|
ايه إللي عاجبك في بوابة الثانوية العامة؟!!!!!!!!!!!!!
بسم الله الرحمن الرحيم السلام عليكم ورحمة الله وبركاته أنا أكتب الموضوع ده النهارده, وهو يعتبر أول موضوع ليا تقريباً في هذا القسم المتميز:) وأنا شايف أنه موضوع مهم جداً وأتمنى منكم كلكم أنكم تدخلوا وتقولوا رأيكم بصراحة, وبأدب جم, ودون تعدي على حقوق الآخرين, بس المهم أنك لازم تقول على الأقل ( أكتر 3 حاجات بتحبهم في بوابة الثانوية العامة, وأكتر 3 حاجات مش بتحبهم في بوابة الثانوية العامة) ملاحظة هامة: أرجو عدم الدبلوماسية أو السلبية أنا هدفي من الموضوع ده أن كل واحد يقول رأيه, عشان أولاً: نستفيد من خبرات بعض, وثانياً: نرتقي بمستوى بوابتنا بوابة الثانوية العامة:) منتظر آرائكم, وتعليقاتكم, وخبراتكم:) والسلام عليكم ورحمة الله وبركاته |
هقول حااجة وحدة بس الحاجة المميزة هى الاعضاء المميزين والاسرة الواحدة وخدمة الطلاب الحاجة اللى مش بحبها بقا هى الكدب والنفاق شكررا على الموضوع الجميل |
موضوع جميل استاذ حاتم ويستحق الرد بس هو محرج شوية السؤال لكنى هكون صريحه الحاجة الكويسة ف المنتدى بجد اولا كنت بستفيد منه علميا زى قسم الفيزياء وحضرتك عارف وموضوعات دينية وعامة بجد جميلة وثانيا طبعا اساتذة المنتدى الافاضل ف الاقسام العلمية وطبعا حضرتك واحلى اسرة ف المنتدى كله وهى طلبة قسم الفيزياء دى بجد احلى حاجة ف المنتدى كله اللى مش بحبه ف المنتدى طبعا شوية من شغل الادارة والمشرفين وما حدش بيصدق حد الايام دى ولا عارف اللى بيحصل بالظبط الهزار الزائد والمبالغة فيه ف المنتدى وغيره من مجامله والى ما شابه ذلك |
اقتباس:
برافو عليك, أنا معاك في الرأي ده وشكراً على مرورك يا فندم |
اقتباس:
شكراً ليك يا دكتورة على ردك, بس أنا زي ما قلت محدش يحرج طالما النقد فعلاً بناء, وهدفه الإصلاح ليس إلا وعلى فكرة أنا منتظر لما باقي الأعضاء يقولوا رأيهم, وأنا هقول رأيي بمنتهى الصراحة, ومحدش يزعل مني:( لأنني والله هدفي هو الإصلاح, والخير للجميع. وأنا معاك في السلبيات إلى حد كبير جداً..... شكراً ليكِ جداً على مرورك مرة أخرى |
حقيقى موضوع رائع .. وخصوصا انه منتدىراقى بمعنى الكلمة ... احب اتكلم على ما لا يعجبنى اولا .. اولا .. ان هناك من الاعضاء من يحصر وجوده فى قسم واحد فقط وكان عقله ينتهى فى هذا القسم ولا يستطيع استخدام عقله الا فيه ..ودى لاحظتها كتير .. ثانيا ..هناك سلبية من بعض الاعضاء فى الرد على الموضوعات.. واذا رد البعض يكون هناك احيانا ردود جارحة .. ثالثا .. هناك من الاعضاء من يشارك لتزويد المشاركات ويدخل فى جميع الاقسام وهدفه زيادة الرصيد فقط .. اما ما يعجبنى .. هنا وجدت كل ما احتاج اليه من معلومات سواء تعليمى او دينى او غيره.. هنا وجدت اصدقاء محترمين وعقليات واعية ومثقفة وتشعر بالفخر لتعاملك معهم .. جزاك الله خيراااااااااااا.. موضوع جميل .. |
انا بستفيد حاجات كتير منه تعليميه وغيرها
وبكره ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
موضوع جميل جدا
انا اللى عجبنى فالبوابة انها مميزة فعلا ومش زي اى منتدى ومقتصرة على العلم فقط وهدفها تعليمي ثانيا الناس اللى فيها مثقفة جدا ومستوى التعليم والفكر حلو جدا ثالثا بلاقى فيها كل حاجه بحتاجها وخاصة وقت الثانوية وكده وبجد بشكر كل المدرسين على مجهودهم الرائع ده اما السلبيات " ناس كتير بتشوف الموضوعات ومش بتعلق ودى حاجه تضايق اكيد وصادفتنى بعض المشكلات مع بعض الاعضاء بس الحمد لله عدت على خير بس وشكرا |
موضوع جميل جزااك الله خير الجزاء عليه
بصراحة لم اتفاعل مع بوابة الثانوية الا هذا العام فقط وندمت اننى لم انتبه اليها قبل ذلك اعجبنى *اخلاص المعلمين وحبهم الرائع وسعيهم لخدمة ابنائهم دائما *الروح الطيبة بين الطلاب وحرصهم على بعضهم البعض والخدمات التعليمية المميزة بوجه عام *تعدد الاقسام وثرائهابحيث لا اشعر بالملل ابدا وخاصة الاقسام الدينية والادبية والكثييييييير ولم يعجبنى *سوء الفهم من قبل بعض الاعضاء وعدم احترامهم للاخرين وآرائهم *بعض الموضيع تكون غير هادفه ولا داعى وجودها هذا بصدق ما رايته واتمنى ان تتقبلونى ولكنى حقا احب هذه البوابة المتميزه والاباء والاخوة المخلصين الكثيرين هنا فجزاااكم الله خير الجزاءفى الدنيا والاخرة |
اقتباس:
أنا مع حضرتك في إللي قولتيه, وفعلاً ملاحظات مهمة, وناس كتير ممكن مش تاخد بالها منها. أه بالمناسبة الحتة بتاعة أن في ناس بتحصر نفسها في أقسام معينة فقط, أنا كنت واحد من الناس دي:( أنا كنت حاصر نفسي في أقسام الفيزياء فقط لا غير. بس الفضل لربنا أولاً ثم حبيبة حمدي, وهي إللي لفت انتباه الناس الناس زي حالاتي بالحتة دي:d وبقيت أشارك في الأقسام التانية, ولكن في بعض الأحيان أشعر بالندم على مشاركتي في موضوع ما وخاصة في قسم المجادلات, والمناوشات (قسم ملفات وقضايا عربية:slap1qk6:) التعبير عن الرأي بيتجاوز الحدود شكراً جداً على مرورك, ومبرو مرة تانية الإشراف:) |
اقتباس:
وجزاك ألف خيرا أيضاً أنا متفق مع حضرتك في المميزات, والعيوب شكراً جزيلاً على المرور :) |
اقتباس:
وشكراً لحضرتك يا فندم غلى مشاركتك وفعلاً مشكلة السلبية من بعض الأعضاء بتضايق لأن لازم زي ما الواحد بيستفيد من الناس, لازم هو بردو يفيد الناس وشكراً مرة أخرى:) |
اقتباس:
شكراً ليكي يا بسمة على مرورك, بس ياريت لو نعرف إيه إللي مش عاجبك:excl: |
شو ف استاذنا الكريم
بوابة الثانوية ناس بتقدم خدمة لأبنائنا دون مقابل فى زمن صباح الخير بتسعيرة ومساء الخير بتأشيرة تجد المثقف بجد تجد المعاند بجد تجد المصارع بفكره وعلمه بجد قد يرى البعض أنها سلبيات ولكنها عين الايجابيات لاحاجة لنا للاستسلام واختصار الحوار إلى حد ما طالما لم يخرج عن حدود أدابه أول مابدات هنا كنت تجد طابع الدبلوماسية غالب على الردود حتى كنت تجد 90% من الردود شكرا على الموضوع شكرا على الخبر ودمتم لكن الأن تحول الأمرإلى علماء سياسة واقتصاد ومحللين بجد وأهم مايميزها وأشعر براحة كبيرة عند المشاركة فى هذا المنتدى وجود منسق أو مشر ف يضع حدودا عند أى خروج عن النص لم أجده فى منتديات أخرى أشارك فيها السلبيات وربنا يجعل كلامنا خفيف على البعض هنا:p لكن مشكلتى لايصمت قلمى مادمت على حق وهذا من فضل ربى عليّا 1-هناك فى الإدارة من يخرج علينا من حين لأخر ليتخذ قرارا يشعرك وكأنه حكم نهائى بلا استئناف حكم لارد فيه وكأنه الحاكم بأمر ه أو عمنا قراقوش:006et4:- لانقاش وان تناقشت تغلق النافذه عنك ولايكتفى بذلك بل يصب كيده عليك حتى وأنت غير متواجد لأيام أو لأسابيع ويظنها القوة بسيوفها الباترة حتى يطمئن من مسح كل ذكرى طيبة لك أو علاقة طيبة مع زملاء وأبناء فى المنتدى 2- هناك من الزملاء فى الاشراف من تعميه سلطته عن الحق أحيانا ويستخدمها فى القرار الخاطىء 3-رغم المجهود العظيم ورغم عدد المشاركين فى المنتدى ماشاء الله إلا إننى أكره إطلالة شخص بعينه فى أى موضوع فقط وكأنه فرض على المنتدى فرضا اجباريا :stickjo4: 4- قسم شرطة المنتدى( صوت الأعضاء ) والذى فرض ليقطع لحمك البعض وأنت لاتدرى وكم من اقتراح تقدمنا به على الأقل بأن تفتح الصفحة أمام الشاكى والمشكو على الأقل ليدافع عن نفسه ولكن لاجدوى :mad: موضوع أكثر من رائع :078111rg3: وأشعر وكأننى صرت فراشة وخف وزنى بعد هذه الفضفضةواعطاء كل حق حقه وربنا يستر ليكون هذا موعد طيرانى من المنتدى:p |
اقتباس:
:d:d أنا مبدأياً أحب أن أبدي إعجابي بحضرتك من البداية من خلال مشاركات حضرتك بصراحة أسلوب متحضر, ومنطقي. وأيضاً أسلوب حضرتك الساخر:d , واللذيذ في نفس الوقت في النقد البناء:078111rg3: بصراحة كده (حضرتك حطيت ايدك عالجرح), وأنا متفق مع حضرتك في رأيك في السلبيات, وخصوصاً في كلمة الإدارة:unsure:( وعلى رأي حضرتك ربنا يجعل كلامنا خفيف عليهم:d) شكراً لحضرتك جداً جداً يا فندم على إثرائك للموضوع ومتقلقش لو كان ده موعد طيرانك من المنتدى يا ريت تحجزلي تيكت معاك عشان أنا إللي عامل الموضوع:d |
| جميع الأوقات بتوقيت GMT +2. الساعة الآن 04:53 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.