الالمانية و الامريكية ام اى جامعة حكومية
 

السلام عليكم و رحمة الله و بركاته

انا طالب فى الصف الثالث الثانوى رياضة و حاصل على 94.63% و حائر حيث يريد اهلى ادخالى الجامعة الالمانية او الامريكية و يقولون انها افضل من اى جامعة حكومية و فى نفس الوقت انا لا اريد ان اثقل عليهم الحمل بالمصروفات الباهضة و لكنهم سرعان ما يقولون لى ان ما ستؤمنه لى هذه الجامعات لا يقدر بثمن لذلك اريد ان اسئل اخوانى المهندسين ايهما افضل مع العلم انى خائف ان تكون الدراسة فى تلك الجامعات بلغة اجنبية و انا تعليم عام و اسرتى من الاسر المتوسطة ميسورة الحال



و شكرا

فعلاً المرتبات لطلاب الجامعة الأمريكية و البريطانية بتبدأ أعلى بكتير من طلبة الحكومى

و ده بسبب إن الطلبة هناك بتكون دراستها مرتبطة بالسوق أكتر مننا زائد مهارت الطلبة فى الانترفيو أعلى

و بالنسبة بالانجليزى علشان تدخل محتاج يكون الانجليزى عندك مش بطال أوى

و لما تدخل بيبقى فيه كورسات تحسن مستواك فى الانجليزى فى السنة الأولى على ما أعتقد

و عامة فى هندسة بالذات الانجليزى لينا مصطلحات

عمومًا مش قصدى إن الجامعات الخاصة أحلى من الحكومية بطريقة بحتة تماما

الحقيقة إن العملية نسبية يعنى مدنى فى العام أحلى و مش عايز أفتى حاول تتأكد

و بالنسبة لباقى أقسام الهندسة كل الفروقات تقدر تعوضها و زيادة فى كليات حكومى خصوصًا الكبيرة زى القاهرة و عين شمس

و دلوقتى رجعنا لنقطة المهندس بيصنع نفسه ومقولة Be your self & don't be fascinated

و حقيقة إن الهندسة الحقيقية بتبتدى بعد الكلية أصلاً ههههه

كورسات شهادات خصوصًا فى أقسام كهربا و ميكا

عمومًا كون إنك داخل إن شاء الله هندسة فده عالم جديد

سواء هندسة حكومى أو خاصة أو غيره الفروقات مش كبيرة أوى

بالتوفيق فى أى مكان يا جميل ،،،،،،،

نسيت أضيف معلومة

صحيح إن الأمريكية و كده بيبتدى مرتب المهندس فيها أعلى بس ده مش دايمًا

زائد إن سرعة زيادة المرتبات بتعتمد على المهندس و كورساته لما يتخرج و خبراته من الأماكن اللى اشتغل فيها

يعنى العملية فى الدرجة الأولى توفيق ربنا

####

شكرا لك اخى abdelRhman772007 و ان شاء الله ربنا يكرمنا جميعا

ana gayp 95.5 we lw gatly handasa 7okoma ha5oshha wesh we 3ala fekra ana madrasa lo3'at bs handasa bblash we ba3deen mesh btfre2 gamed awy ba3d kda zay ma abdelRhman772007 ma2lak :)

انا جايب 98.8 % وناوي اخش الامريكية ان شاء الله وزي منتا بتقول فكرت في المصاريف الكتير بتاعتها بس كل اللي اعرفهم دخلو لما اتخرجوا جابوا الفلوس دي واكتر

اكبر مشكلة امتحان التويفل ده امتحاااااان صعب اوىىىىىىىىى مش عارف اعديه ومش عارف اعمل ايه ؟؟

حاول تدرب عليه من على الموقع الرائع ده :