|
انا فعلا تايهة ارجوكم عايزة رايكم
السلام عليكم اعضاء منتدى ثانوية
كنت عايزة اعرف رايكم ف حاجة مهمة جدا يمكن مهمة بالنسبة لي انا دلوقتي الفتاوي كترت وتضاربت حوالين حاجات حياتية كتير مكناش نسمع عنها راي من اربع خمس سنين زي مثلا حكم سماع الموسيقى وفرضية الخمار ولبس المراة للبنطلون وهكذا مش هطول عليكم دلوقتي لو بنسمع رايين مختلفين عن نفس الحاجة هل نتبع حكاية ان اختلاف العلماء رحمة للناس ولانمشي على حاجة انا سمعتها من حد بس مش عارفة مدي صحتها وهي ان فيه احكام كتير ربنا امرنا بيها بصراحة ف القران وفيه حاجات ماتقالتش بصراحة (زي الايات اللي بنلاقي قيها اجتهادات وتفاسير مختلفة) عشان ربنا يختبر ايماننا ونشوف اذا كنا هنطيعه ولا لا ياريت متحرمونيش من ارائكم ومش عايزة اراء فيها استسهال يعني حد مش عارف حكم حاجة اوي يقول طب ماتعملي الاصح فيهم وخلاص لان ببساطة لو موضوع الاستسهال مشي ف حاجة مش هيمشي ف احكام وفتاوي جديدة كل يوم بنسمعها ارجو تكونو فهمتو قصدي |
فهمت قصدك يا طالبه
بصي انتي اعملي بمبدأ اتقوا الشبهات واستفت قلبك برده قال: أتيت رسول الله صلى الله عليه وسلم فقال: جئت تسأل عن البر ؟ قلت: نعم، فقال: استفت قلبك، البر: ما اطمأنت إليه النفس، واطمأن إليه القلب، والإثم ما حاك في النفس وتردد في الصدر، وإن أفتاك الناس وأفتوك حديثٌ حسن، ده اللي انا بعمل بيه بصراحه وبتقي الشبهات حاجة حاسس انها مش صح اوي مش بعملها حتي لو افتو بصحتها اتمني الإفادة |
ماكنتش هاكتب غير اللي انت قلتله يا أحمد
نفض دماغك وفكك من الحوارات دي .. ومتمشيش ورا حد .. هوه قال كذا عشا كذا شوف انت كذا دي موقعها إيه من الإعراب مين صحح الحديث ومين ضعفه . |
والله الانسان ربنه سبحانه وتعالي اعطاه عقل عشان يفكر بيه واعطاه قرآن
يعني لو بتسألي عن لبس المرأة للبنطلون المفروض تفكري مش لازم تسمعي لشيخ فكري دايما بعقلك واقري القرآن وافهميه ولو محتاسه في موضوع تفسير القرآن اقري التفسير الميسر لفضيلة الشيخ الشعراوي الله يرحمه او تفسير الامامين الجلالين اهم حاجه توزني الكلام بعقلك قبل ما تخدي اي قرار وبلاش تتبعي اي فتوه او اي شيخ من غير الرجوع لعقلك يارب اكون قدرت افيدك |
اقتباس:
|
صحيح عايز اقولك حاجة كمان يا طالبه
لو قفلت معاكي خالص خالص و قلبك مأفتكيش اعملي بالفتوة اللي هما قالوها و ما دام انتي مش عارفه الحق فين مش هيبقي الأثم عليكي وربنا يهديكي للصراط المستقيم المستقيم :) |
اقتباس:
هقولك على حاجة باختصار من وانا صغيرة كنت بامشى عادي على اراء العلماء لان مكانش فيه تضارب زي دلوقتي وف نفس الوقت مكانتش بتتعارض مع عقلي وتفكيري فيها بالمنطق يعني انا ليا ارائي ف كل حاجة اتطرحت من اللي اتقالت فوق دي او غيرها كتير وبامشي عليها لاني مش شايفاها تتعارض مع ديني ابدا بس برضه ارجع افكر ان فيه ناس موكلين بدة يعني مش كل الناس هتفتي اللي دارس وفاهم الدين |
اقتباس:
|
اقتباس:
انتي خلاص دلوقتي مثلا استفتيتي قلبك مش تروحي تنشري و تقولي ده مش حرام و ده مش حرام عشان لو قلبك افتاكي غلط يبقي متشليش ذنب الناس دي لاء دول فهموا الدين او الله اعلم مفهمهوش واطلقوا الفتوه دي خلاص انا لو قلبي مقاليش ان دي غلط بس مش اي قلب يا طالبه خدي بالك قلب المؤمن وعلي فكرة انا عشان الموضوع ده كان محيرني ان شاء الله شوية كدا هتفرغ للموضوع ده اني احفظ القرآن الكريم و احصل احاديث الرسول صلي الله عليه و سلم وبكدا ابقي انا وصلت برده لدرجه كويسه جدا من الإيمان وساعتها قلبي في الغالب مش هيفتيني بالخطأ عشان هيكون عامر بالقرآن و ذكر الله :) |
اقتباس:
لكن المشكلة ف الحاجات اللي مكانتش موجودة ايم ماربنا نزل القران ومنها الامثلة اللي اتعرضت وبيتجه فيها العلماء للقياس لكن القياس دة للاسف بيختلف من عالم للتاني ودة اللي عمل التضارب ف الاراء بالنسبة لعقلي فعمري ماشكيت انه اداني راي غلط لكني عايزة اعرف مدي صحتها عند المختصين اللي هما العلماء اللي دارسين الدين وللاسف مش بوصل لحاجة مفيدة |
هقولك علي حاجه
انتي لو فكرتي كويس مش هتلاقي حاجه هتخرج من القرآن والاحاديث الصحيحه وعلي فكره مينفعش ان الواحد يمشي علي فتوه هوه مش فاهمه او مالهاش اي اساس من القرآن او السنه |
اقتباس:
اقتباس:
علي اساس اننا حفظنا القرآن كله ياعم احمد و حفظنا الاحاديث ما كل يومين واحد طالع بفتوي وتستغرب لها وفعلا مفيش حاجة تخرج عن القرآن والسنه بس فيه حاجات لازم تتاخد بالقياس ليه ربنا - عزوجل - مقالش طيارة و صاروخ وكمبيوتر عشان كانوا هيقولوا ان القرآن ده ولا حاجة بس ربنا ذكر الحاجات دي و قال في آيه ان الحديد بيطير و بيتكلم و كدا بس مش متذكرها للاسف انا مش هتكلم في الدين كتير عشان معنديش درايه عاليه بيه بس عن قريب ان شاء الله اتمني الإفادة |
يا عم انا قولتلك احفظ القرآن انا بقول اللي بيقول فتوه بيقول اساسها من الدين والحديث
وبعدين انته المفروض بتبحث عن الشئ اللي انته عايزه يعني لو انته عايز تطلع حاجه معينة من القرآن مش هتعرف...اكيد هتعرف بس لازم تكون قريت القرآن اكتر من مره عشان تفيدك يعني مش فجأه كده تقول انا عايز اعرف كذا وكذا اقري القرآن الاول وهتعرف كل حاجه وهتستفاد عشان لما تحب تدور علي حاجه واكيد اللي بيسأل عن فتوه بيكون قري القرآن اكتر من مره مش فجأه كده سأل عن الفتوه ديه وهوه عمره ما فكر في الدين انك تفكر في فتوه وتبحث عنها درجه بعد قراءة القرآن لان لايمكن واحد عمره ما مسك القرأن وقري يسأل عن فتوه |
اقتباس:
فيه ناس بتكون دارسه منطق و معتمده علي السمع عقلهم بيشت بيهم لمناطق بعيده في التفكير مش شرط ان الواحد بيكون قاري القرآن وعارف هو فيه ايه |
اقتباس:
اكيد اي حكم بنحتاج نعرفه ف حياتنا مش هيخرج عن القران والحديث الشريف عشان زي ما قال الرسول طبعا (عليه الصلاة والسلام) "تركت فيكم شيئين لن تضلوا بعدهما كتاب الله وسنتي" بس المشكلة تكمن ف الحاجات اللي مش واردة صريحة ف القران والاحاديث اللي هي الحاجات المستجدة اللي مكانتش موجودة وقتها زي التليفزيون وفرضية الخمار وغيرها اللي بتخضع للقياس او كل عالم بيفسرها من وجهة نظره مفيش اتفاق بينهم ودة اللي عامل المشكلة مع انك اهو لما تسمع لراي اي حد منهم ويقولك قال الله تعالى ويقولك تفسيره الخاص تقدر تعارضه ؟ احنا اهو قدرنا نعارض او نناقش اي فتوى من اللي اتقالت لان ببساطة احنا مش دارسين الدين واللغة والحاجات دي كلها ولو كنا نقدر نطلع اللي احنا عايزينه من القران والسنة مكانش هيبقى فيه ولا علماء ولا مفتي ولا مفسرين على اساس اننا فاهمين القران والحديث ونقدر نعرف اللي احنا عايزينه بسهولة دة حتى المفسرين اختلفو ف بعض الايات يبقى احنا ياللي مش دارسين ولا حاجة من اللي هما درسوها هنفهم المقصود منها كدة بسهولة |
| جميع الأوقات بتوقيت GMT +2. الساعة الآن 01:30 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.