|
يوميات فى التربية والتعليم شارك ولو ب ميــــــــــــــــــرسي
سلام الله ورحمته وبركاته اعضاء المنتدى الكرام كل العاملين بالتربية والتعليم الافاضل كيفكم شباب؟ الموضوع اسمه يوميات بالتربية والتعليم عايزة كل واحد منكم يشرفنى ويحكى عن موقف حصل معاه فى المدرسة بتاعته عشان كلنا نستفيد ونتعلم من اخطاء بعض وياحــــــــــــــــــــــبذا لو بدأنا بالمواقف الطريفة اللى بتحصل معانا سواء داخل المدرسة او داخل الفصل :039uw8: عايزة الكل يشارك ويتفاعل مع الموضوع حتى لو أخصائى او ادارى او حتى مدير خلونا نتكلم عن اهم المواقف اللى بنتعرضلها كعاملين فى التربية والتعليم ونشارك بعض الضحكة ،البسمة واكيد طبعا الخبرة :p عرفنا بنفسك الاول واكيد طبعا حضرتك غنى عن التعريف :d بس انا مش اعرف عنك غير اللى هاتشاركنى بيه من مواقفك شباب كلنا نشارك ونحكى مش بس نتابع الموضوع كزائر متطفل بس ياريت تفتكر وتسيب تعليق يليق بيك تحياتى لوجين:078111rg3: |
السلام عليكم ورحمة الله وبركاته
الاسم / ياسر خليفة الطحاوى المهنة / مدرس لغة عربية إعدادى اسرد لحضراتكم موقف من المواقف التى مرت بى اثناء العملية التعليمية أتى مدير المدرسة فى اجتماع من الاجتماعات وأراد أن يحرج مدرسى اللغة العربية على اساس انه مدرس لغة عربية فوجه سؤالا لكل المعلمين قائلا :- يقول الله تعالى فى القرىن الكريم " قل لو كان فيهما ألهة إلا الله لفسدتا " فقال اعربوا كلمة الا طبعا غالب المدرسين توقعا ان السؤال هايف ولكن توقعت ان له مخزى اذا كان ظاهر الجملة بسيط ولكن بالفعل بها فكرة كبيرة زملاؤنا المدرسون اعربوها على اساس انها اداة استثناء ولكن اعترضت وقلت نعت فتعجب الجميع طيب نعت ازاى قلت الا هنا بمعنى غير فهى صفه للألهة ولو كانت الا هنا اداة استثناء لفسد السياق فى الايه اذ اننا سوف نتأكد بتعدد الالهة نستفيد من ذلك سواء معلمين أو طلاب لا احد يتكبر على العلم عرفت شيء وغابت عنك اشياء مفيش انسان بيجهل كل حاجة ومفيش حد بيعرف كل حاجةمن قال قد علمت فقد جهل وفى النهاية اشكر العضوة المتميزة لوجين على فكرتها وتقبلى مرورى ابوبسملة |
الله عليك ابو بسملة
ايه الحكم دى والله لم اكن اعرف معنى لكلمة الا سوى انها استثناء بارك الله فيك واشكر مرورك العطر الذى وضح الكثير لما اجهله |
موضوع مميز جداً كعادة موضوعاتك لوجين واكيد الموضوع ده هيقرب اعضاء المنتدي من بعض اسرة واحدة اما اطرف موقف حصل معايا من حوالي شهر . . . عندنا في المدرسة المدير والوكلاء بيطلبوا مننا الحضور دايماً في الاجازة ( عاوزينا نروح المدرسة كل يوم ) بس الواحد بيكبر دماغة ومش بيروح غير يومين في الاسبوع :blush:, في يوم روحت المدرسة بعد اسبوع بحالة مش روحت طبعا الوكيل قابلني بخناقة وكنت فين وليه مش بتيجي وهي سايبة ولا وكالة من غير بواب وووو....................:049gc0: طبعاً انا محبش الاسلوب ده في الحوار وبتخنق بسرعة أثناء الوصلة بتاعت الوكيل انا كنت ماسك الدفتر علشان اوقع علي الايام الي مش روحتها اتاريهم في المدرسة وقعوا ليا الاسبوع القديم كله ( فالحين اوي ) وفاتحين صفحة الاسبوع ده ( الاسبوع وقت ما الحوار ده حصل يعني ) طبعا من كلام الوكيل مشوفتش غير اسمي روحت مضيت كل الايام بتاعت الاسبوع بعدين بصيت لقيت اني وقعت الاسبوع الي لسه هيبدأ:av4056bb7jp3: , دي كانت بقي القشة الي قصمت ظهر البعير لقيت الوكيل انفجر بزيادة وزمايلي كلهم بيضحكوا علي ا:( بصراحة كان موقف بايخ الوكيل قالي لو جت لجنة اقولها ايه قولتة ولا يهمك قولهم محمود الي عمل كده ( يا جامد ):stickjo4: بس والاسبوع عدي علي خير بس مش اكدب عليكم كان الذ اسبوع لاني مروحتش المدرسة برضوا !!!!!!!!!!!!!!!!:d طيب اروح ليه وانا مضيت الاسبوع كله :blush: |
هههههههههههه :d:d:d
والله مش قادرة امسك نفسى من الضحك يامحمود مضيت الاسبوع الجديد :o امال لو كان سابلك الدفتر كله كنت عملت ايه؟ دا الراجل كويس انه كان واقف على ايدك واتخنقت بسرعة امال لو كانت اعصابك هادية كنت اتسليت على باقى الدفتر يعنى :d:d:d هههههههههههه |
أنا بشكر الأخت الفاضلة على موضوعها
ولكن ياحبذا لو تعمل الموضوع ده فى المنتدى الخاص بيه فى موقع الثانوية وليس منتدى المعلم المساعد فلكل منتدى مواضيعه واهتمامته |
احكيلكم على بعض المواقف اليوميه واللى باتصرف فيها لوحدى :d كنت فى بدايه الدراسه :av4056bb7jp3: ولسه العيال بتقعد فى الاماكن وبتتخانق لقيت العيال بيقولولى الحقى يابله دنيا بتبكى :( رديت عليهم سيبوها تفك عن نفسها شويه استغربو العيال وسكتو حتى هيه :blush: المهم سالتها بعدين وحليت المشكله |
الموضوع جميل جدا
من المواقف اللى حصلت معايا كانت أيام رصد درجات الطلاب فى الكشوف علشان تروح الكنترول وجة الموجة وقف يعلى صوتة علينا وانتوا مش فاهمين حاجة أذاى تسقطوا 10 عيال وأنا قولتلة الدرجات دى والله بما يرضى الله قالى ياأبلة اللى يرضى الله ميرضيش الدولة والا اية رأيك وسأل زميلتى الثانية راحت قالتلة طبعا حضرتك نرضى الدولة وقطعت كل الكشوف وعملناها تانى |
الموضوع اكثر من رائع يا لوجين وانا هقول دلوقتي ميرسي علشااااان مستعجل ولي عودة بإذن الله |
لا اله الا انت سبحانك أنى كنت من الظالمين
|
اقتباس:
ربنا يصلح حالك اخى العزيز كنا محتاجين واحد يقول الكلام الحلو دة |
اقتباس:
اقتباس:
ومعك قلبا وقالبا شرفت جدا بوجود مشاركات جديدة تضفى على الموضوع نوعا من الكلام الحلو دة |
لا حول ولا قوة إلا بالله
كل هذا بسبب موضوع الغرض منه الترفيه ؟؟؟؟؟؟؟؟؟؟؟؟؟؟؟؟؟ ولنفرض الموضوع مكانه خطأ وقدمت النصيحة أستاذى الفاضل أعتقد يكون كدة الموضوع انتهى أو تعمل بلاغ عن الموضوع وانتهى الأمر ولكن كيف هذا ؟؟؟؟؟؟؟؟؟؟؟؟ ولوجين بتطلب ترك المشاركات التى حولت الموضوع إلى شات كيف هذا؟؟؟؟؟؟؟؟؟؟؟؟؟؟؟؟ إخوانى الكرام تعبت من النصيحة ومن قولى أنكم معلموا أجيال ويجب أن تكونوا قدوة عبارات تحمل معانى السخرية وأخرى تدل على معانى غير مقبولة أحزننى ما وصل إليه الحال تطلبون من الدولة أن تراعى حقوقكم وتقدركم وأنتم لا تقدرون بعضكم البعض لله الأمر من قبل ومن بعد |
اقتباس:
تمام جدا الموضوع مش مستاهل والله كل الجدال ده |
تم انشاء قسم بإسم حجرة المعلمين المساعدين
ونقل الموضوع له ويمنكم فيه تناول الموضوعات الخفيفة بعيداً عن القسم وما يحمله من هموم قد تجعل البعض ينسى معنى الضحك خالص تحياتى |
| جميع الأوقات بتوقيت GMT +2. الساعة الآن 11:00 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.