بتوع ادبى ياريت حد يفيدنى ..
 

بصى انت مجموعك كويس بالنسبة للادبى اهم حاجة انا عايز اعرف انتى جايبة كام فى الانجلش واللغة التانية
لو رديتى انشاء الله هكمل معاكى

فى فى كلية التربية النوعية قسم <تكنولوجيا التعليم>بيقولوا عليه انه ممتاز والشغل فيه كتير اسالى عليه فى المنصورة بيخد من كام وفكرى

شكرا لرد حضرتك اولا .. انا جايبه ف الانجلش السنتين 45 و الفرنساوى 46

شكرا لاهتمام حضرتك..بس انا سألت ف تربيه نوعيه قالو ان ادبى مفيش ليه الا قسمين اما تربيه فنيه اة اعلام .. وبيقولو ملهمش لزمه

تمام كدة تلحقى اداب ممكن قسم الانجلش بس ندعى ان التنسيق الداخلى يقبل الانجلش من 45

وعندك قسم ارشاد سياحى فى كلية الاداب ده برضو كويس

وعندك برضو ربنا يسهل تجارة انجلش بس دى مصروفاتها عالية 3000ج فى السنة

وعندك تجارة عادية ودى متهيألى هيبقى احسن الفترة اللى جاية لانى اعتقد ان المجال التجارى هو اللى هيبقى سائد الفترة الجاية

وعندك كلية تجارة وادارة اعمال جامعة حلوان
وعندك اثار

انا اتكلمت كدة على الكليات اللى فى حدود مجموعك وربنا يسهلنا كلنا