظرتنا مابنهم ياما ظلمنا ناس واتهمناهم بالكفر والالحاد وحكمنا عليهم بالاعدام واحنا ملناش اي وجه حق ياما ظنينا سوء ف ناس وهما افضل مننا ياما, ياما.. بس مش لازم ننصاع لأفكار مغلوطه لازم نشوه ونقتل ثقافات عمياء بل يجب علينا أغتيال ذلك الهراء العقيم :excl: .. ........................ بجد انا مبسوطه جدا لان القسم بقا منظم ورجع للنقاش الهادف كما يطلق عليه حاليا ومبسوطه جدا بالمواضيع الموجوده فيه حاليا وبشكر اصحاب المواضيع دي واحد واحد ومبسوطه اكتر لان الدكتوره: نقاء اصحبت المشرفه وايضا لعوده أ :محمد الشربيني وبما ان بزوغ الفجر هل ع القسم دا قلت اشارك بموضوع ويكون اول مغامره ليا ف القسم وبم اني مش عندي تقل ع كتابه المواضيع ودي اول محاوله ليا ف القسم دا فاحتمال متكنش كما ينبغي بس حولت علشان منتدانا الجميل دا ... |
والله العظيم انا لابسه نظاره
يابنتي كبري الخط شويه أنا اتعميت |
اقتباس:
ايه ده ...! الخط باين جداً موضوعك جميل جداً يا سـمـر وبيناقش حاجة كويسة فعلاً ناس كتير بتحكم بس على الظاهر أنا عرف ناس زى سها ورنين دول بس فى الآخـــــر بتبقى نهايــة مؤسفة للأسف فى حاجات كتير زى كده لازم الواحد مثلاً يلبس نضارة عشان نقول عليه شاطــــر وغيره كتير ..... أحييكى على الموضوع , جزآكِـ الله خيراً |
موضوع رائع
وفعلا محتاجين نغير النظره الدونيه دي ويكفي التطلع للمستقبل والعمل الجاد لتحقيقه المرء بشخصيته فقط وظروفه هي تجميل للشخصيه وابراز لها وليس مقياس للحكم عليها شكرا يا سمر على الموضوع الجميل |
اقتباس:
|
اقتباس:
كبرت الخط يا مياه اهو ان شاء الله يكون كدا كويس وتعرفي تشوفي :d |
اقتباس:
فعلا يا مسلمه حاجات كتير من الاول نظرتنا ليها كانت غلط لازم نعيد النظر ف حاجات كتير ف حياتنا وفعلا وغيره كتير .... مرسي كتير لمرورك يا مسلمه |
اقتباس:
عندك حق كتير مياه نظره دونيه فعلا عايزين نتحرر من حاجات كتير ونشتغل لان دا وقت العمل والعمل الجاد كمان لو كل واحد اشتغل من خلال المقومات اللي عنده بجد هنكون احسن مرسي يا مياه ع ردك المفيد.. |
فعلا عندك حق في ناس كتير مش بتاخد حقها و بتتظلم على حاجات هي ملهاش يد فيها زي شكل الانسان مثلا .. ممكن واحد يبقى وسيم اوي و واحد مش وسيم و الناس تتريق ع التاني و تقولك بص شبه ايه و بص عامل ازاي ؟ و انا ليا مقولة بقولها انه مش قبل ما يتولد جابوله المنيو و هو اختار الشكل ده هو ربنا عايزه كده .. فمتجيش انت تظلمه و تحاسبه على حاجة هو ملوش اي يد فيها و بالنسبة للثانوية ممكن واحد تفرق معاه ( 0.1 ) واحد من عشرة يروح كلية لكلية تانية خالص و تبقى مثلا غلطة تقدير للمصحح ليه في موضوع التعبير او البراجراف هي اللى تيع مستقبله و اعمال كتير و حاجات كتير اوي كده برضه لو اتكلمنا عليها مش هنخلص بجد ياريت نحاول تنجنب هذا " الهراء العقيم " اللى لايودي و لايجيب هو ممكن يجيب بس بيجيبنا ورا بس و انا متفاءل باذن الله الفترة اللى جاية و معلش لو ردي طويل شوية بس حاولت اختصر و الله بس الموضوع فعلا شدني شكرا يا سمر على الموضوع الجميل و الهادف فعلا ^^ |
اقتباس:
اتمني بجد يكون موضوع هادف بجد مشكور ع المرور |
فعلا...
كلام معظمه سليم موضوع هادف شكرا عليه |
اقتباس:
مرسي ع المرور أ\طاهر |
فعلا اغلبنا بينظر للناس من خلال المظاهر الكدابة فقط يعنى علشان فى مركرز كبير يبقى باشا وواحد غلبان وعلى قد حاله يبقى ما يسوائ شئ بصراحة محتاجين نغير من نفسنا وتفكيرنا كتير اوى علشان نوصل لنقطة نبدا منها حياة جديدة وعصر جديد شكررا على الموضوع الجميل |
وحشنى جدا اشوفلك موضوع ياميرو
بس بجد انتى من غير مجامله عارفة رأيي انا افضل انك تغيبي شوية وترجعى بموضوع جميل وهادف زي ده اكيد طبعا عندك حق احنا فعلا بنحكم على الناس من بره وبنحكم من غير مانعرف ليه هو بقا كده او ايه الظروف اللى اتحكمت فيه عشان يوصل لكده ارجع واقولك برضه ياسمورة ربنا سبحانه وتعالى بقدرته وبحكمته كان لازم يجعل الناس مش فنفس المكانه ونفس المناصب لان الكون كله لازم يكون مختلف ويكمل بعضه يعنى لما الناس بتبص نظرة احتقار لعامل النظافه ما انت مش عارف من غيره هيجرالك ايه وغيره وغيره وغيره فده كلام مفروغ منه ولازم ندركه بدل ما نعيب على الناس ونبص ليهم نظرة احتقار وبتحصل كتير فموضوع النتايج والكليات ما اصل مش كل الطلبة هتدخل نفس الكلية وكلنا نبقا كليات قمة يعنى لازم يكون فيه اختلاف وفرق فالمستويات اهم حاجه اننا مش نحتقر بعض ونقول ده اقل منى بكرة ممكن الايام نلف واللى بيعيب عليك ده مثلا يكون فكلية طب وانت مثلا معهد ولما تتخرجوا انت تشتغل احسن منه وهو مثلا مش يلاقى شغل ويبقا عاطل فدلوقتى مين هيعيب على مين موضوع جميل جدا ياميرو بجد وكان لازم نتناقش فالكلام ده قبل النتيجه ربنا يستر;);) بجد مبسوطة جدا انى شوفتلك موضوع فالقسم ده ويارب دايما ياميرو تحيااااااااااتى |
فعلاً يا سمر فيه ناس كتير بتحكم علي الانسان بمظهره ( وحتي الحكم دا يرؤيتهم الخاصة )
فيه ناس وخاصة بتوع التربية والتعليم اذا ابنهم أو بنتهم جاب مثلاً 80% يقولوا عليه فاشل ويستحق القتل في ميدان عام . وشوف فلان ابن فلان ( طبعاً أقل في المكانة الاجتماعية ) جاب مجموع كام . مش متوفرله ربع اللي متوفرلك و ...... وكلام كتير اوي وكأن الولد أو البنت فاشلين بجد !! ( كل ميسر لما خلق له ) علي أيامي أنا معظم طلبة الطب مكنتش أقدر أقعد مع الطالب منهم أكتر من 5 دقايق وبس . معظمهم ملوش في أي حاجة خالص خالص الا المذاكرة وبس !! يا تري دا ناجح في الحياة بصفة عامة ؟ هو ناجح في حاجة واحدة بس , لكن ناقصه حاجات كتير . طبعاً أنا قلت مثال الطب لأنها أعلي الكليات مجموعاً ( واللي بتزغلل عين كتير جداً ) المظاهر أصبحت خداعة بصورة كبيرة جداً وخاصة في زماننا هذا . كل واحد بيعمل عمل شريف له دور في المجتمع وبيخدم المجتمع كله . وعلي رأي الشيح الامام الشعراوي الله يرحمه , زمان كانت القري المنازل فيها بالطوب اللبن وخزان دورة المياة كان صغير الحجم ومكنش فيه سيارات ولا جرارات لشفط ما بالخزان وتفريغه . كان اللي بيعمل الجكاية دي واحد أو اتنين . وبعض الناس كانت لما تشوفهم أو تقابلهم وهما بيشتغلوا , بيكونوا في غاية الأرف والتأفف منهم . طيب الشخص اللي بيشتغل الشغلانة دي واللي انت مش طايق حتي تشوفه أو تسمع اسمه , الشخص دا فجأة قرر انه مش هيشتغل الشغلانة دي تاني . وكل واحد بيشتغلها عمل زيه كدا ( اضراب عن نزح الخزانات :d:d ) يا تري الناس هتعمل ايه ساعتها ؟ الناس اللي بتأنف من مجرد النظر لمثل هؤلاء العمال , هيتصرفوا ازاي ؟!! ساعتها بس هنعرف قيمة الشخص اللي بيأدي لينا العمل وخاصة اذا كان العمل دا كتير من الناس بتأنف منه . شكراً علي هذا الموضوع يا سمر . استمري في الكتابة . تقبلي مروري . |
| جميع الأوقات بتوقيت GMT +2. الساعة الآن 06:26 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.