فعلا حسبى الله ونعم الوكيل
 

بجد انا مليت من نظام التعليم فى مصر ...هنفضل لغاية امتى كدة؟؟؟؟؟

مينفعش مصر كلها مليانة درجات 99% و 98% يعنى مصر بقى كلها نوابغ ..... ومينفعش العكس تماما يحصل
مبقاش فى وسط؟؟

ازاى طالب فى المرحلة الاولى يجيب 205 من 205 ؟؟ دى عمرى ما سمعتها الا السنادى !!

و ينفع يعنى بعض الناس المتفوقين ينزلوا فى الدرجات عشان مش بيغشوا ..وناس تانية مش مستواها التفوق وتجيب اعلى بالغش وعشان حظها كان فى التصحيح كويس؟

وبعدين فى مدرسين بيكرموا فى الدرجات اوى بدون وجه حق وفى مدرسين تانين لا
ودة ظلم فى حد ذاته للطلبة (يعنى الطالب هو وحظه)

وحتى لو الطالب راح يعمل تظلم يا خد درجته او لا فى الاخر ........حسبى الله ونعم الوكيل

ربنا مش بيسيب حق حد ... واكيد الناس المظلومة من التصحيح ربنا قادر انه يعمل كدة فى ابناء المصححين اللى ظلموا الطلبة ان شاء الله

مش حكاية زكى بدر!!
اذا كان اصلا هو كان وصل لمنصبه وقبل المنصب فى كليته نجح بالكوسة ..

المهم ان ييجى واحد يتقى الله فينا ويحكمها صح ميبقاش فى غش
ويبقى فيه تمييز صح بين الطالب المتميز واللى مش متميز
فى الامتحانات..مش مصر كلها تجيب درجات عالية ونصهم اصلا
دة مش مستواهم !!

انا السنه اللي فاتت كنت الاولي ولكن مع ظلم التصحيح ونص المدرسه بقي نوابغ ومكناش بنسمع عنهم اصلا طلعت الرابعه المدرسين مبقوش مصدقين واخذت في البكاء ولعلي بعد قراءه هذا الموضوع قد جفت دموعي

لما تلاقى التنسيق عالى
يبقى انتا اكيد اكيد فى مصر
لما يشحورونا فى عقولنا
يبقى انتا اكيد اكيد فى مصر
دور جواك تلقاها هيا ال......واهو ده الحال
وان فكرت تتكلم راح تاكل بالكباس
لماتلاقى طالب قاعد بيعيط
يبقى انتا اكيد اكيد فى مصر
لما تلاقى طالب منتحر
يبقى انتا اكيد اكيد فى مصر
لما تلاقى مشلول بسبب درجات ابنه
يبقى انتا اكيد اكيد فى مصر
دور جواك تلقاها هيا ال......واهو ده الحال
بيقولوا ثورة واتخربت على بيت ابونا كمان
مش وحشاك ولاغيرت عليها
اصل اللى مجرب وفارقها قال فى الدنيا مافيش بعديها
عارفين ليه لانه اخر حاجة
ربنا يصبر بهبهاتنا ومهمهتنا

فعلا والله السنادي حاجه غريبه جدا . . وبجد كان في غش السنادي جاامد أوي . . إحنا الأول عندنا في سنه 2 كان جايب 99.8 % السنادي جاب أقل من كده حاجات بسيطه . . كله بقي جايب السنادي 99 أو 98 وهيصه . . .
(ماعدا أنا . .هههههه)

بسم الله الرحمن الرحيم

السلام عليكم

الله يرحمه الحاج احمد منيب كان بيغنى يقولك ايه

دنيا فيها الغالب تانى يوم مغلوب

لو التسعينات ولا حتى التمانينات الى احنا جايبينها دى مخليانا مغلوبين فاحنا بكرة ان شاء الله غالبين

وربنا يبارك للغالب بتاع انهردة وبتاع بكرة

احنا كمدرسة بنات مشفتش ف لجنتى ولا بنت شاطرة رضيت تغشش واحدة ف مستواها ولا حتى الاقل منها :022yb4:

وبرضك النتيجة طالعة عالية ف مدرستنا اوى :022yb4:

ربنا هيعوضك ان شاء الله السنة الجاية لو فى 2
وبصراحة عندك حق ومش السنة بس لا ده مشكلة بقالها سنين
موضوع ان الطالب هو وحظه ده وحسب حظه فى التصحيح
للأسف هى منظومة فاشلة بالكامل واصلاحها هيحتاج لوقت مش قليل

لا انا مش معاكى فى بعض الكلام مفيش حد هيجيب 205 من 205 بالغش ده مستحيل
ومفيش طالب شاطر بيغش دى برضك مستحيل
الى بيغش علشان عاوز ينجح
وبعدين ناس كتير جايبه 99 و 98 لان المناهج سهله والدروس الخصوصية سهلت الامور ومعظم المناهج بتعتمد على الحفظ اكتر من الفهم واى حد بيقدر يحفظ بس بيختلفوا فى الفهم

فالحل تغيير المناهج او صعوبة الامتحانات وفى كلتا الحالتين الطلبة هتشتكى من صعوبة الامتحان
ولو جه سهل زى 2 او 3 السنه دى الناس بتشتكى من زيادة الدرجات
أنا بصراحه معجبنيش غير امتحان الاحياء السنة دى لان النظام اختلف بدل ما كان الامتحان بيعتمد على الحفظ السنين الى فاتت و 3 ساعات مش بيكفى بقى نظام الاسئلة بسيط ومركز لو فاهم هتخلصه فى ساعة بالظبط

وبعض المستشارين بيلجأوا للاخطاء منعرفش مقصودة ولا لا زى امتحان الانجليزى كل سنة بيحصل مشاكل وبيتطرق لخارج المنهج لان لو فى المنهج عارف ان الطلبة مش هتغلط فيه

انا معاك بيبقى حظ فى التصحيح من قطاع لاخر فى ناس بتلتزم بالنموذج وناس بتفهم واساتذه صح نموذج ايه الى يمشوا وراه لانهم عارفين الماده ومتعاملين مع طلبة فبيركنوا النموذج

مصر هى امى وفى ام بيتبخل على ولادها يا حبيبتى يا مصر

السنه دى اللى جاب 95 او 96 يبقى فاشل حسبى الله ونعم الوكيل