بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   منتدى معلمي التربية والتعليم (https://www.thanwya.com/vb/forumdisplay.php?f=737)
-   -   فى إدارة فاقوس بالشرقية .. تضارب فى القرارات ومؤامرة تدبر بليل (https://www.thanwya.com/vb/showthread.php?t=343000)

عابدين مدرس لغة عربية 19-07-2011 08:23 PM

فى إدارة فاقوس بالشرقية .. تضارب فى القرارات ومؤامرة تدبر بليل
 
أفادنى التوجيه بالكارثة التالية : يعتزم وكيل الوزارة اصدار قرار بنقل المعلمين من مركز فاقوس إلى إدارات أخرى يوجد بها عجز كالحسينية مثلا أو الصالحية ، كما يعتزم التوجيه نقل المعلمين من المرحلة الإعدادية إلى المرحلة الابتدائية ..

نحن معينون على المرحلة الإعدادية .. فكيف يتم نقلنا إلى الابتدائية ؟
هل يجوز للمديرية نقل المعلمين إلى مراكز أخرى دون مراعاة لمحل إقامة المعلم ؟
السؤال الأهم : ما موقفنا نحن كمعلمين إذا صدر هذا القرار الكارثى ؟ هل سنرضخ له كما كان يحدث فى الماضى ؟

عابدين مدرس لغة عربية 19-07-2011 08:29 PM

يا جماعة احنا تعبنا .. وكفاية ذل ومهانة لحد كدا
بقالنا عشر سنين شغالين بعقود أشكال وألوان .. ومشحططنا فى مدارس بعيدة .. ويوم ما نيجى نرتاح شوية نتفاجىء بيهم عايزين يبهدلونا تانى ..
المرادى مش لازم نسكت ..

winwaw 19-07-2011 09:09 PM

حسبى الله ونعم الوكيل

محمد حسين الشربينى 19-07-2011 09:14 PM

ربنا معاكــــــــــــــــــــــم

فارس النت 19-07-2011 10:27 PM

يجب تطهير ادارة فاقوس بكل مافيها

علاء فرحات2 20-07-2011 12:16 AM

بيك هم ولا ازيدك

ايناس طلعت محمد 20-07-2011 12:25 AM

لية ادارة فاقوس بالخصوص هو مفيش غيرنا و بعدين مش ينفع نتعين فى المرحلة الابتدائية و ذلك لان قانون الكادر بيقول اننا نعين على المرحلة التى تم امتحانا فيها و هى المرحلة الاعدادية و الا مكنش ظهرت مشكلة المسمى الوظيفى لزملائنا فى الابتدائى هما ممكن يعملوا لنا ندب للابتدائى

Hemat saad 20-07-2011 12:44 AM

كله ماشى من دماغه هذه الايام

أسامة النمر لغة عربية 20-07-2011 01:17 AM

اتمنى من المعلمين الاحرار التصدي لهذا العبث بكل الوسائل الممكنة وكفانا ذل ومهانة

عابدين مدرس لغة عربية 20-07-2011 06:22 AM

اقتباس:

المشاركة الأصلية كتبت بواسطة ايناس طلعت محمد (المشاركة 3705606)
لية ادارة فاقوس بالخصوص هو مفيش غيرنا و بعدين مش ينفع نتعين فى المرحلة الابتدائية و ذلك لان قانون الكادر بيقول اننا نعين على المرحلة التى تم امتحانا فيها و هى المرحلة الاعدادية و الا مكنش ظهرت مشكلة المسمى الوظيفى لزملائنا فى الابتدائى هما ممكن يعملوا لنا ندب للابتدائى

القانون بالفعل بيقول كدا ..
لكن الظاهر انهم مستكترين علينا التعيين والراحة بعد عشر سنين بهدلة وقلة قيمة فى التعاقدات . . الظاهر احنا بقينا فى نظرهم عبيد شغالين بالسخرة فى عزبة التربية والتعليم ..
اتحدى ان يكون فى وزارة محترمة تانى بتعمل فى ولادها كدا

عابدين مدرس لغة عربية 20-07-2011 06:27 AM

اقتباس:

المشاركة الأصلية كتبت بواسطة أسامة النمر لغة عربية (المشاركة 3705912)
اتمنى من المعلمين الاحرار التصدي لهذا العبث بكل الوسائل الممكنة وكفانا ذل ومهانة

الظاهر انهم مابقوش بيسمعوا أو بيفهموا حاجة غير لغة الاعتصام ..
إنه يحاول ينقلنى مركز تانى بمزاجه كدا نقل عشوائى دا أمر بالنسبة لى مرفوض
إنه يحاول ينزلنى الابتدائى ويدفنى فيه .. دا بردو مرفوض ..
لازم نفهمهم يا جماعة إن المصريين شالوا من جيوبهم الختم اللى كانوا بيختموا بيه على قفاهم زمان بعد كل قرار ..

meslmat 20-07-2011 07:31 AM

....................

اشرف البدوى 20-07-2011 07:57 AM

لابد من وقفه جاده

روان2006 20-07-2011 08:47 AM

انا من ادارة ديرب نجم وكان الاشتاذ الغير مبجل محمود العريبي قد اصدر لنا قرارا نقل مجموعه من مدرسين الحاسب الالي الى ادارة بلبيس مع الموجه واغينا القرار
وكل اللي بيحصل دة علشان يخبوا التزوير اللي حصل في قرارا نقل المعلم المساعد الي معلم
حيث انه قام هو والمدعو نبيل جادو باضافه اسما ممن لم يستوفوا الشروط من ادارة ديرب وغيرها الى الاسماء المعينين
وكل زملائي ذهبوا النهاردة الي الوزير ومعهم ما يثبت ذلك
وان ومعي اثنين سوف نذهب الى النيابه الاداريه
وعلي فكرة احنا كتبنا في محمود العريني شكوى امبارح عند الحاكم العسكري وكانت معانا واحدة من ادارة فاقوس
اسمها ريهام ودخلت معانا عند المحافظ امبارح
هي توجيه مكتبات ممكن اللي يعرفها سالها
دعواتكم لينا

عابدين مدرس لغة عربية 20-07-2011 09:07 AM

اقتباس:

المشاركة الأصلية كتبت بواسطة روان2006 (المشاركة 3707030)
انا من ادارة ديرب نجم وكان الاشتاذ الغير مبجل محمود العريبي قد اصدر لنا قرارا نقل مجموعه من مدرسين الحاسب الالي الى ادارة بلبيس مع الموجه واغينا القرار
وكل اللي بيحصل دة علشان يخبوا التزوير اللي حصل في قرارا نقل المعلم المساعد الي معلم
حيث انه قام هو والمدعو نبيل جادو باضافه اسما ممن لم يستوفوا الشروط من ادارة ديرب وغيرها الى الاسماء المعينين
وكل زملائي ذهبوا النهاردة الي الوزير ومعهم ما يثبت ذلك
وان ومعي اثنين سوف نذهب الى النيابه الاداريه
وعلي فكرة احنا كتبنا في محمود العريني شكوى امبارح عند الحاكم العسكري وكانت معانا واحدة من ادارة فاقوس
اسمها ريهام ودخلت معانا عند المحافظ امبارح
هي توجيه مكتبات ممكن اللي يعرفها سالها
دعواتكم لينا

متشكرين جدا على الكلام الخطير دا .. بس يا ريت توضحيلنا ازاى الغيتو قرار نقلكوا إلى إدارة بلبيس


جميع الأوقات بتوقيت GMT +2. الساعة الآن 04:01 AM.

Powered by vBulletin® Version 3.8.11
Copyright ©2000 - 2025, Jelsoft Enterprises Ltd.