ضرورى محتاج للنصيحه
 

بسم الله الرحمن الرحيم

انا يا جماعه فى ثانيه ثنوى وجبت 93% والى حصل حصل وداخل 3 وان شاء الله هشد حيلى فيها واعمل الى عليا عايز اعرف فى امل انى الحق كليه الهندسه جامعه الفيوم لانى من الفيوم . وانا عمرى ما تخيلت انى مش هدخل هندسه فلقدر الله لو مكنش مكتوبلى ومدخلتش هندسه بسبب 1% ولا حاجه زى كده تقترحوا عليا كليات ايه لانى بجد بجد مش عارف اعمل ايه وارتفاع المجميع بتاع السنادى لثانيه ثوةى قالقنى جداااااااااا

يا ريت حد ينصحنى ؟؟؟

الموضوع كله في أيديك انت انت لوً شديت مع المستوي هتقدر تجيبها مرتاح و لو مفيش نصيب تجارة أنجلش موجودة و هي كلية محترمة جداً علي فكرة

على فكرة لو حطيتها فى دماغك فعلا هتجيبها .. وهتجيبها مستريح كمان اعمل اللى عليك ومتفكرش فى غيرها لانها لسه فى ايديك .. وانت تقول انت حاططها فى دماغك من زمان يعني هي بالنسبة لك المفروض ملهاش بديل

وعلى فكرة انا كنت جايب فى سنة تانية 89 وشديت حيلي فى تالته وجبت 98
وبقى مجموعي الكلي 93.3% ودخلت هندسة بالظبط وده توفيق ربنا

فانت اعمل اللى عليك وهتجيلك بإذن الله

شكرااااااااا جدا يا باشمهندس والله انا هعمل الى عليا ان شاء الله وانا عرفت ايه الى مخلنش ازاكر وصلحته وان شاء الله ادخل هندسه وبجد انا بشكرك على مشركتك وبكلامك ده انتا رفعت من روحى المعنويه

شكراااااااااا

شكرااااا :) وان شاء الله انا هعمل الى عليا

ربنا معاك :) شد حيلك وسيبك من اي حاجة تانية ;)
مفيش حاجة هتنفعك غير كليتك وأنت فى الاخر بتسعي والنتيجة على ربنا

وكل ما تحس بإحباط افتكر انا كنت جايب كام واقعد ذاكر عشان ربنا يوفقك

لان ياما ناس عوضت فى تالته وياما ناس مهتمتش وضاعت فى تالته يعني انت لسه الفرصة قدامك وكبيرة كمان :)

وانا هبقى ادخل كل فترة اديلك دفعة معنوية :p

فى اى وقت يا غااااااااااالى وبجد شكرااااا ليك

متيأس لان مجموعك مش قليل اوى انا كنت جايب ذيك و فى تانية فى تالته جبت 97 ودخلت هندسة مستريح بس اهم حاجة تشوفلك مدرسين كويسين اوى فى الرياضة 2 والفيزياء لانك عتتعب شوية علبال متلقيهم وخصوصا فى الرياضة وكمان لان باقى المواد مفهاش مشكلة بس نصيحة عن تجربة خد علم نفس وبالتوفيق ان شاء الله