|
سؤال ممكن الاجابة
السلام عليكم
انا نفسى ادخل كلية العلوم بس معرفش معلومات عنها كثيير هل يوجد فى الكلية اقسام ادرسها ولما اخلص اخد دبلومة واشتغل فى شركة الادوية ولا دى بتقتصر على طلاب الصيدلة فقط كان نفسى ادخل صيدلة بس مجموعى مينفعش وحاسة انى هقل عن السنة الى فاتت بكثيير انا جبت 92.9 ممكن اخش علوم الاسكندرية ولا ايه يعنى مثلا لو جبت زيهم فى ثالثة بالمستوى ممكن الافادة وشكرا معلش عندى استفسار انا نفسى ادخل قسم اعرف فيه اسم الادوية وفوائدها زى الموجود فى الصيدلة ده كوجود فى العلوم ولا لا واقل تنسيق لكلية العلوم ايه ممكن اكتب محافظات فى التنسيق لو مجموعى مجبش وبيقولوا ادفعى فلوس وتحولى اسكندرية معلش سؤال اخر كلية العلوم فيها مرحلة ثانية ولا ايه وبتاخد من كام يعنى الفرق بينها وبين المرحلة الاولى |
ياريت تجابوا عن الاسئلة دي لاني انا كمان عاوزة اعرف
|
السلام عليكم انا فى رابعه كليه علوم اسكندريه
اه طبعا فيه اقسام كتير فى علوم وتقدر تشتغل فى شركه ادويه بعد اما تخلص زى خريج صيدله فى المعمل او كميديكال ريب حسب ميولك موضوع اسامى الادويه اكيد دراستنا مش زى صيدله بس دلوقتى فى ماده اسمها فارما ودى ماده من صيدله اتفتحت لطلاب علوم لو حابب تبقى تاخدها وهى اختيارى بس عاما علوم تقدر تشتغل فى اى حته كماده علميه بس طبعا الشغل ده نصيب ورزق بس اكيد لو انت اجتهدت هتوصل ان شاء الله بس برضه عايز انبهك لحاجه علوم دلوقتى اتغير نظامها شويه ومبقاش كل الناس بتدرس كيمياء ودى طبعا و رطتت ناس كتير لان اساس شغلنا الكيمياء نظام علوم زمان ان اى حد بيبقى ليه تخصصين الاساسى الكيمياء وكل واحد بياخدها اجبارى والفرعى على حسب تقديره دلوقتى بقى كله اختيارى فبقت الكيمياء كمان على حسب تقديرك فى سنه اولى واللى مش جايب تقدير بيخرج من علوم من غير كيمياء وطبعا ملهوش شغل لان اساس شغلنا الكيمياء فاللى عايز يدخل علوم دلوقتى لازم يذاكر كويس ورينا معاكو |
شكرا على الافادة
|
اقتباس:
اكيد طبعا اي قسم فيه كيمياء ممكن يشتغل في الادوية زي خريج صيدله خصوصا قسم كيمياء و ميكروبيولوجي وقسم كيمياءحيوي وميكروبيولوجي وقسم كيمياء وكيمياءحيوي وقسم كيمياء سبيشيل |
شكرا جزيلا
لسه لما النتيجة تطلع طب بالنسبة لمجموعى |
http://www.thanwya.com/vb/showthread.php?t=335549
ده ملف عن بعض انجازات الكيميائيين وخريجي كلية العلوم في الادوية ............. وبالنسبة للمجموع كل سنه بتختلف عن السنه التانية بس انت كده تمام وان شاء الله خير |
الف شكرا
يا رب ادخل علوم الاسكندرية وانا نفسى ان شاء الله لما ادخلها ادخل اقسام فيها كيمياء لانى بحبها جدا وهبعد عن الاحياء |
| جميع الأوقات بتوقيت GMT +2. الساعة الآن 10:51 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.