|
كلمتين ورد غطاهم
بابا مبارك اسمع منى الكلمتين دول تسمـحلي أقــولّك يابابا ؟ بابا أنا تعبــان أوي ....لأ مــش سنانــي دي ودانــي ...أيــوه ودانــي ..أصلي سمعــت كتيــر أوي عن حاجــات حلوة حتحصــل لنا وما حصلــش منها حاجــة ...حقول لك شويــة حاجــات منها واخواتي هنا يمكــن يحبــوا يزودوا عليها شــوية حاجات تانيــة جايز أكــون نسيتها ... بابا مــش عايزك تزعــل منى علشان فتحــت لك قلبــي بابا...بيقولــوا إن إسرائيل ممكــن ترجــع تحتلّنا تانى علشــان المعاهدة اللــي عمّــو أنــور مضى عليها دي.....مينفعــش تلغيــها يابابا وندخّل جيــش مصــري في سينا بابا أنا سامع إن عمو أولمرت بيصلى ليك فى القدس وإنت يابابا ليه مش بتروح القدس تصلى إنت كمان ؟؟ بابا .. إسرائيل لسه قاتله واحد مصرى رايح شغله الصبح على الحدود ... وإنت حاطط على بقة سستة نحاس ومحدش إتكلم بابا...مصــر فى السياســة والإقتصــاد وحتى فى الرياضــة بقت في الحضيض.. بقينا في آخــر القايمــة يابابا صــدقنى بابا ...بيقولوا إحنا بنستورد إن مصر تستورد ثلثى استهلاكها من الفول إللى هو وجبة الغلابة ... بعد كده ناكل ايه بابا .. هما اليهود بيسرمحوا فى البحيرة عند ابو حصيرة و إحنا ش عارفين ندخل ام الرشراش الدول اللى كان محــدش بيسمع عنــها خالــص بقت أحسن مننا بكتيــر أوي يعنــى دول زي الهند...الفلبين...حتى تايــلاند عندهم إيــدز وبرضه بيشتغلــوا وبيصدّروا كمــان....إنت نمــت يابابا؟ .....لسه صاحي... طيب أكمــل بتشــوف قناة الجزيــرة والعربيــة ودبى يابابا ....شوف همّه وصلــوا وبقوا إيه واحــنا بقيــنا إيه....الإعــلام بتاعــنا بقه زبــالة بصراحــة يابابا...تفتكــر ده من إيــه؟ المصرييــن اللى عايشيــن بره محــدش بيســأل فيهم خــالص يابابا....تصــوّر لو حــد منهم مات ...السفــارة مابترضــاش تبعت جثته إلا لــو الناس لمّــت من بعضها ودفعــت المعلــوم......ده غير إن سفــاراتنا بتعاملهم بطــريقة أخر جليطــة وقلّة حيا بصــراحة إحنا مابنزرعــش قمــح ليه يابابا ؟؟؟ ....أنا عــارف إنــك بتحب الكنتلــوب علشــان طعمــه أحلــى ....مش مهــم هــوه ليه عمــو عمرو خــالد وأنكــل يوســف القرضــاوى ملهمش برامــج على التليفزيــون المصــري يابابا ؟؟؟....ليه كل البــرامج بتطلــع فيها روبــي ونانســي ودينا؟؟؟....طــب عمو طنطــاوي مابيزعلــش لما بيشــوف الحاجــات دي ؟ فيه إشاعــة بتقول إن عدد الجــراد اللى هاجم مصــر 76 مليون جرادة يعنى نفــس عدد شعــب مصر وإن عمــو كمال الشاذلى هــوه اللى بعتهــم علشان يقولــوا نعم يامبارك .... صحيــح إنهم كتبــوا ليك مبايعة علــى ورق الشجــر يابابا؟ :d بابا ..... وزير الزراعة الجديد ده باين عليــه فقــر وقدمــه نحــس .... اوعى تفرط فيــه يابابا لأنــه بقى أملنــا الوحيد بابا...إنــت صحيح ناوي تجــدد تاني في 2011 ؟؟؟ باباااااااا......سيب شعرررررري ياباباااا.......مين الناس دول يابابااااااااا همّا واخدني ورايحين على فين ياباباااااا المعتقل ان شاء الله نص الموضوع منقول ونصه مألفه :) |
هههههههههههههههه بابا انت ناوى تخدنا معاك ولا ايه ولا ناوى على ايه يا بابا بابا كل اللى هيرد عليك هيروح ورا عين الشمس يا بابا وانا اولهم يا بابا بجد تسلم وشكرا لموضوعك الجامد ده |
ايه الموضوع الجامد ديه يا ابن بابا وصي بابا علينا متنساناش
|
ـــــــــــ
متشكر استاذ حسام وكلنا فداااااء للوطن حتى لو بابا مبارك بيعك :) ـــــــــــــــــــ ان شاء توصل التوصية يا مروج بس هو ممكن ينفذ اخر حتة فى الموضوع :d ــــــــــــــــــــــــــــــــــــــــ |
انت هتودينا في داهيه
ربنا يستر عموما انا معاك هو حد شايفنا كله كلام في كلام شكرا للموضوع ده |
على رائيك ياعم حسام
بابات كلهم هيضيعو المنتدى هيتشمع بالاحمر ههه هقولك ايه ياعم احمد جود مان |
طبعا محدش يقدر يشمع المنتدى
كان غيره اتشمع واهه فى حاجات ياما أشد من كده إحنا بنقول رأينا بس وياريت كله يشارك وبرضه محدش يزعل البابا !! :d شكرا سمسم مصطفى :) |
بابا يابابا انا عاوز ارتاح يتشغلنى ياتدينى امر اعتقال
المشكلة ان مافيش حد يقدر يتكلم ويقول كده لانه عارف بيروح فين الله يرحمك ياسادات لك الله يامصر |
الحمد لله ....رحنا في داهية.
مشكور يا معلم عالموضوع و انت شكلك بتحبب بابا أوي زي بالظبط ...يا سبحان الله...و بالنسبة لعمو عمرو خالد ....انت مش واخد بالك عمرو خالد مش بيجيب فلوس لكن روبي وهيفا و دينا بيجيبوا فلوس كتييييييير و بعدين هوعايز الشعب ينبسط برضوا...ههههههههههه وبالنسبة للاعلام ماله الاعلام بتاعن مش كفاية عليك صباح الخير يا مصر الي كل يوم الساعة سابعة الصبح بيقدموهالك.... ______________________________________ ربنا يكرمك و يخليك للشعب المصري وبالمناسبة الوصية بتاعتك ابقى ابعتهالي عشان الظروف يعني....و لو انا اتعلقت معاك .....................((((الوصية بتاعتي تحت سجادة الصالون كالمعتاد)))) .......... |
اقتباس:
ـــــــــــــــ شكرا يا تيموا ورميو وسلامى للبابا |
بابا انت شكلك مش فاضي وشكلك هتودينا في داهية
هههههههه فكرة جميلة يا برنس شكرا علي موضوعك |
جهزوا نفسكم يا رجالة وكل واحد يلبس حاجة طوية برقبة علشان ميحسش بالضرب في المعتقل
انا الحمد لله بعيد انا في بلد بتحترم الناس والقانون والنسان فيها بيفضل طول عمره انسان |
شكرا لك على الموضوع والموضوع جميل جدا وجزاك الله كل خيرا |
| جميع الأوقات بتوقيت GMT +2. الساعة الآن 07:07 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.