شوفوا الى حصل فى اسكندرية
 

بصوا وشوفوا الى حصل فى اسكندرية

http://www.youtube.com/wat​ch?v=OgVXMGkyr3w

معلش انا رايي مختلف تماما عنهم وضدهم وانا شايف ان تفكيرهم غلط فى غلط يعنى انا هاخدهوملك بالترتيب كده:

- اللى بيقوللك فى سنة فراغ ده وبقوللك ان المفروض العداد تتزود بكميات كبيرة او للضعف حتى ساعتاه يبقى انا دخلت طالب عادى او مجموعه ميستحقش طب للطب او الهندسة ودى مهن حساسة محتاجة فئة معينة من الناس.

- اللى بيقوللك ومضايق اوى ازاى اتساوى ببتاع تشيجارة ؟ يعنى ماله بتاع التجارة ده هو مش طالب ونسبة وتناسب بالنسبة لسنته مجموعه زى مجموع بتاع السنة دى وممكن يتفوق فى الكلية ويبقى استاذ فى الجامعة او رجل اعمال ذكى

-أما اللى بتقوللك هتفرق مع بنتى على 2 من عشرة فى المية على صيدلة مهو لازم يحصل كده لازم يكون فى فواصل بين الكليات ولا احنا هننزلها التنسيق الحبة دول عشان خاطرها وساعتها يجى واحد تانى يقوللنا طب انا فرقت معايا على 3 من عشرة وهكذا!!!
- رابعا الناس دول عقلياتهم محدودة للاسف يعنى مش شايفين قدامهم غير كليات الطب والهندسة والباقى مفيش ازاى يعنى ؟ المفروض كل واحد يشوف ميوله وقدراته ويدخل اللى يناسبه وميستهنش باى كلية سواء علوم عشان دى كلية العلماء او تجارة او اداب اللى هى كلية الادباء وغريهم كتير!!!!

- مسألة التنسيق لازم ينزل دى مينفعش دى مسألة عرض وطلب مسألة سعة واقبال
- اما اللى شايف ان مثلا مجموعه 97 مثلا ازاى ميلحقش طب ده عشان نسبيا هو مجموعه مش عالى خليه يبص المجاميع عامله ازاى
-اللى حاسس انه اتظلم ده يروح يكشف على درجاته
-اما بقى البنت اللى كانت زعلانه اوى وبتقوللك ده كان فى غش جماعى (الغش الجماعى يا حياتى عمره مياثر على تنسيق كليات القمة عشان اللى بيعمله كده مجاميعهم يوم ما بتكون عالية اوى بتكون 90 فى المية
- واللى بتقوللك ده كان فى ثورة ؟ هى يعنى الوحيدى اللى شهدت الثورة؟ امال احنا مين يعنى ومفيش مؤامرت جامعات خاصة ولا حاجة ده لو انتوا عرفتوا مصاريف الجامعة فى امريكا عاملة ازاى تحمدوا ربنا اوى كله خاص وبالفلوس

-ارجو محدش يزعل منى انا بقول كلمة حق ولازم ترتبوا افكاركم كويس وتشوفوا ميولكم وقدراتكم ونختاروا الكلية اللى تناسبكم
_ وادعو الله ان يوفق الجميع فى حياته

(مجرد رأى)

طب مالها المرحلة التانية
الى بيحصل فيها
ممكن حديفهمنى لانى معرفش حاجة
اقصدلما شفت طالب بيقول انتم عارفين الى بيحصل فى المرحلة التانية بالنسبة فى الفيديو
ممكن حد يفهمنى

والله دى بقى معرفهاش بس تقريبا هو مستهين بيها او عاوز يبقى اسمه مرحلة اولى الصراحة كلامهم غريب

والله بجد انتَ انسان بتفهم و محترم
قلت كل اللي كان نفسي اقوله

الله يخليك ده بس من ذوقك وربنا يوفقنا كلنا باذن الله

متفق معاك مليون المية
لكن بس عندي اعتراض في حكاية ان اللي بيغش عمره ما هيزيد عن 90 لان المعلومة خاطئة انا كان معايا مثلا السنة دي واحد كان جايب 98 و شوية في تانية و كان بيغش بس الحقهو شاطر لكن كان بيغش
و كان كمان في حاجه منتشرة ان كل اثنين يعدوا يراجعوا الامتحان مع بعض فيكشفوا اخطاء بعض و يقولك ان كده مش غش

بجد ومفيش مجاملات رد موضوعى وعقلانى واكيد مصر هتعلا بينا طالما فى ناس لسه بتفكر كدة
وبقول للى بيقول انها هتفرق معايا مهى لازم تفرق ولا ايه؟؟؟؟؟؟؟؟؟؟؟؟؟؟؟؟؟؟؟وربنا يوفق الجميع

شكرا على اتفاقك معايا اما بقى على حكاية الغش دى فدى عندى المرة دى ههههههههه واكيد مش فى كل اللجان برده ومن ناحية اللى بيراجعوا سوا ده غش طبعا امال ايه يعنى ههههههه:d:d
بس لو تاخد بالك لو نزل التنسيق زى مهما عاوزين يبقى الطالب اللى غش لسه برده هيدخل وهيدخل ناس تانية كتير الكلام ده ممكن يعمل خلل فى الكلية على حسب نوعها

و الله مينفعش اقول اي حاجة بعد اللي حضرتك قولتيه ..... انا معاكي في كل كلمة كاتباها