|
رياضة2 ولا أدبى؟؟
السلام عليكم
أنا كنت علمى كيمياء فى سنة 2 وأنا دلوقتى رايحة سنة 3 جبت 89% أنا من زمان عايزة أدخل سياسة واقتصاد أو اعلام هتقولولى طب ليه دخلتى علمى؟؟ أنا دخلت علمى لعدة أسباب أهمها ان والدتى و والدى أطباء و اخواتى اللى أكبر منى الاتنين فى كلية الطب.. أنا صحيح طموحى مش طب وكلهم عارفيين كده ..بس برده مش لدرجة انى أدخل أدبى, و كمان أنا عندى مشكلة فى الحفظ فى التاريخ و الجغرافيا و الحاجات دى المهم ..بعد ما شوفت مجموعى واتصدمت الصدمة الكبيرة و خصوصا ان السنة دى المجاميع عالية أوى ندمت انى مادخلتش أدبى ..بس قدر الله و ما شاء فعل دلوقتى أنا محتارة .. أكمل علمى رياضة ولا أدبى؟؟ مع العلم انى مستوايا فى الرياضة جيد جدا بشهادة المدرسين اللى أكدوا لى انى أقدر أقفل رياضة 2 بمجهود بسيط ..بس أنا خايفة من الفيزياء!!! و مش عارفة أجازف و أدخلها و أنا أصلا مش عايزة هندسة ؟؟ ولا أخدها من قصيرها و أدخل أدبى و أجرب حظى و كده كده أنا مش لاحقة اعلام و لا سياسة و اقتصاد ولا حتى ألسن حد يساعدنى أرجوكم أنا بجد هموووووووت |
مع العلم ان أنا اللى وقعنى السنة دى الكيمياء لأنى جبت 40
|
ادخلى الحاجة اللى انت حباها و بجد هتلاقى نفسك بتبدعى فيها !
|
بصى نصيحتى ليكى انتى لو شايفه نفسك تقدرى تشدى حيلك وتتغلبى على الخوف ده كملى علمى رياضه بس انا عايزه اعرف لو انتى نفسك فى السن فممكن تلحقيها عادى هى بتاخد من حاجه وتسعين لو علمى او ادبى بس من علمى بتاخد مجموع اكبر فلو مش بتحبى الحفظ فصدقينى سواء علمى او ادبى كله حفظ ومتقوليش انك مش هتلحقى كليه والله بس لو حطيتى قدامك ان احنا لسا يدوب بنبدا السنه وتذاكرى كويس وانا مستعده اساعدك حتحققي الكليه اللى انت عيزاها وربنا يوفقك
|
اقتباس:
شكرااااا للاهتمام أنا حابة رياضة 2 ..بس كل الناس بتخوفنى من الفيزياء! و مش عارفة أجازف و أجرب الفيزياء و أنا أصلا مش عايزة هندسة؟؟ ولا أعمل ايه!! يااااااارب |
اقتباس:
أنا خايفه لو دخلت أدبى مش ألحق أى كلية من كليات القمة بتاعت أدبى.. و ساعتها ممكن أكون ضيعت عليا كليات كتير فى علمى ..علمى فرصه أكبر و كلياته كتيره و متنوعة.. و على الأقل أقدر أدخل خاص لو قفلت معايا قوى.. لكن أدبى لو مش جبت حاجة و تسعين يبقى على تجااارة على طووول.. فعلا خايفة و مترددة ..ادعولى |
الفيزياء صعبة شوية
بس بالمذاكرة بتكون سهلة وعايزة حل كتيييير كمل علمى رياضة وربنا يوفقك وادعولى ادخل طب |
اقتباس:
شكراااااااااااااااااااااا و يااارب تدخلى طب :) |
ربنا يوفقك
وشدى حيلك السنة القادمة |
ان شاء الله
|
Ok our engineer
Good Luck |
اقتباس:
|
88 مشاهدة و 3 ردود ..ايه يا جماعة مفيش حد عنده حل :(
|
بصي انا مشكلتي زي مشكلتك بالظبط وهدخل رياضة عشان انا كده مش هلحق حاجه في علوم
وفي نفس الوقت مش هينفع ادخل أدبي عشان مش بحب الحفظ فا انتي متخافيش وربنا معانا ان شاء الله والفيزيا بيقولو انها صعبة عشان عاوزة مذاكرة فقط لا غير وبعدين يا حبيبت قلبي منتي كده كده كنتي هتاخدي الفيزيا حتى لو دخلتي علمي علوم ,,, مش بس في رياضة يعني طالما انتي بتقولي انك ماشاء الله كويسة في الرياضة خلاص ربنا معاكي ومعايا انا كمان وان شاء الله نتقابل في هندسة مع بعض ههههه |
اقتباس:
شكرا يا حبيبتى لكلامك و لاهتمامك :) عندك حق أنا بدأت أفكر فعلا فى رياضة2 و خصوصا انى زى ما قلت رياضة 2 حتى لو مش قدرت أدخل اعلام أو سياسة و اقتصاد ان شاء الله الحق هندسة أو حتى حاسبات ..لكن أدبى لو مش لحقت سياسة و اقتصاد واعلام يبقى مش فاضل غير حقوق و تجارة و كده.. ربنا معانا كلنا أنا هعمل استخارة و ربنا يقدم اللى فيه الخير :) |
| جميع الأوقات بتوقيت GMT +2. الساعة الآن 02:23 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.