الى كل معلمات رياض الاطفال اجمع هنا حالا هاااااااااااااااام
 

السلام عليكم ورحمه الله ةبركاته
زميلاتى المعلمات برياض الاطفال
انا من محافظه الاسماعيليه
وحاليا بيتم عمل تدريب للمعلمات تبع الورزارة على المنهج الجديد
طبعا هتقولى وايه يعنى ما احنا زهقنا تدريبات


اللى عايزة اقوله يا معلماتى الافاضل

انا من خلال الاهتمام الكبير بالتدريب ده اكتشفت حاجات مهمه جد

ان هما عايزين فعلا يضيقه الفجوة اللى ما بين المنهج والواقع اللى فعلا احنا بنمر بيه وبيسمعه لكل اقتراح جديد ويدرسوه

فانا عايزه منكم اننا نكتب اقترحتنا اللى احنا عايزينه كله
لانه بجد بجد هيكون محل دراسه

من الحاجات اللى كلنا متفقين عليها
1- الواجبات اللى بنديها للاطفال بضغط من اولياء الامور من ناحيه
وسكينة المساءله القانونيه من ناحيه
فليه منطلبش منهم انه يسمحو لنا باعطاء واجبات غير الزاميه
ولو اعطيناها لا نتعرض للمساءله القانونيه

2- التحضير والملفااااااات الكتيرة اللى مطلوبه مننا لكل طفل
عايزين اقترحات
تقلل اسلوب التحضير دون الاخلال بمضمون وهدف التحضير
يعنى مثلا يحتوى التحضير على العنوان والتاريخ والزمن والهدف العام ورقم الدرس او البطاقه والتقويم وبس

3- العائد المادى ضعيف بالنسبه للمجهود ده


شوفو كده يا جماعه وعايزه اقترحاااااات زى المطر
علشان انا هجمعها واعمل ورقه اقترحات منسقه

اقدمها لمندوب الوزارة بنفسى
ولو فى اى واحده تانى عندها تدريب تقدمها برضه
علشان يبقى مطالب جماعيه

انا شايفه انى دى فرصه كبيره لنا يا جماعه
ولو استغلينا الفرصه دى صح ونراعى ربنا فى مطالبنا
والله فعلا هناخد وضع تانى فى المجتمع
والكلام ده من دكتورة جامعيه بتدينا فى التدريب
وهى كانت نفس تخصصنا رياض اطفال
ولفتت نظرنا لاهميه الموضوع ده
ياااااااااااالا عايزة اقتراحتكم واراكم فى اللى قولته

كل ده جميل

بس الاول يبقى فيه نية صادقة عند الوزارة لاصلاح التعليم

أختي العزيزه لكي نرتقي بالعمل داخل الروضه يجب ان تتوافر العناصر التاليه ( الأماكن - قاعة عرض مسرحي - تكنولوجيا التعلم الحديثه- العاب تعليميه- العاب حياتيه -معلمه مقتنعه ومبدعه ) ولقد كانت لي تجربه في روضة مدرسة اللغات ببيلا حيث انني معلم لغه فرنسيه للمرحله الثانويه ولكني اعشق التدريس ولذلك نزلت إلي المكان المخصص للروضه وكان هذا اليوم يوم عيد الأم وكان معي جهاز الداتا شو واللاب توب الخاصه بي وجمعت الاولاد في فصل وبدات اعرض لهم اغاني للاطفال واغني معهم وطبعا كانو معي وبعدين احضرت صور وكان تحتها ام واب واخ واخت وتعرفو عليها ثم وزعت عليهم ورق فيه صور وكلمات وطلبت منهم تويل الكلمات بالصور وبعدين قلت لهم ان احمد ماما بتزعل منه حد يقدر يقول ليه وطبعا وجدت اجابات كثيره وبعدين قدمت لهم نصائح في الاخر عن الوالدين وحفظتهم نشيد عن الام وبصراحه كان يوم جميل ومن هنا اعمل الان برنامج صغير فيه اغاني تعليميه للاطفال وقصص اسلاميه وقصص تعليميه وحواديت ووتعليم الخط العربي والانجليزي و سلوكيات واداب عامه والعاب حياتيه / أما بخصوص التحضير اتمني أن يكون تحضير اليكتروني جاهز يضع فيه المعلم التاريخ والحصه والصف فقط مع السماح للمعلم بان يضيف ماهو مفيد للدرس وفقاً لوجهة نظره الشخصيه
ومن هنا طالبت بان يكون في الروضه سينما أطفال لدي الكثير
أخوك / عبدالخالق عبدالوهاب
a16_kh***********

يا رايت موضوع الوسائل التعليمية اللى بنبذل فيها مجهود كبير وفلوس كتير وبعدين نستخدمها وقت قليل ثم تهلك وترمى فى القمامة ..........وكل هم التوجيه هو عمل وسائل تعليمية رغم اننا اثناء عملها بنترك الاطفال........يعن لو مثلا تم الاتفاق مع مصنع لعمل وسائل تعليمية من مواد غير قابلة للكسر ومواد قابلة لتنظيف يمكن استخدامها لفترة طويلة سوف يتم توفير كثير من الاموال التى تنفق فى استخدام اوراق ومواد يسهل على الطفل تمزيقها وفكها وسوف يوفر على المعلمة المجهود والوقت وتقضى كل وقتها مع الاطفال.........ويا رايت موضوع المعرض السنوى الذى يستهلك اموال ومجهود وليس له لزمة لان الوسائل التى تعمل له تعمل اخر السنة وعلى السنة الجديدة يكون بعضها تلف اثناء التنظيف .......وهذه المعارض لا ترجع باى فائدة للطفل
ويا رب حد يسمع ويفهم كلمنا عشان فعلا الواحد بيتعب اوى مع الاطفال وعمل السجلات والوسائل التعليمية

ان شاء الله هيكون فى تغييييييييييييييييييييييييييير

اهم حاجة التخصص مش كل من هب ودب يشتغل في رياض الاطفال

اشكر حضرتك يا استاذ عبد الخالق

تحضير على الكمبيوتر
 

[*]ا نا شايفة فعلا ان التحضير لرياض الاطفال فعلا وقت ومجهود زى كشكول التحضير الى عامل زى الطربوش قديم بس مش بيتلغى مجهود والناس عارفة انة نقل من السنة الى فاتت .... الحل[/color] لما يكون تحضير واحد على النت وكل واحد لة فايل على الجهاز يقدر بعمل اى اضافة زى ما هوة عايز .... اطلبوا من الوزارة سيديهات سواء كاسيت اوكمبيوتر شرايط كاسيت حلول مش مكلفة لكن بتريح واللة انا مدرسة ثانوى لو قالو هناخد من مرتبك ونعطى رياض الاطفال او مدرسين ابتدائى انا موافقة[/list][/CENTER][/SIZE]

اولا : اختى الكريمه اشكرك على اهتمامك بعرض مشاكل تواجه معلمات رياض الاطفال اثناء عملهن

ثانيا : التدريب ف القاهره ف كليه رياض الاطفال بالدقى على فترات حيث ان جميع المعلمات على مستوي الروضات سيحضرن هذا التدريب وقد اوشكت المجموعه الاولي على الانتهاء وان شاء اله انا من المجموعه الثانيه التى سوف تحضر التدريب من 28 | 7 وحتى 8| 8 يعنى ان شاء الله ف شهر رمضان وهذا الموعد من اول واهم الاسباب التى ادت الى كرهنا التدريب حتي قبل حضوره بغض النظر عن الاستفاده التى لم تقوم اى معلمه من المرحله الاولى من التدريب بالاشاره اليها

ثالثا : التدريب ليس غلى المنهج ولكن على المعايير التى نعمل بها من العام الدراسي قبل الماضي يعنى شبعنا منها تدريبات وكمان شغل يعنى التدريب مافيهوش حاجه جديده

رابعا : من اهم المعوقات التى تقابلنا اثناء عملنا هي :

1_ التخبط الذي نواجهه بين ما يقوله التوجيه ونقوم بعمله ف القاعات وبين ما يقوله المتابعون لعملنا من وكاله الوزاره او الوزاره حيث ما يقوله الموجهات وبناء عليه عملنا ف القاعه لا يعجب من سبق ذكرهم ولذلك لابد وان تكون موجهات رياض الاطفال خريجات رياض اطفال ومارست المهنه وتدري صعوبتها ومشقتها حتى تكون رحيمه بنا اثناء التعامل وانيكون هناك اتفتق بين التوجيه والوزاره والمديريات التعليميه على المطلوب منا عمله حتى نستطيع ارضائهم جميعا

2_ نلاحظ اثناء عملنا اتباع عقيده كن فيكون اى انجاز المطلوب حالا دون اى تاخير وكاننا ماكينات او الات يتم برمجتها على العمل فتعمل دون اعطاء فرصه لنا وكلكن لاحظتن ان النشره التوجيهيه المنظمه للعمل داخل الروضات تاتى متاخره

3_ الواجبات المدرسيه التى هى السبب الاول ان لم تكن الاوحد للصدام مع اولياء الامور يجب ان يفهم القائمون على مرحله رياض الاطفال ف مصر انها مشكله عويصه ولابد لها من حل يرضي به ولى الامر ومعلمت رياض الاطفال حيث ان تاهيل الطفل للمرحله الابتدائيه لابد وان يكون على مستوي عالى لما تحتاجه المناهج فى هذه المرحله من درايه الطفل بالحوف والارقام والعمليات الحسابيه البسيطه
ولا تقلن لن كتب رياض الاطفال سواء اعداد الطفل للكتابه او المهارات الرياضيه تؤهل الطفل لانكن كلكن على درايه بان هذه الكتب عقمه ولا تفبد ولا تشبع رغبه الطفل للعلم

4_ العمل داخل القاعه والذي لا ينتهى ابتداء بالتحضير وانتهاء بالكم الهائل من السجلات الخاصه بالقاعه والطفل هل يفكر احد من القائمين والمشرفين على عملنا فى المجهود الهائل الذي نقوم به بالاضافه طبعا الى العمل مع الاطفال بالعكس فقد قاموا باضافه عبء اكبر علينا الا وهو الجوده وما ادراكم ما الجوده والمجهود والعمل الذي تتظلبه وكلها ورق يجب تظبيطه بغض النظر عن تطبيقه مع الاطفال ومن الذي يعانى معلمه رياض الاطفال

5_ العائد المادى الذي لا يساوي بالطبع المجهود المبذول والذي لايسعى احد من المشرفين على المرحله برفع طلباتنا الى الجهات العليا لرفع حوافزنا بما يناسب العبء علينا الا وهناك ظلم بين يقع علينا الا وهو الحوافز الشهريه حيث لا تتساوي معلمات المرحله فى هذه الحوافز حيث تحصل معلمات االروضات الحكوميه على مبلغ 30 جنيه شهريا ومعلمات الروضات التجريبيه على حوافز 50% من المرتب الاساسي لماذا الا يتساوين ف العمل وف المرحله وف المجهود نرجو رفع هذا الطلب لاناس يستطيعوا مساعدتنا ف رفع هذا الظلم


6_ واخير والله العظيم لقد دخلت هذه الكليه برغبتى وكنت من الاوائل اثناء الدراسه وانا دفعه 1996 اى اننى اعمل منذ 15 عاما ولكننى اسعى الان للخروج من العمل ف القاعات لما اعانيه من ارهاق طوال العام من كثره الطلبات والسجلات والتدريبات التى لا تفيدنا وليس من العمل مع الاطفال الذي سيجازينا الله عنه خيرا ان شاء الله وارجو ان يوفقك الله لرفع بعض ما نعانيه لعل وعسي يرفع اللع الظلم عنا


واخيرا شكرا لسعه صدركم واسفه للاطاله

رياض الاطفال شعلة نشاط
 

زى العادة رياض الاطفال شعلة نشاط .انا فرحانة جدا انى لاقيت حد رياض اطفال ومن الاسماعيلية
دايما بنفكر على كل ما هو جديد ومفيد للطفل .وعلى فكر ة كل اللى قولتية صح ولابد لة من دراسة
من تحضير وملفات ومسابقات طول السنة لا يستفيد منها الطفل

طيب ياللا شدى حيلك معايا وهاتى اقتراحاتك
بس قوليلى هو انتى مدرسه رياض اطفال ؟؟؟:bosyht9: