|
نظـــــــــره المجتمــــــــــــع؟؟؟
http://media.kenanaonline.com/photos...gif?1306231544 اعتقد ان ما سوف اتحدث عنه اليوم هي مشكله اصبح المجتمع المصري يعاني منها وما جعلني اتحدث في هذه المشكله احدي صديقاتي فكنت اتحدث معها اليوم ولم تتجاوز سن السابعه والعشرين انسانه لها شخصيه جميله جدا ولكن لسبب ما اصبحت مطلقه تلك الكلمه التي لا يغفرها مجتمعنا لاي امرأه ((((((((((مطلقـــــه)))))))))) تلك الكلمه التي تعتبر وصمه عار لحاملتها ودائما نجد المجتمع ينظر لها نظره لوم وعتاب واحيانا تكون نظره انها مخطئه ومذنبه.......... دون حتي ان نعلم اسباب فشل زواجها ؟؟؟ واسبابها للبحث عن حياه اخري؟؟ وهل تلك النظره تكون ايضا نفس النظره التي ينظر بها المجتمع للرجل المطلق ام انه يمارس حياته الطبيعيه دون ادني مشكله ؟؟؟؟؟؟ ولكني اعتقد ان إن أزمة المطلقة هي أكبر من نظرة المجتمع لها حيث تشعر بالوحدة دائماً تشعر بمدي نبذ المجتمع واهلها واصدقائها لها فنجدها اتخذت الوحده رفيقه لها فللاسف المطلقه وقعت فريسه لانياب مفترسه الوحده والمجتمع... وانظروا معي كشفت دراسة جديدة للدكتور عزة كريم، أستاذ علم الاجتماع بالمركز القومي للبحوث الاجتماعية والجنائية، عن ارتفاع نسبة الطلاق في مصر إلى 45% في عام 2008 بزيادة قدرها 20% عن عام 1980. المصدر : http://100fm6.com/vb/showthread.php?t=33327 - 100fm6.com ؟؟ لذلك اتمني منكم المشاركه والحوار في تلك الظاهره في مجتمعنا وهل المجتمع لديه الحق في ادانه المراه المطلقه وهل فعلا المرأة المطلقة تؤثر سلبا على سمعة اهلها ومن حولها؟ ارق تحيـــــــــــاتــــــي http://www.ruoof.net/albom/data/thum...0/words345.gif |
السلام عليكم
فعلا ديه ظاهره فى مجتمعنا واللى قولتيه حقيقه لكن انا فى حاجه دايما بقولها لنفسى (اتحدى الكون واتمرد واتعلم تبقى جرئ) انا مابحبش فى حاجات كتير اقول نظره المجتمع لانها كتير جدا بتكون ظالمه زى الحاله ديه قولى لصاحبه حضرتك اقفى انتى قدراتك عاليه اقفى واشتغلى وحققى نفسك لانك لازم تثبتى نفسك وماتكونيش حاجه وبس ايوه تحقيق كده صعب وممكن يكون فى حد قالها كده لكن هى اخدته كلام وخلاص لكن لازم تثبتى لنفسك والناس انك حاجه انك انسانه ومش وبس وشوفى نظره المجتمع لما تحققى نفسك كله هيقف لحضرتك وينظر لحضرتك نظره احترام وتقدير |
انا مابحبش اطول الكلام فى الظاهره واسبابها ونتائجها
لان ده كله معروف لكن بجد اللى مفروض نتكلم فيه الحلووووووووووووووول جزاكى الله خيرا ع طرح هذا الموضوع الرائع |
يا جماعه احنا دخلين على 2012 و مش فى 1932 عشان نفكر كدا
خلاص نص شعب بقى كدا اصلا مافيش حد بقى بيفكر كدا قولى لصحبه حضرتك مش تاخد بكلام ناس اطلاقا عشان ناس بتحب الكلام و مش بتكست يعنى مش تتجوزى يقولوا يا حرام مش اتجوزت ليه تتطلقى يا حرام اطلقت ليه مش تخلفى يا حرام مش بتخلف ليه مش حتخلص من كلام ناس عشان كدا مش تحط فى دماغها شكرا على موضوع |
اقتباس:
وجزاكــــــي الله كل خير علي المشـاركه لكن احيانا بيكون الكلام سهل جدا اما بالفعل بيكون صعب اعتقد لو المجتمع ساعدتها في تجاوز المحنه دي هيكون ارحم بكتييييييييير بارك الله فيكي |
اقتباس:
المشكله اننا في 2012 ولكننا مازلنا نفكر بهذا الاسلوب الرجعي ولم نلتمس للمرأه اي عذر لطلاقها وانما نحاول ان نجد اي سبب لإدانتها ........ وكلام الناس لايرحم احد كما قلتي بارك الله فيكي ارق تحياتي |
نظرة مجتمع ايه دا مينفعش ولو ان السبب بنسبة كبيرة ان الستات ونشفان دماغها هيا اللى بتجيب لنفسها الطلاق أو عدم تعاون احد الطرفين مع بعض لكن الوحدة الذكية تقدر تأسر قلب وعقل زوجها بدون ما يشعر حتى فعمرة ما هيطلقها لكن حتى لو حصل الطلاق بسبب ان الزوج غير جيد او انه لم يحصل توافق فيجب ان تستمر فى حياتها ولا تتوقف كذلك الرجل ليس الكل سيئا هناك دائما الافضل لكن لو احببنا انفسنا وتفائلنا واعطيناها قيمتها فلن تتاثر لا بكلام الناس ولا اى شئ اخر الطلاق شرع لنا رحمة وغيرنا يتمنى هذا الطلاق ليس نهاية العالم بل ربما يكون بداية لحياة أفضل شكرا لك على الطرح القيم والهام |
اقتباس:
عندك حق كثيرا مابيكون اسباب الطلاق ناتج عن عند وتحكم بالرأي ولا احد يريضي ان يتنازل لكي تستمر الحياه..... ولكن اذا حدث ما لا تتمناه الانفس وهو الطلاق هذه المصيبه بارك الله فيكـــــــــــــــــــــــي لمرورك الكريم اجد ان معظم المشاركات من الجنس اللطيف اين الرجـــــــــــــل؟؟؟؟؟؟؟؟؟؟؟ |
الاكيد اننا لازم نغير من النظره دى
الست دى مرتحتش مع الشخص ده فقررت تنفصل عنه وتبا حياه جديده ليه احنا الناس نكتب على الحياه دى الفشل من قبل ماتبتدى والراجل ال طلق مش بيطلعوووا فيه عيب عااااادى جداااااااااا ياجماعه دى حياه شخص سواء راجل اوست اظن ان مش من حقنا اننا ندخل فيها او نطلق على اى منهما القاب وصفات من خيالنتا المريض تنحيااااااااااااااااتى على التوبك |
موضوع جميل جدا
وصدقينى ليس كل المطلقات تعشن بوحدة وسكون وكسرة نفس عندنا بالمدرسة مطلقتين احداهما تربى ابنها بوحدة ومكتفية به عن الدنيا ومافيها والاخرى تربى ابنها وعايشة حياتها ونفسها بل وتسعى لتتزوج مرة اخرى برجل اخر وتراها لاتقل انها مطلقة لبس ايه وشياكه ايه وقد دعت دعوة واستجاب الله لها فهى منتدبة بمدرسة ابتدائى دعت ان يتم نقلها لمدرسة ثانوى بنين وفعلا اتنقلت من يومين لمدرسة ثانوى بنين بس ثانوى تجارى وها هى تأتى للمدرسة(رغم عدم بدأ الدراسة لسه) تشكو ونفسها ترجع مدرستنا تانى وصدقينى مش كل المجتمع ينظر نظرة سيئة للمطلقة انا اعرف مطلقة لم تتجاوز28عام والله ربنا كرمها بشخص ايضا مطلق بلا اطفال يعيش بألمانيا تعارفهم جاء كما يقال عليه زواج صالونات بحت شاف صورتها شافت صورته كلمها نت كلمته نت (لانه مسافر بألمانيا) خطبها اون لاين (طبعا والدته هى اللى مختراها ) نزل اتجوزوا واخدها معه ألمانيا بعد الثورة اهى دى مطلقة بس حظها حلو او بمعنى اصح ربنا رايد لها كده اى ان الموضوع اوله واخره بيد الله ياما ناس متزوجين ومتزوجات والحياة بينهم جافة كلاهما يتمنى الانفصال ليعيش حياته بس يجمع بينهم اطفال مشكورة لطرح هذاالموضوع الهادف |
اقتباس:
تحيـــــــــــــاتي لكي نورتـــــــــــــــي التوبيك اشكر مرورك الكريم |
اقتباس:
اشكرك ع مشاركتك الاكثر من رائعه ارق تحيـــــــاتي لكي |
| جميع الأوقات بتوقيت GMT +2. الساعة الآن 10:18 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.