|
دعوة للتظاهر لمن طاروا بالواسطة دون تجديد العقد أو انقطعوا عن العمل بمحافظة الشرقية
بسم الله الرحمن الرحيم بادئ ذي بدي أحب أن أتوجه بالشكر لكل القائمين على هذا المنتدى الجميل والرائع وفقكم الله لما فيه الخيرثانيا أدعو جميع المدرسين الذين طاروا بالواسطة أو انقطعو عن العمل بمحافظة الشرقية أن ننظم مظاهرة أو اعتصام أمام مبنى مديرية التربية والتعليم بالزقازيق أو مبنى محافظة الشرقية وذلك يوم 15 أغسطس والأيام التالية له وذلك للأسباب التالية : أولا : المطالبة بسرعة البت في التظلمات التي تقدمنا بها خلال شهر مارس الماضي ثانيا : توصيل صوتنا إلى وسائل الإعلام حتى نوضح الظلم الذي وقع علينا بسبب إلغاء تكليف خريجي كليات التربية ثالثا: وضع خطة لإرسال رسائل إلى رئيس المجلس الأعلى للقوات المسلحة ورئيس مجلس الوزراء ووزير التربية والتعليم حتى يعلموا بمطالبنا وهي العودة مرة أخرى إلى العمل الذي حرمنا منه بسبب الواسطة والمحسوبية في أيام النظام البائد رابعا : الضغط على اللجان التي تقوم بالبت في التظلمات أن تقيم التظلمات بطرق صحيحة دون وقوع ظلم على أحد أو وساطة أو محسوبية أرجو من خريجي كليات التربية والمدرسين المنقطعين والمدرسين الذين ضاع حقهم بالواسطة والمحسوبية (وأنا واحد منهم) الانضمام لهذا الاعتصام يوم 15 أغسطس 2011 أمام مديرية التربية والتعليم وهذه طرق التواصل ايميلي هو az.atwa على الياهو ورقم تليفوني هو 0112708669 أو 0194849355 |
اسمحولي ابدأ أول مشاركة بالرغم اني صاحب الموضوع
عبدالعزيز عطوة خريج تربية فيزياء وكيمياء 2001 بتقدير جيد عملت سنة بالحصة 2001/2002 وكانت الحصة بجنيه واحد على ما أتذكر واستحملت البهدلة بالرغم ان الفلوس مكنتش بتكفي المواصلات ( بس كنت بدي شوية دروس علوم اعدادي كدة وكانت ماشية ) بعد كدة عملت بعقد المكافأة الشاملة لمدة سنة 2002 / 2003 اللي هو كان بـ 110 وكان بيتخصم منه وقلنا الحمد لله في بداية سنة 2003/2004 رحت أجدد العقد فموجه عام العلوم قالي مفيش عقود السنة دي مش محتاجين قلتله دي المدرسة اللي انا فيها بمشي ليها 2 كم بعد الطريق علشان أوصلها وفي الأيام دي مكنش فيه توك توك فكنت باخدها مشي تقريبا نصف ساعة وهذا الكلام أحاسب عليه أمام الله فمين هيروح المدرسة دي مفيهاش أصلا أي مدرس علوم أنا كنت شايل 6 فصول اولى وتانية وتالتة اعدادي وهي دي المدرسة كلها وانا اللي كنت بحط الامتحانات بتاعت الشهور وبتاعت نصف العام وآخر العام والمدرس الأول مكنش بييجي نهائي غير كل شهرين 3 مرة فالمهم الموجه قالي مفيش عقود وقعدت اتحايل عليه انا شلت المدارس اللي محدش بيروحها سنتين شوف لي اي عقد وحاولت أشوف ناس معرفة المهم لم يجدد لي التعاقد رحت مدرسة على زكي وقدمت فيها والحمد لله طلعت الأول في الانترفيو والامتحانات على 45 مدرس فيزياء وكيمياء كانوا مقدمين وخدت تدريب لمدة شهرين ببلاش وبعدين بدأ العام الدراسي واشتغلت رابعة ابتدائي وخمسة ابتدائي واولى اعدادي وثانية اعدادي وكان حاططني لأولى ثانوي فيزياء لكن الفصل مكنش لسة فتح وكان المرتب 150 جنيه ولكن يشاء الله أن أحصل على فيزا الامارات وسافرت واشتغلت مدرس لمدة 4 سنوات ورجعت 2008 ومن ساعتها بحاول احصل على عقد لكن مش عارف بالرغم ان في ناس كتير غير متخصصة حصلت على عقود بالواسطة والآن شغال دروس فيزياء والحمد لله الحالة تماما لكن بعد الثورة تجدد الأمل في الحصول على العمل والله الموفق معلش طولت عليكم لكن كنت عايز أفضفض شوية |
يا شباب عايز ردود ومشاركات انا عارف اني اللي قدموا تظلمات 12500 واحد لو جمعنا 5000 بس ورحنا تظاهرنا هيسمعوا لينا ان شاء الله
|
كفاية عليك ال4 سنين بتوع الامارات والدروس الخصوصية يا عم عطوة
ولا هننهب |
اقتباس:
شكرا بس أكيد هننهب لأن الرسول ( ص ) قال لو كان لابن آدم واد من ذهب لتمنى الثاني .............. وأنا لسة معنديش ولا وادي واحد ذهب ....... وأرجو انتقاء الأسلوب والكلمات عند الرد يا مدرس على ما تفرج |
ربنا معاك يا استاذ عطوة
على فكرة عندنا فى ابو حماد ناس كتير مثلك منهم 2 فى مدرستى ربنا يوفقكوا |
انا عارف مهما الواحد يسافر ويجيب فلوس ...حيفضل يحن للوضع الطبيعى اللى كان عايشو فى بلدو لانى جربت الكلام ده
وماهوش عيب انك تدور على عقد حتى لو كنت جايب ملايين الامارات وحتى لو كنت بتدرس لمصر كلها فيزيا ده حقك وما تفرطش فيه |
الاخ مدس على ما تفرج الاستاذ عبدالعزيز تربية فيزياء 2001 يعنى المفروض يكون متعين من 10 سنوات لكن هيا دي مصر تم الغاء التكليف و الان يقول المسؤلين ان التعليم ليس على المستوي بعد الغاء التكليف
هنقول تانى سياحة و فنادق و حقوق و تجارة دبلومات بيشتغلوا مدرسين ازاى و خريجي التربية فى الشارع الاستاذ مدرس على ما تفرج شكلك شربت من نيلها و جربت تغنيلها |
اقتباس:
وفقنا الله وإياكم لما فيه الخير |
اقتباس:
أشكرك على هذا الكلام الجميل ويا ريت كلنا نعرف ان لما الواحد بيدور على حقه ده مش عيب حتى لو فرضنا ان عنده ملايين |
اقتباس:
ألف شكر ليك وأرجو من الجميع الذين لهم نفس موقفي المشاركة في الموضوع حتى نأخذ حقوقنا ان شاء الله |
فين الناس وفين المشاركات يا شباب ولا واحد إلى الآن قال انه هيشارك في التظاهر
|
امال فين الـ 12500 اللي مقدمين تظلمات يا جماعة
|
معاك وزير التربيه والتعليم .. قولى شكوتك حل مشكله تعسفات تنفيذ اى قرارات مرتبطه بالتثبيت او حافز الاثابه. 1- رفع دعوه قضائيه على وكيل وزاره التربيه والتعليم بمحافظتك بالقرارات التى اعتمدها ولم يتم تنفيذها 2- ارسال فاكسات الى وزارات التربيه والتعليم بالقاهره بمشكلتك 3- ارسال فاكسات الى التنظيم والاداره بالقاهره بمشكلتك وبالجهاز التنميه المحليه بالقاهره بمشكلتك 4-ارسل نفسك ومن معك الى ميدان التحرير فى حاله لم تلقى اى اهتمام لشكوتك والذهاب لمجلس الوزراء قيل وزير التربيه والتعليم |
|
| جميع الأوقات بتوقيت GMT +2. الساعة الآن 07:29 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.