حد يفهمنى اللغز اللى فى اداره ابو حمص
 

انا تعاقد 2004 و ناجح فى كادر ابريل و اداره ابو حمص بتستلم الاوراق من الناجحين فى كادر ابريل التعاقدات قبل 2009 لزعمهم بوجود قرار باحتساب سنوات الاقدميه و سنوات الخبره و الحصول على العلاوات باثر رجعى و لا تستلم من تعاقد 2009 مع عدم وصول القرار 244 للاداره
و فى الاكاديميه و مديريه التعليم يؤكدون عدم صحه تسليم الورق الان الا بعد وصول القرار علما بأن عشرات المدرسين سلمو اوراقهم و انا لم اسلم ورقى حتى الان و اخشى ان يداهمنى الوقت
ارجو من اى حد فاهم ان يعطينى اجابه قاطعه فى هذا الموضوع لان الوقت قرب يخلص على تسليم الورق لهذه الاداره

يا اخى سلم الورق وعلى بركة الله بدل مترجع تندم يوم لا ينفع فيه الندم

لا وصل فاكس النهاردة وراح أ / سعيد الخطيب استلم ملفاتنا من الاكاديمية وقاللى اصبر شوية ومرضاش يستلم منى

يا استاذ حمدى اى فاكس انت بتقصده اللى سلم ورقه لهذه الاداره قبل صدور القرار 244 سيتم اعتباره معين بالقرار 263 الخاص بالتعاقد اى اعتباره معلم مساعد و حيبداء من الاول

حضرتك سلم ورقك كامل للادارة واكتب بياناتك على الظرف انك امتحنت كادر 1 ابريل وارفق بيان النجاح مع الاوراق واكتب بداية التعاقد 2004 وبكدة حتحفظ حقك وولو فعلا تم التثبيت على معلم مساعد فحيثتثنو اللى امتحنو كادر وبجد لو مسلمتش ورقك دلوقت ممكن متلحقشى التثبيت لان عارف قد ايه احنا بنعانى من قلة التواصل وفهم الاوامر وتنفيذها داخل الادارات المصرية عامة ( محدش فيهم حيقدر يدلك على معلومة تريحك وتناسب ظروفك) اتكل وحاول زى مقلتلك تقدم كافة اوراقك كاملة واكتب كل شئ ترفقه على الظرف من برا( نتيجة الكادر_ icdl كمان _ المؤهل اوراق التعيينات والاستمارات والدمغات وكل معلومة مهمة وحاول تكتب نتيجة الكادر بلون مختلف على الظرف من برا وربنا يكتبلك الخير

يا رب الخير للجميع والتوفيق

لا
أنا سألت الاستاذ سعيد الخطيب قالى هنفرزوا الملفات ونطلعوا بتوع 1/4

انا بفضل انك تستنى شويه