مدرس سايب سؤال غلط.حرام
 

يا جماعه كان فى استاذ كان سايب سؤال بيقول .كيف يمكن حساب طاقه الالكترون فى الذرة عديدة الزرات؟؟ كل المدرسين عندى بيقولوا عمر ما سؤال يتحط كدا لو سمحت يا استاذ يالى حاطط السؤال دا يا ريت تقولى انت ايه رايك فى الى قاله المدرسين وياريت تسيب الاجابه بتاعته .......هيثم

اعداد الكم الاريعه ازاى بس يا ريت توضيح اكتر.....................هيثم

كل عدد كم يعبر عن طاقة معينة
ولحساب طاقة اي إلكترون تجمع هذه الطاقات وطبعا هذا غير مقرر على الطلبة حساب طاقة الإلكترون

حاطط سؤال غلط هوة انتا رجعت تاني لقلة الزوق في الكلام يا بني احترم نفسك في اسلوب كلامك
ومين قاللك ان السؤال غلط افتح الكتاب يا حمادة وانتا تشوف
وبعدين يجي ميجيش المهم موجود في الكتاب
ولاخر مرة بقولك خلي ردودك فيها زوق واحترام يا حمادة

اولا انا مش حمادة ثانيا انا كل ردودى فيها زوق ثالثا لو السؤال فى الكتاب يا ريت الصفحه علشان انا حالل كل اسئله الكتاب ومفيش سؤال زى الى حضرتك حاطه دا...ولحضرتك فائق الاحترام والتقدير.....هيثم(مش حمادة)

الى الطالب هيثم / طاقة الأليكترون تحدد بدقة متناهية عن طريق :- تحديد اعداد الكم الأربعة أولا .. وتحديدها سهل لكنه غير مقرر علينا , وهى عدد الكم الرئيسى والثانوى والمغناطيسى والمغزلى ,, زى ما انت عارف , لكن كل عدد نحصل عليه بدلالة الآخر وبمعادلة صغيرة ,, بعد كدة بنعوض بالأعداد الأربعة اللى جبناهم فى معادلة شرودنجر الموجية فنحصل على معلومات غاية فى الدقة عن الأليكترون وشكله الفراغى فى السحابة وطاقته واشياء عديدة .. وده طبعا مش مقرر وإن كان الطالب لازم يعرفه .. وأجمل التمنيات لك بالتوفيق يا هيثم ..

انا ما قولتش سؤال انا الي عامله سؤال من الكتاب علشان اقيس قدرة كل طالب علي مدي معرفته بكل كلمة في كتاب المدرسة
ده القصد وافتح صفحة 16 في الكتاب ورا تعريف اعداد الكم والسؤال يجي ميجيش انا بقيس قدرة معرفة الطالب بكل كلمة في الكتاب
ويارب تكون فهمت قصدي وتحسن اسلوبك لاني انا مش مجبر اني اضع اسئلة انا بضعها لوجه الله ولا انتظر سوي كلمة شكر ولو مش هتشكر مش تتكلم باسلوب وحش واسكت احسن واخر مرة هنصحك لله وبعد كده انتا حر والاساتذه المشرفين هما الي يتصرفوا معاك
مدرس سايب سؤال غلط.حرام</strong>
يا جماعه كان فى استاذ كان سايب سؤال بيقول .كيف يمكن حساب طاقه الالكترون فى الذرة عديدة الزرات؟؟ كل المدرسين عندى بيقولوا عمر ما سؤال يتحط كدا لو سمحت يا استاذ يالى حاطط السؤال دا يا ريت تقولى انت ايه رايك فى الى قاله المدرسين وياريت تسيب الاجابه بتاعته .......هيثم



يا ريت تقرأ كلامك وشوف اسلوبه منتهي
................ يله ربنا يسامحك

يا جماعة

خير و استهدوا بالله كدة

قال الرسول صلى الله عليه و سلم
ليس منا من لم يرحم صغيرنا و يوقر كبيرنا

أعتذر لك أستاذى الفاضل وائل علي بالنيابة عن الأخ هيثم الذى أظنه فهم خطئه

بيله خير الحمد لله علي كل شيء

أقدم اعتذارى لسيادتكم يا أستاذ وائل نيابة عن الأخ هيثم ويبدو أن تعبيراته خانته هذه المرة وياريت تسامحه وده يبقى كرم كبير من سيادتكم كما عودتمونا دائما .

والله انا مسامحه ومسامح اي حد بس احب بس يكون بينا الاحترام والمودة وشكرا لك علي زوقك وردك الجميل

اولا يا استاذ /وائل....انا لو اقدر اخلى اسلوبى وحش عمرى ما يبقى على حضرتك لانى والله بحترم وبقدر كل استاذ ثانيا انا اسف بس كل الى انا عملته حطيت السؤال بتاع حضرتك وقولت راى المدرسين الى سألتهم فى السؤال دا وسألت حضرتك عن اجابت السؤال بس. دا كل الى حصل وللمرة التانيه انا اسف.... وشكرا لك من تأسف للاستاذ وائل بالنيابه عنى .....شكرا لتوضيحك يا استاذ زكى...اسف للمرة التالته يا استاذ وائل.....هيثم

حصل خير يا هيثم وكلنا اخوات ولو عاوز اي سؤال انا في الخدمة وكلنا اخوة