|
طب القاهرة أم طب عين شمس..؟؟أرجو الإفادة
السلام عليكم ورحمة الله وبركاته أنا خلصت ثالثة ثانوى وجبت 98.29% وإن شاء الله ناوى طب بشرى... وكنت عايز أعرف أنهى أحسن طب عين شمس ولا طب القاهرة..؟؟ يا ريت تقولوا الأسباب ليه المنهج هنا هو المنهج هنا؟ الشهادة دى أقوى من الشهادة دى؟ فرص المنح والبعثات..؟؟ إدارة الجامعة..؟؟ غير كده أنا 19 سنة..((دخلت أولى إبتدائى وأنا 8 سنين بسبب الحضانة فى التجريبيات وكمان دفعة سنة 6)) فتقريبا لو أتخرجت هيبقى عندى ساعتها 26 سنة وأبتدى أكون نفسى بقى ((على كده هأتجوز على سن ال40)) فأنا سمعت إن فى دبلومة أو حاجة ممكن تعملها تخليك تعد رسالة الماجيستير وبعديها الدكتوراه وأنت لسه بتدرس...حد عنده معلومات عن الحكاية دى..؟؟ غير كده أنا أعرف ناس فى إستراليا وأمريكا ممكن يبعتوا لى فيزا أسافر أدرس هناك...يا ترى الجامعة ممكن يبقى ليها دور فى الحكاية دى..؟؟ ويا ترى أفضل إنى أقدم للجامعات الخاصة...وإيه عيوبها وميزاتها..؟؟ معلهش أسئلتى كتير بس ده مستقبل ^_^ يا حبذا لو الإجابات تكون عن تجربة فى الجامعة دى أو الجامعة دى |
اقتباس:
|
ياااااااااااااااااااااااااااااه الله ينور عليك والله ..
انا نفس الحالة برده .... ومتابعة معاك لأن انا الحمدلله جبت 99.2% وناوية ع طب بشرى ومش عارفة ادخل عين شمس ولا القاهرة بس انا ف مدينة نصر فعين شمس اقربلى كتير ... فشكلى حقدم ع عين شمس كرغبة اولى ان شاء الله بس برده احب اعرف الامكانيات من ناس مجربين ... ويارب يشوفوا الموضوع ويتفاعلوا باذن الله :022yb4: |
وبالنسبه لو واحد مش من القاهره
انا مش من القاهره وناوى ان شاء الله انسق على الطب البشرى فى عين شمس او القاهره.
مين الاحسن وانا لازم اكتب كليه الطب اللى فى المحافظه باعتى كرغبه اولى مع العلم ان معايا سكن فى الجيزه ومش ناوى ادخل كليه الطب فى محافظتى. وياريت لو مقارنه بين الكليتيتن |
اقتباس:
أنا سمعت كده هأحاول أجيب معلومات عن الحكاية دى وأقول لحضرتك يعنى على بكرة بالكتير إن شاء الله ^_^ |
اقتباس:
طب كويس ^_^ لقيت شريك فى الكفاح أنا برضه قريب من منطقة الحدايق فعين شمس أقرب لى كتير لكن بعد ما طلع ترتيبى على علمى علوم حوالى ال8000 فأنا خايف لا مألحقش طب ربنا يستر ويقدم اللى فيه الخير يا ريت والله أى حد يلتفت للموضوع لحسن ده عامل زى اليتيم وخلاص التنسيق يوم السبت إن شاء الله |
اقتباس:
معرفش والله يا حازم حكاية التوزيع الجغرافى ده لكن لو الجيزة تقريبا هتبقى جامعة القاهرة الله أعلم برضه إحنا مستنيين أى حد يرد علينا |
انا من المنوفيه وجايب 99.8 وطب شبين اعلى طب وانا مش عاوز ادخله اعمل ايه
|
محدش ناوى يرد علينا
تقريبا عشان بيمتحنوا الأيام دى ^_^ |
السلام عليكم ...
أنا برده محتار في الموضوع ده بس أنا سألت كتير وتقريبا كل اللي أعرفهم اجمعوا علي القصرالعيني لدرجةأن لي أقارب في عين شمس نصحوني بالقصر العيني |
بصوا يا جماعة احسن حل اننا نروح قسم تنسيق 2011 ده شغال احسن شوية من القسم ده وربنا يستر التنسيق حيقفل واحنا لسة محتارين :o
|
أنا فى رأيى كده برضه
هأنقله هناك وربنا يسهل نتابع مع بعض هناك بقى ^_^ |
هي نفس المناهد يا جدعان والله....... انتوا مالكوا قلقانين كدا .... انتوا والله بتفكروني ينفسي ايام زمان بقي :d:d
|
اقتباس:
قشطة يا شريف ^_^ أخيرا حد عبرنا طب الشهادة دى أقوى من الشهادة دى؟ فرص المنح والبعثات..؟؟ إدارة الجامعة..؟؟ |
افضل طب اللى هو القصر العينى اى طب القاهرة
|
| جميع الأوقات بتوقيت GMT +2. الساعة الآن 02:37 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.