|
المجلس الأعلي للجامعات يفشل في حل أزمة ارتفاع المجاميع
فشلت اللجنة المشكلة بالمجلس الأعلي للجامعات في ايجاد حلول لمشكلة الارتفاع الجنوني لمجاميع طلاب الثانوية العامة والذي قد يتسبب هذا العام في التكدس الشديد بالكليات أو ارتفاع الحد الأدني للقبول بالكليات والذي يصل الي 75% كآخر طالب علمي يدخل الجامعات الحكومية و70% للأدبي.
قالت مصادر باللجنة ان المؤشرات تشير الي امكانية ارتفاع الحد الأدني بكليات الطب الي98.5% والاسنان 98% والصيدلة 97.5% والعلاج الطبيعي 97% . من ناحية أخري يبدأ اليوم تنسيق المرحلة الأولي للطلاب الناجحين بالثانوية العامة من الحواسب الآلية الشخصية والمتصلة بشبكة الانترنت بحد أدني 93.9% للعلمي و79.26% للأدبي في حين تبدأ السبت جميع معامل الجامعات في استقبال طلاب المرحلة الاولي الراغبين في تسجيل رغباتهم وتستمر المرحلة حتي الاربعاء القادم. |
المجموع عالي جدا والتنسيق كمان السنه دي ربنا يستر علي السنه اللي جايه
|
فعلا
التنسيق عالى جددددددددددددا انا اول مرة اسمع ان علاج طبيعى هتأخذ من97% يعنى ده ممكن تنسيق لجامعة القاهرة مثلا مش الحد الادنى |
يعنى اعمل ايه بال96.5 بتوعى بصوا انا هتبرع بيهم يللا اللى عايز واحد فى المية .. اثنين انا تحت امركم
|
لأ
انا مش مصدقة التنسيق ده اوى لان عااااااااااااااااااااااالى جدددددددددددا يعنى انت ممكن تدخل صيدلة اقاليم ربنا يوفقك وادعولى ادخل طب (بشرى- اسنان) |
انا 97.1 وواحدة صاحبتي 97 هنعمل ايه بقي نروح نلعب بيهم ولا ايه والله حرام عليهم
بس الاخبار قالت قرر المجلس الاعلي للجامعات في اجتماعه امس برئاسة الوزير د. عمرو سلامة المكلف بتسيير شئون وزارة التعليم العالي قبول 220 الف طالب بالجامعات الحكومية و25 الفا بالجامعات الخاصة و82 الفا بالمعاهد العليا الحكومية والخاصة . وصرح الوزير لـ " الأخبار" انه تم زيادة أعداد المقبولين بواقع 30 الف طالب وطالبة بنسبة 6٪ في كل قطاع عن العام قبل الماضي 2009 السابق لسنة الفراغ. وتنفرد "الأخبار" بنشر تفاصيل أعداد المقبولين في كل قطاع . تقرر قبول 6491 طالب بالطب و1659 طالبا بطب الأسنان و 8068 بالصيدلة و 17الفا و653 بالهندسة و2319 بالحاسبات و813 بالاعلام منهم 147 طالب علمي و666 أدبي و988 بالاقتصاد والعلوم السياسية منهم 227 علمي 761 أدبي والألسن 3011 منهم 325 علمي و2686 أدبي.. وبالرغم من هذه الزيادة ووفقا للمجموع التكراري المرتفع للعلمي من المتوقع ان يقترب الحد الأدني للقبول بشعب اللغات بكليات ( التجارة والحقوق والاقتصاد) من 100٪ كذلك هندسة البترول والتعدين . وصرح عبد الحميد سلامة المشرف علي التنسيق بأن طلاب المرحلة الاولي سيبدأون اليوم تسجيل رغباتهم للالتحاق بالجامعات والمعاهد بحد أدني 385 درجة للعلمي و325 للأدبي.. من ناحية أخري بدأ أمس فحص تظلمات طلاب الثانوية العامة علي نتائج الامتحانات.. و"الأخبار" تقدم دليلا استرشاديا للطلاب لتسجيل رغباتهم دون أخطاء »التفاصيل ص14« وانا مبقتش عارفه اصدق مين |
لسه دى كلها مؤشرات ومفيش خبر اكيد
انت ان شاء الله تلحقى صيدلة ربنا يوفقك |
بس الكلام ده بناء علي المؤتمر
طيب متعرفيش عدد المقبولين بالطب والاسنان والصيدلة والعلاج الطبيعي لعام 2009 |
لو مؤتمر كان اذيع فى التلفزيون
بس انا فعلا كنت بسمع عن زيادة المقبولين بنسبة 15% لكن لا احد يعلم الحقيقة الى الان انت اكتبى رغبتك الاولى اول واحدة وربنا يوفقك وتجيلك |
شكرا يا سارة
ويارب تدخلي الكلية اللي نفسك فيها |
ربنا يوفقك
وتدخلى كلية الصيدلة اناجايبة97.7% ممكن الحق طب اقاليم او طب اسنان القاهرة |
يارب الحق صيدلة ولو في الاقاليم بالرغم انا من المنصورة وطبعا تنسيق المنصورة عالي بس عندي استعداد اروح اي مكان المهم الحق صيدلة
ربنا يوفقك وتدخلي طب ان شاء الله |
بارك الله فيك
بس بفرض ان صيدلة قبلت فيها اقاليم ممكن تحولى للمنصورة ب10% Donnot worry |
|
ايه هى كليات الاقاليم دى
بتتكلموا كتير عنها وانا مش فاهم اى حاجه ؟؟؟!! |
| جميع الأوقات بتوقيت GMT +2. الساعة الآن 12:03 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.