أرجوكم حد يفهمنى ضرورى انا علمى رياضه !!
 

هو السؤال صعب ؟؟

السلام عليكم و رحمة الله و بركاته
-أولا أحب اقولك انك لازم تبقي داخل كلية العلوم برغبتك و انك حابب الكلية و عايز تؤدي فيها و انها و الله العظيم لا تقل عن الطب و الصيدلة و الهندسة.
-ثانيا انت متاحلك الأقسام دي
1-الرياضيات (علوم حاسب و احصاء) اللي بين القوسين ده تخصص داخل التخصص.
2-فلك 3-فيزياء (نووية-الكترونيات - اتصالات - فلكية - الفلزات ...)
4-صيانة الاجهزة
5- جيوفيزياء
6-علوم فضاء
-علي فكرة انا زيك بالضبط في ثالثة ثانوي و مستني المرحلة الثانية بس انا علمي علوم و جايب92% و لو عايز اي معلومات عن اي قسم ابعتلي

طب وبالنسبة للشغل وكدا ايه النظام ودلوقتى بيقولو ع علوم الحاسب ان هيصدر قرار بعدم مزاولة المهنة الا اللى متخرجين من حاسبات ومعلومات

الشغل ع حسب القسم
وبالنسبة للقرار
كلام نخريف
خريجي حاسبات يتبعو نقابة العلميين
........................

يا جماعة انا فى تانية علمى علوم جبت 88% وفقدت الال طبعا فى صيدلة هل لو شديت حيلى فى تالتة ان شاء الله الحق علوم ولا اخدها من قصيرها واحول ادبى لان ماما بتقللى ان كل اللى دخلوهااتخرجوا وقعدوا فى اليت ... ساعدونى ارجوكم

شد حيلك وان شاء الله خير

السلام عليكم و رحمة الله و بركاته
أستاذ حسام الدين إيه التخصصات في فيزياء منفرد و إيه مجالات شغلها؟ استفض في الإجابة على قد ما حضرتك ما تقدر
و كلية علوم فيزياء هادرس فيها ميكانيكا الكم باستفاضة؟
و يا ريت ايميل حضرتك لو بتقعد عليه عشان محتاج أكبر قدر ممكن من المعلومات
و أنهي جامعة أحسن في علوم قسم فيزياء منفرد؟
السلام عليكم و رحمة الله و بركاته

مبدئيا فى سنة أولى بندرس الدوائر الكهربائية والحرارة والضوء وخواص المادة و فيزياء النبائط و تكنولوجيا التفريغ و أدواتها و الكترونيات و أجهزة و هوائيات و تصميم أنظمة رقمية و نظرية الزمر (هي مكتوبة كده في الكتاب الخاص بتعريف الكلية و الصادر عن جامعة القاهرة لسنة 2009)
سنة ثانية بندرس ضوء متقدم وفيزياء حديثة (النسبية الخاصة) والكهروستاتيكا والكهروديناميكا والديناميكا الحرارية
سنة ثالثة القسم بيتشعب لأربع شعب .. بتختلف موادها حسب التخصص .. لكن فى مواد مشتركة زى ميكانيكا الكم والالكترونيات والبصريات و الفيزياء الذرية والنووية والليزر والبلازما.
التخصصات جوة القسم (الفيزياء / 1-النووية- الاتصالات-3- الالكترونيات 4- الجوامد -5 ميكانيكا الموائع 6-البصريات بص هو ده اللي انا فاكره بس في تاني انا متأكد )
بالنسبة لأحسن كلية أنا ما عنديش أدني فكرة بس ده ما يقلقش خالصز
و علي العموم لما يرضوا عنا و ينزلوا تنسيق المرحلة الثانية _منهم لله و الله حرام_ و أدخل علوم هقابل _واحد معرفة _ أستاذ مساعد بكلية العلوم و هسأله عن كل حاجة بالتفصيل الممل جدا علشان نبقي علي بينة من أمرنا قبل ما الفأس تقع في الرأس و أهم حاجة يا badnamef4 انك تتأكد أنك في كلية فخر ليك و لأهلك لأنها و ببساطة كلية (أحمد زويل - مصطفي مشرفة - سميرة موسي - فاروق الباز ...) مرحي يا كلية العباقرة.

شكراً أوي يا حسام الدين و ممكن تديني نمرة الأستاذ المساعد ده و تستأذنه إني أسأله؟ أصلي مرحلة أولى و خلاص قربت تخلص
و الأستاذ المساعد ده قسم إيه؟
السلام عليكم و رحمة الله و بركاته