سؤااااااااااال عشان خاطرى حد يرد ويساعدنى
 

انا فى 2 ثانوى حاليا وجبت 93.9 ومحتاره موت ما بين علمى علوم ورياضه بس انا عايزه طب ومش عارفه هزيد ولا هقل ولا ظروفى ايه انا قصرت اوى السنه دى غير الظروف اللى حصلتلى وانا مش مرتاحه لرياضه مع العلم انى هبدأ النهارده فى صلاة الاستخاره ارجوكم ياريت لو حد فى طب ينصحنى انا اعرف ان فى ناس بتعلى فى 3 لو عندها طموح وانا نفسى فى طب اوى

انا جايب 94.6 ومحتار زيك بالظبط انا همووووووت واخش طب هل فى امل وانا اموت نفسى مزاكرة

اظن احسن ليكوا انتو الاتنين رياضة وكمان لازم تشدوا حيلكو السنة الجاية لان المجاميع نااااار فى سنة تانية ولو الامتحانات جات السنة الجاية بالطريقة دى هندسة ممكن 97
يا ريت ما تزعلوش من كلامى لكن دى شهادة لله

مهو اكيد الاحسن لينا طبعا العملى رياضة حتى مجموعنا مريح حبتين بس احنا بنتكلم هل فى امل لو دخلنا علمى علوم

ليه التشاؤم شدوا حيلكم وربنا معاكم

انسوا طب خالص لا يمكنكما الالتحاق بها نهائي علي اي حال من الاحوال في ظل هذه المجاميع الخرافية
لكن ممكن احتمال ضعيف اسنان و احتمال اقوي صيدلة او علاج طبيعي و ده حسب مجهودكم و لن تستطيعوا الحكم الآن لان بالتاكيد كل واحد فيكم فاكر انه هياكل الكتب السنة الجاية لكن مع الوقت الشعور ده بيقل

نصيحة مجرب

رياااااااااااااااااااااااااااااااااااااااااااااااا ضة طبعا
مينفعش تكملوا علوم مع وجود المجاميع الغريبة السنة دي

طبعا علمي علوم وممكن تلحقوا صيدلة بسهولة ان شاء الله

يعنى خلاص اتوكل على الله واخد رياضه

طب يعنى اتوكل واخد رياضه

نصيحة
 

انا كنت في ثانوية ازهرية السنة دي والحمد لله جبت 100.6% وهدخل الكلية اللي انا عايزها باذن الله, انت عارف ان احنا بناخد رياضة اتنين كلها والله رياضة اتنين سهلة جدا وانصحك بالنسبة لمجموعك رياضة امان
نحن السابقون وانتم اللاحقون ان شاء الله

صلى صلاة استخارة واتوكلى ع الله وخليكى رياضة افضل بكتير ده وجهة نظرى

انصحكوا برياضة
الطب ياجماعة عايز واحد دحيح او عبقرى حفظ
وانتوا بمجموعكوا ده لو كنتوا جبتوا اخركوا يبقى صعب اوى تجيب مجموع اعلى ف 3 لان 3 اصعب من تانية
اما لو مكنتوش جبتوا اخركوا يبقى فى امل
بس مش عارفة مع المجاميع الغريبة السنة دى فى امل ولا لا
اتمنى لكم التوفيق وصلوا استخارة

• طب مانا اعرف بنتين كانوا جايبين زيى و زيى الولد اللى بيتكلم اللى جايب 94 ونص والاتنين جالهم

طب بس واحده دخلت صيدله والتانيه طب كمان انا لولا انى دخلت المستشفى قبل الامتحانات والظرف اللى حصلت ليا قبلها كمان كان ممكن اجيب احسن

ياريت طلبه طب وهندسه بس اللى يردو مش اى حد