ملحوظه هامه جدا فى موقع التنسيق خلى بالك -- تعاااااالو
 

س/ فى موقع التنسيق فى اخيارين فى صفحه اضافه الرغبات فى الخطوه رقم 4

1- الاختيار الاول : الإختيار بتخصصات الكليات وجميع المعاهد

2- الاختيار الثانى: الإختيار بالجامعات والمعاهد الجغرافية

اختار انهى واحده فيهم ؟؟ :049gc0:


ج/ يا جماعه هى هى نفس الفكره وهى هى الكليات
بصوا انتوا لو اخترتوا

الاختيار الاول :040vk0:

الإختيار بتخصصات الكليات وجميع المعاهد

بيجيبلك التخصصات زى مثلا لو انت عاوز طب او هندسه او اداب المهم بتختار بالكليه وليس بالجامعه فمثلا انت هتختار تخصص طب من الخانه الاولى
هيروح الموقع حاططلك فى الخانه الثانيه اللى من تحت كده بالظبط
طب القاهره
طب عين شمس
طب المنصوره
طب المنيا
والخ....
يعنى من الاخر بيجيبلك كل طب اللى موجود على مستوى الجمهوريه بلا استثناء وانت تختار منهم او تضيفهم كلهم وترتبهم بعدين براحتك
ودى الطريقه الاسهل والاحسن والادق ودى اللى شغالين بيها بتوع السيبرات عشان ينجزوا ومينساش اى كليه يبقى خد كل الطب او كل التربيه فى الجمهوريه وهكذاااااااااااا

طيب ايه فايده انى اختار كل كليات الطب فى الجمهوريه واضيفها فى رغباتى من غير ما اسيب ولا كليه طب؟؟؟ :049gc0:

ج/ علشان لو انت عاوز طب فعلا ومش عاوزها تفلت منك لازم تختار كل طب الجمهوريه يعنى 15 كليه طب ب15 رغبه علشان لو مقبلتش فى طب القاهره مثلا تقبل فى عين شمس او طب اسكندريه او طب المنصوره وهكذااا المهم تقبل الاول :022yb4: وتبقى تحول بعدين للجامعه الاقرب ليك براحتك

اما الاختيار التانى :040vk0:

الإختيار بالجامعات والمعاهد الجغرافية

فده بيجيبلك الجامعات فى الخانه الاولى اللى من فوق زى مثلا جامعه القاهره او جامعه عين شمس وهكذاااا وانت بتختار مثلا جامعه القاهره فى الخانه الاولى اللى من فوق
فبيجيبلك فى الخانه التانيه اللى من تحت كل الكليات اللى متاحه ليك "لشعبتك"و "لمرحله تنسيقق" وانت بقى عاوز طب مثلا تفضل تدور فى القائمه فين طب فين طب يا جماعه محدش شاف طب كانت هنا !!
ولما تلاقى كليه طب بتعملها اضافه وتبقى دى رغبتك الاولى
وترجع تانى للخانه اللى من فوق وتختار جامعه غيرها زى مثلا جامعه عين شمس
وتنزل للخانه التانيه اللى من تحت وتفضل تدور فين طب فين طب والله لسه شايفها !!!
يعنى الكليات مش بتكون مترتبه جايبلك كوووووووووول الكليات اللى فى الجامعه دى وبكده ممكن تتلغبط ومتاخدش بالك ان عين شمس فيها طب وبعدين تقول ايه ده هى عين شمس مفيهاش طب ؟؟!!
طيب نشوف جامعه غيرها بقى
لكن جامعه عين شمس فيها طب بس انت مشفتهاش وسط كل الكليات الكتيره والمتنوعه دى . كارثه صح؟؟ لانك نسيت كليه كنت ممكن تقبل فيها

** يوووه مش فاهمين حاجه من الكلام الكتير ده يعنى نختار ايه افضل من الاخر صدعتنا :stickjo4::stickjo4:؟؟

ج/ من الاخر كده احنا هنا شغالين بالاختيار الاول وهو الإختيار بتخصصات الكليات وجميع المعاهد
علشان يجيبلك مثلا كل طب الجمهوريه ومتنساش منهم حاجه اصل هيجيبلك كليات طب بس اللى فى كل الجامعات

واى استفسار انا تحت امركم ياشباب 25 يناير :friendsxs3:

وربنا يوفقكم ويكرمكم يا رب

ادعولى اقبل الكليه اللى نفسى فيها :022yb4::022yb4:

ايه رأيكم فى الموضوع؟:006et4:

ربنا يكرمك

انا جايبه 87.9 ومش عارفه هلحق ايه بس انا كان نفسى ف السن واهى طارت ممكن حد يرشدنى للكليه الى هتقبل مجموعى وتبقى وكويسه وشكرا

طيب هو انا هكتب رغبتين وبس ممكن حد يساعدنى قى كتابه رغباتى دول 48 رغبه

يارب تكون درجتك عالية فى الإنجليزى وتدخلى تجارة إنجلش ......... بجد كلية ممتازة وعملية محاسبة + لغة وخصوصا للبنات .......... ربنا يوفقك

فى ألسن عين شمس وألسن المنيا والفرق بينهم درجة أو درجتين على الأكثر

انا بس بعد اذنك عايز اعرف ايه الحاجات اللى المفروض اطبعها من الموقع بتاع التنسيق يعنى انا المفروض اطبع الصفحة الاخيرة دى اللى فيها رقم التسجيل ولا ايه ؟

يا جماعة أنا جايب 87.9 مجموع السنتين فكدة هخش ألسن ولا لأ ولو ملحقتش ألسن ممكن أخش أثار حتى لو أقاليم و لا مش هحصل حاجة ولا اية يا ريت حد يرد عليا و يقولى اعمل اية و شكرا .

الموقع مش بيفتح معايا اعمل اية؟

جزاك الله خير
ربنا يوفقك ويوفقنا جميعا

سؤال عايز اجابته طالبةحصلت على 380 درجة من القاهرة والسن عين شمس 381 والسن المنيا380 هل ممكن وطبقا لقواعد تقليل الاغتراب ان تحول الى السن عين شمس ؟