ساعدونى انا طالب بالمرحله الاولى وحصلت على 90.7% هل ممكن الحق هندسه
 

السلام عليكم ورحمه الله وبركاته


ارجوا المساعده من اخوانى فى الله طلبه كليه هندسه

انا فى 2 ثانوى علمى ومجموعى 90.7% وباذن الله هاكمل علمى رياضه

هل ممكن الحق هندسه العام القادم ام لا ؟؟

ولو ممكن كيف ؟؟

ياريت لو فى حد كان نفس ظروفى دى يرد على وينصعنى نصيحه لوجه الله


ارجوكم ساعدونى .. انا احتاج لمساعدتكم

ممكن بس شد حيلك فى تالتة و شوف نقط ضعفك فى تانية و قويها

بالتوفيق ،،،،،،،

طب انا جايبه 92,4 كدا هلاقيلي مكان السنة دي في هندسة و لا ايه
انا خلاص خلصت ثانوية و عامه و عاوزة اعرف المجموع دا مرتاح لهندسه و لا ايه؟؟؟؟؟

شكرااا لردك عبد الرحمن

اتمنى ان حد ذو خبره او تجربه ينصحنى اعمل ايه بالتفاصيل

انا قدك بردو يا جميلة بس انا كان نفسى فى طب بس هكمل رياضه لانى جبت 94 بصى الموضوع عايز مزاكرة من نار وانتظام جامد وصلى استخاره بردو وربنا يكرمك متفكريش عموما فى هندسه فكرى ازاى تزيدى الاول

انا كنت جايب السنه اللى فاتت 91 والحمد لله ربنا وفقنى السنادى وجبت 94.4
طول مانت حاطط هدف قدامك هتوصله ان شاء الله
بس اهم حاجه انك متكسلش خااااااالص
وتكون واثق من قدراتك
وحاجه تانيه مهمه جدااااااااااااااااااا
اوعى ماده تيجى على حساب ماده تانيه
لانك غصب عنك هتلاحظ انك بتذاكر رياضه وفيزيا اكتر من اى حاجه تانى
فحاول على قد ما تقدر انك تخلى كل المواد متساويه
مش فى وقت المذاكرة
فى المعلومات اللى بتذاكرها
وطبعا اهم حاجه انك تختار المدرسين اللى هتبدأ معاهم ان شاء الله
وانصحك انك تبدا بدرى مش بعد رمضان
هتكسب وقت هينفعك جامد اوى
اخر السنه
وان شاء الله تحقق حلمك وتخش هندسه يا باشمهندس

هندسة بترول السويس
 

انا عقولك وجهة نظرى بس فى النهاية القرار قرارك السنة ديه سنة خاصة جدا يعنى انا لا كنت فى ثانية ثانوى كانت مدرستى فيها حوالى 100 واحد فوق التسعين من حوالى 550 واحد لكن السنادى فى 500 واحد فوق التسعين فبالتالى السنة ديه محدش اتفرق عن حد يعنى اللى ذاكر ذى اللى مذاكرش يعنى احتمال كبير المجاميع تعلى اوى السنة الجاية او ممكن يحصل حاجة تانية ان الامتحات تيجى صعبة لان فى جميع الاحوال اعداد المقبولين مش عيزيدو عشان كده فكر تحول ادبى وتلحق كلية من كليات القمة (اقتصاد وعلوم سياسية , السن, اثار) وتوفر على نفسك المصاريف والمجهود بس ذى مقولتلك ده قرارك فى النهاية بس لو عتكمل رياضة اول حاجة تكون متاكد انك كويس فى الرياضة وبعدين تشوف درس رياضة 2 كويس اوى ومدرس فيزياء كويس اوى وبالتوفيق ان شاء الله

بصراحة صعبة بس مكن تفكرى فى حاسبات

شكرااا كتييييييييييييييير لردك واهتمامك

بس انا برده محتار جدااا لان انا ترتيبى على الجمهوريه على شعبه علمى 115224


ترتيب وحش طبعاااا


مش عارف هل ممكن الحق هندسه ولا لاء ؟؟!!!

ياريت اى حد ذو خبره يرد عليا ويعرفنى راسى من رجليا بالتفصيل لو سمحتوا

متخافش ... انت شد حيلك بس وربنا هيوفقك

انا السنة اللى فاتت كنت جايب 90.7 % زيك بالظبط والسنة دى جبت فى التوتال 94 %

ان شاء الله خير وتقدر تجيب مجموع كبير السنة اللى جاية ... كمل علمى رياضة وعلى بركة الله :)

شكرااا لاهتمامكم جميعاااا

ارجوا التواصل اخى _GhoSt_

ياريت لو تبعتلى رساله باميلك الشخصى للتواصل

وشكراااا

الصراحة مش هاتلحقى

انا اعرف واحد كان جايب 90 فى تانية و دخل هندسة ف تالتة