الى ادارة المنتدى فقط
 

الاساتذه الافاضل
كنت ادخل على منتدى معلمى الازهر الشريف قبل ذلك لاستفاد منه فى منشورات جديده او اى شيء يخص العمليه التعليمية بالازهر و لكن ما حدث فى هذه الايام ان انقلب الموضوع راسا على عقب و اصبح لا مجال للكلام الا بخصوص تثبيت زملاؤنا المتعاقدين و هنتثبت امتى ؟ و المرتب هيبقى كام ؟ و مقابله شيخ الازهر ؟ و الاعتصام الفلانى ؟ و الاضراب العلانى ؟
فمن فضل الادارة نرجوا عمل قسمين احدهما خاص بمعلمى الازهر و الثانى خاص بمتعاقدى الازهر
و هذا لا يعنى انهم منبوذين و العياذ بالله و لكن و الله كثر الكلام فيه عن المتعاقدين و لم يعد فيه اى مجال لغير ذلك . و هم على رؤوسنا جميعا .و لكن العمليه تقلت اوى بجد ؟
فمن فضل الادارة نعمل قسم خاص بهم و يعملوا فيه مظاهرات و اضرابات و اعتصامات براحتهم
و الله لا نقلل من شأنهم فهم زملاؤنا و لكن لكل منا مجال فى الكلام.

و اللى يقول لك تسريح المعلمين .....و تشريد المؤقتين
و اللى يقول لك سمك لبن تمر هندى
و اللى يقول لك مولد النبى
و اللى يقولك شاى بالياسمين
و غير كده كتير


و الله يا جماعة سامحونى غصب عنى ما فيش حاجة جديده ... هو ده الكلام على طول مع احترامى للجميع

تحت المناقشة أن شاء الله

جزاك الله خيرا مسيو ايهاب

يعلم الله كم نعانى من البعض...........ولكن ماذا نفعل الى عاوز حاجى بيكتبها صح غلط مش مشكلة المهم يكتب وباى اسلوب ولو حذفنا الموضوع يصرخ فين موضوعى.....................بالفعل القسم اصبح شكلة وحش بسبب ماذكرتة .........................موضوعات سخيفة وصراخ وعويل ولو احد اتكلم حتى بصورة طيبة تجد الردود تنهال علية انة ......................وووووووو

مع حضرتك حق

وقد فكرت فى هذا الأمر كثيرا وتم رفع طلب حضرتك للادارة

أرسلت الى ادارتنا الكريمة
وان شاء الله تعالى يتم التنفيذ قريبا

[quote=فؤاد شريف;3686105]الاساتذه الافاضل
كنت ادخل على منتدى معلمى الازهر الشريف قبل ذلك لاستفاد منه فى منشورات جديده او اى شيء يخص العمليه التعليمية بالازهر و لكن ما حدث فى هذه الايام ان انقلب الموضوع راسا على عقب و اصبح لا مجال للكلام الا بخصوص تثبيت زملاؤنا المتعاقدين و هنتثبت امتى ؟ و المرتب هيبقى كام ؟ و مقابله شيخ الازهر ؟ و الاعتصام الفلانى ؟ و الاضراب العلانى ؟
فمن فضل الادارة نرجوا عمل قسمين احدهما خاص بمعلمى الازهر و الثانى خاص بمتعاقدى الازهر
و هذا لا يعنى انهم منبوذين و العياذ بالله و لكن و الله كثر الكلام فيه عن المتعاقدين و لم يعد فيه اى مجال لغير ذلك . و هم على رؤوسنا جميعا .و لكن العمليه تقلت اوى بجد ؟
فمن فضل الادارة نعمل قسم خاص بهم و يعملوا فيه مظاهرات و اضرابات و اعتصامات براحتهم
و الله لا نقلل من شأنهم فهم زملاؤنا و لكن لكل منا مجال فى الكلام.

و اللى يقول لك تسريح المعلمين .....و تشريد المؤقتين
و اللى يقول لك سمك لبن تمر هندى
و اللى يقول لك مولد النبى
و اللى يقولك شاى بالياسمين
و غير كده كتير

رغم اني لست من ادارة المنتدي و متعاقدة لكن اعذرني اريد أن أقول رأيي فعلا عند حضرتك حق في كل كلمة كتبتها فعلا نحن المتعاقدون مزودنها أكثر من الازم

مع احترامي للجميع لكن مشاركه المتعاقدين بالطريقه دي بيكشف ان لاتواجد لمعينين في الازهر داخل المنتدي او ان تواجدهم محدود
وعلشان كده مشاركتهم اقوي والاستاذ الفاضل الي معترض علي كثافه المشاركه يشارك ويحط موضوعات تخص اهتماماته
وفي ملحوظه قبل ما المتعاقدين ما يشغلهم موضوع التثبيت كان التواجد مجدود جدا مقارنه بباقي الاقسام وشكرا

والله كدا هيبقى افضل ريح واستريح

تم رفع الموضوع الى الادارة الكريمة

وجارى بحثه حاليا

ومن المفيد انشاء القسم الجديد

كما كان هناك قسم للمتعاقدين فى التربية والتعليم

وكما تم انشاء قسم للمعلمين الجدد

لمناقشة الموضوعات الهامة بالنسبة لهم

والنشاط من المعينين موجود فى قسم الازهر

حتى أن كثير من الاخبار الخاصة بالمتعاقدين

والاجابة على استفساراتهم تكون من زملائهم المثبتين

والله انا رايى ان كل واحد بيدور على اللى هوه عاوزه حضرتك عاوز مصلحتك والمتعاقدين عاوزين يفرجوا عن نفسهم شويه

أولا : أعتقد أن وجود المتعاقدين فى منتدى معلمى الأزهر الشريف أعطاه الكثير من الديناميكية والنشاط والاستمرار وقارنوا بنفسكم بين موضوعات ومشاركات المتعاقدين والمعينين واعملوا احصائية لكل تعرفوا ماذا أقصد .
ثانيا : من ينكر أن المعلمين المتعاقدين هم أكثر المعلمين قدرة على التعامل مع التكنولوجيا خاصة النت والمنتديات فحتى ولو كان عددهم أقل فهم القادرين التواجد فى مثل هذه المنتديات
ثالثا : لماذا التتمييز اصلا بين المعينين والمتعاقدين هل اصبح المتعاقد ابن البطة السوداء
رابعا واخيرا : أعتقد أننا كمتعاقدين سنكون نحن الرابحين من تخصيص منتدى خاص بمتعاقدى الـأزهر لمناقشة قضايانا التى يسوء البعض طرحها .

لا يوجد تمييز ولا يوجد أبناء بطة سوداء

ولكن لكل مجموعة منتدى خاص بها تناقش فيه ما يهمها من أمور

كما يوجد منتدى لمعلمى التربية والتعليم
ومنتدى للمعلمين الجدد بالتربية والتعليم