|
كيفية الاستذكار (مادة مادة)
بسم الله الرحمن الرحيم
انا طالب فى تالتة ثانوى احب اقدم لكم نبذة بسيطة عن كيفية الاستذكار بصورة جيدة لنصل الى التفوق الباهر باذن الله اولا اللغة العربية 1** الاستذكار من كتاب الوزارة فقط (لشروحه وتعليقاته التى لا يخرج عنها الامتحان وامتحان العام الماضى وهذا العام خير دليل) 2**تسالنى وتقولى (كتاب الوزارة ولا فيه معانى المفردات ولا فيه اسئلة تغطى كل المنهج ) الرد (يكون معاك كتاب الاضواء_قديم_طبعا مش هنذاكر منه (ده هناخد منه جميع المفردات والصور البلاغية اما الاسئلة (يكون معاك كتاب الامتحان ) وتجاوب على اسئلته وبرضه اكرر الامتحان لا يطلب منك صورة بلاغية او شرح او اى سؤال الا وكان موجود فى كتاب الوزارة ولكن من باب الاحتراس التوقيع (فلانتينو البوابة) |
ثانيا اللغة الانجليزية
1** طبعا هنذاكر من الملزمة اللى ماشين بيها مع الاستاذ ولكن احبذ الكتب الخارجية (كتاب top student وكمان the best ) دول افضل كتابين فى الانجليزى وذلك لارتباط الكتب الخارجية بكتاب الوزارة لانة بيجيب reading ويشرحلك بطريقة جذابة نصيحة اخوية احبذ يكون معاك كشكول كبير تكتب فيه كل المفردات الجديدة والمهمة(( وخصوصا المتعلقة بالوطن والانتاج والاقتصاد الخ)) خليك فاكر ان الانجليزى مادة بحرها واسع لما تلم تلك المعانى والمفردات هتلقاها بعدين وترتاح وتريح نفسك ايضا يكون معاك كشكول كبير لكتابة كل البراجرافات المتعلقة بالدروس (كمثال درس اليوم د_مجدى يعقوب يعنى تكلم عن شخصية مثالية) ملحوظة العام الماضى كانت حالة نادرة بالنسبة للبرجراف لانه دايما يجيب براجراف متعلق بدروس المنهج لذلك انصح بالكتب الخارجية لانها بتجيبلك reading وكمان listening اللى هيساعدوك تكتب اى براجراف وكذلك الكلمات الجديدة اللى بتوظفها مع reading و listening التوقيع (فلانتينو البوابة) |
ثالثا الفيزياء
1*** طبعا هنذاكر من كتاب الوزارة 2*** والمسائل نحلها من كتاب الامتحان (الافضل على الاطلاق) طيب نحلها ازاى (تكون جايب دستة ورق تصوير وتكعبه وتعمله على هيئة مذكرة وتكتب فيها السؤال اللى فى الكتاب واجابته النموذجية طبعا وبكده ضربت عصفورين بحجر 1(منها بتحل وتذاكر )2(وكمان مش هتتعب فى المراجعة وتوفر الوقت والجهد لمواد تانية انا عملت كده فى سنة تانية فى الرياضة وكنت جاهز احل اصعب المسائل لانى كنت بجمع فى المذكرة اسئلة (لامى والمعاصر والماهر كمان) التوقيع (فلانتينو البوابة ) |
رابعا علم النفس وده اللى انا اخدته
1*** هنذاكر من كتاب الوزارة 2*** برضة نجيب دستة ورق تصوير ونكعبه ونعمله على هيئة مذكرة ونكتب السؤال باجابته والملخص اللى نحل منه هو كتاب الامتحان طبعا دى فكرة جميلة جدا بالنسبة للمواد الادبية اللى لازم تذاكر بالكتابة لسهوله حفظها التوقيع (فلانتينو البوابة) |
خامسا الاحياء
1*** هنذاكر من كتاب الوزارة 2*** برضة نجيب دستة ورق تصوير ونكعبه ونعمله على هيئة مذكرة ونكتب السؤال باجابته والملخص اللى نحل منه هو كتاب الامتحان طبعا الاختيارى نحله فى نفس الملخص اما الشروحات وكمان الرسومات الافضل نكتبها بنفسينا علشان المذاكرة الشفوية بتضيع حاجات كتير من ذاكرتك وكمان تتدرب على حل الامتحان من اول يوم فى السنة واحلى طريقة لجعل المادة سهلة مبسطة هى طريقة السؤال والجواب ده بعد المذاكرة المتقنة طبعا اما رياضيات 2 فنفس الكلام اللى قولته فى الفيزياء يطبق فى رياضيات 2 وطبعا باحترم كل واحد وكل واحد له طريقة معينة فى الاستذكار التوقيع (فلانتينو البوابة) |
اثبت وجودك ولا تشاهد وترحل
|
مشكور جزيلا على توفير و قتك ومساعدة اخوانك وربنا يكرمك وطمنا عليك جبت كام في المجموع
|
جزاك الله خيرا على مساعدتك لإخوانك
|
جزاك الله خيرا
|
اقتباس:
بس مش من فراغ |
جزاك الله خيراااااااااااا اخى
مبروووووك على المجموع |
اقتباس:
|
يا معين
بقولك يا باشا معلش بقى انت اللى جبتو لنفسك و ربنا :friendsxs3::friendsxs3:
قولى بقى انا سمعت ان كتاب المثالى فيزيا جامد انت ايه رايك و لو مفيهاش رخامة يعنى ممكن حد يقولى اعمل ايه فى رياضة 2 اللى انا مرعوب منها :wacko::wacko::wacko::wacko::wacko: انا عارف انى طولت ورخمت اوى يعنى بس برضو كلنا نفيد بعض:022yb4::022yb4::022yb4: بالنسبة للمادة الادبية ممكن حد يقولى الاقتصاد عبارة عن ايه اسف على الاطالة و اطمنو جبت 98 :d:d:022yb4::022yb4::d:d:022yb4::022yb4::028ja7::0 28ja7::028ja7: |
شكرا عالمجهود
|
اقتباس:
اما رياضة 2 مش تخصصى لكن ممكن اقولك انا عملت اية فى رياضة واحد (اقرا الموضوع كويس وانت تعرف) المادة الادبية (علم نفس افضل حاجة ومضمونة ومافيهاش لف ودوران زى الاقتصاد اللى سنة سهل وسنة صعب ) وعلى ايه دا كله |
| جميع الأوقات بتوقيت GMT +2. الساعة الآن 03:34 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.