بوابة الثانوية العامة المصرية - انت بجد محتاج للقطن فى أذنيك

الســــــــــــــــــلام عليكم ورحمة الله وبركاته :)

ازيكم يا جماعة ان شاء الله تكونو بخير

انت ممكن تكون مستغرب شوية من عنوان الموضوع

لكن معايا واحدة واحدة كده من فضلك

هاحكى لكم حكاية بسيطة جدا جدا لكنها بتحمل معانى كثيرة قوى

كان فيه سباق مابين مجموعة من الضفادع الصغيرة ..والهدف هو كان الوصول لقمة برج عالى فى أقصر وقت

وطبعا احنا عارفين ان الضفدع بطيء جدا والبرج ده كان عااااااالى قووى فأكيد هايجى فى بالك ان الموضوع ده صعب قووى ويمكن كمان تقولى مستحيل

وهو ده فعلا اللى قاله المتفرجين

أثناء السباق ...

وكل الضفادع بتجاهد للوصول لقمة البرج كانت دى بعض تعليقات الجماهير :

_اوه دى صعبة جدا ازاى مش ممكن
_البرج عالى قووى مستحيل هايقدروا يوصلوا
_مش معقول
_مستحيل
_صعبة قوووى

كل الضفادع بتتسابق ومنهم طبعا اللى استسلم
ومنهم اللى وقع وخلاص مش قادر يكمل
ومنهم اللى بيكمل وبيبذل اقصى ما عنده

لحد ما معظم المتسابقين انسحبوا وماكملوش

ولكن ومع كل الصعوبات دى

وصل احد الضفادع الى القمة ؟؟؟:confused:

_طب ازاى
_مش ممكن اكيد ده واحد خارق ...ماينفعش ...البرج عالى

وصمم أحد المتفرجين انه يعمل حوار مع الفائز ويسأله ازاى هو قدر يوصل ويحقق الانجاز ده ؟؟!!!

وفجــــــــــــأة

وجد أن .................

الفائز كان أصمـــــــــــــــا لا يسمع :eek:

نعم ........لا يسمع

********ياترى فهمت ايه من الحكاية دى
وياترى ايه المقصود من انه كان أصم

الضفادع اللى انسحبت اتأثرت بكلام الجماهير المحبط ده خلاهم مايقدروش يكملوا
أضعف من معنوايتهم ...لكن الضفدع الأصم (باشا ) ماسمعش اى حاجة من اللى اتقالك ولذلك وصل وحقق هدفه

وهنا نوصل الى .......

إنك ماتستمعش أبدا لكلام الأشخاص السلبين واليائسين
لأنهم بالطبع هايبعدوك عن احلامك وامنياتك وهايضعفوا من معنوياتك

ولذلك انا بقول .....

ان احنا كلنا عشان نحقق اهدافنا

فأنت محتاج للقطن فى أذنيك

وبالتوفيق ان شاء الله

السلام عليكم ورحمة الله