محتارة يا جماعة ساعدونى
 

فى ظل المجاميع المرتفعة للاسف هقولك ان طب بشرى واسنان وصيدلة مستبعدين ..
نمسك اللى تحتهم ..
اذا جالك العلاج الطبيعى هيبقى كويس جدا لكن لو مفيش نصيب يبقى تكتب تحتها سياسة واقتصاد ..ودة لسبب واحد انها تعادل كلية الطب بالنسبة للادبى اعلى كلية فى الادبى وتدخل قسم اقتصاد تحديدا ..
وممكن تختار بيطرى لكن دة راى الشخصى ...ربنا يوفقك وتخش علاج طبيعى ..

يا رب وشكرا لمساعدتك

انا شايفة كده بردو


طب يعنى انتى نفس مشكلتى بس انا سمعت ان بيطرى مش حلوة للبنات

عاوزة اعرف انتى كتبتى ايه

واشمعنى اخترتى بيطرى ؟ مجالات عمله للبنات زى ايه ؟

انا برضو نفس المجموع 96.58 وانا كتبت صيدلة وبعدين علاج طبيعى ثم بيطرى..وربنا يوفق الجميع

بصي هما لو خدو نفس اعداد السنه اللي قبل اللي فاتت في الكليات ممكن نلحق صيدله شوفي ترتيبك ع موقع الاستاذ
اما بالنسبه لبيطري فهي مطلوبه اوي في الشغل ممكن تشتغلي مندوبه زي الصيادله وهما بيطلبو بتعوت بطري اكتر عشان اللي بيتخرجو منها قليلين وممكن تعملي دبلومة تحاليل بعد ماتخلصي وتفتحي معمل تحاليل او تفتحي مزرعه دي الحجات اللي انا عرفاها مش عارفه بقى في مجالات تانيه ولا لا

يا رب كل واحد يدخل الكلية اللى نفسه فيها

انا ترتيبى 17 الف 200 وحاجات كده

17200

تقريبا

ده حد كان منزل الرد ده عن مجالات عمل الطب البيطرى


عيادة حيوانات صغيرة (

عيادة حيوانات كبيرة (
مزرعة خيول سباق ( حتعيش ملك زمانك)::

مزرعة دواجن( لازم تفهمها كويس)

مزرعة ارانب( مربحة ومريحة جدا)

مزرعة اسماك( يا سعدك لو كنت بتفهم فيها كويس):0:

مزرعة عجول تسمين وحلاب::

مزرعة اغنام ::

معمل تحاليل ( عيش فى الميكروبيولوجى)::

شركة ادوية بيطرية( ودى فى نفس مجالك) بس حتتعب 12 ساعة يوميا

شركة ادوية بشرية ( ودى برة المجال) حتتعب 8 ساعات يوميا

طبيب بيطرى فى المجزر ( وتعيش وسط الجزارين , افتكر بوحة

لو نسيت حاجة يا ريت حد يفكرنى.......

بس بيقولوا كلية صعبة مش سهلة يعنى خالص

وكمان كنت عاوززة اعرف مجالات عمل سياسة واقتصاد او لو حد يعرف عنها حاجة يقول

لفت نظرى ان حضرتك بنت !!
تفتكرى هتقدرى تتاقلمى مع جو الحيوانات ..انا بصراحة شايف ان الاحسن ليكى كبنت ان تدخلى اقتصاد وعلوم سياسية وباكد عيكى تخشى قسم اقتصاد البنوك الاجنبية بتاخدهم فورا ..واعتقد انها اكثر انتشار ...
فكرتى فى الالسن ؟؟دى كلية ممتازة جدا للبنات فى راى واغلبية البنات بتفضلها ..
لكن يبقى اختيارى لكى للاقتصاد ..تحياتى..

انا فعلا تفكيرى كده

وكاتبه اقتصاد وعلوم سياسية انجليزى وفى دماغى فعلا اقتصاد

وكاتبة بعدها اقتصاد وعلوم سياسية عربى وبعدها اعلام انجليزى وبعدها اعلام عربى وبعدها السن

وبعدها بيطرى وبعدها علوم

بس ماما اقترحت عليا بيطرى ومحتارة جدا ومش عارفه ايه الصح

وكنت عاوزة اعرف راى حضرتك فى اعلام ؟

:
ربك يوفقكِ

صلى استخارة الاول ...وربنا حيوفقك للخير..

رآيى ألسن جميلة أختى معيدة فيها وكانت زيك ......كانت عايزة صيدلية وربنا وفقها فى الالسن..

طيب هي اعداد المقبولين السنة اللي قبل اللي فاتت كام ؟؟؟؟؟؟

بصى انا جايبة 97.2 كتب صيدلة وطب اسنان وطب بيشرى بصراحة ماجتش جنب بيطرى اصلا وان رايى سيبك منها انتى ليكى ف جو الحيوانات ده مش حلو والله انا كتبت بعدهم سياسة واقتصاد وبعديها اعلام وبعديها السن ده تريب كلياتى

اها ونسيت علاج طبيعى كتبته بعد طب بشرى

مؤشرات المرحلة الأولى للتنسيق: 96٪ الحد الأدنى للطب و94٪ للهندسية و 91.1٪ للأدبية
ظهرت المؤشرات الأولية للحاسب الآلي لتنسيق القبول بالجامعات، أن الحد الأدني لقبول الطلاب الناجحين في امتحانات الثانوية العامة سيصل إلي 96% للكليات الطبية. http://www.ahram.org.eg/MediaFiles//...2011_26_34.jpg

(الطب وطب الأسنان والصيدلة والعلاج الطبيعي والطب البيطري) وإلي 94% لكليات الهندسة والحاسبات والمعلومات، و91% لكليات التخطيط العمراني والفنون الجميلة والفنون التطبيقية.
وتؤكد المؤشرات أن الحد الأدني للقبول سيصل إلي 91.1% للكليات الأدبية (الاقتصاد والعلوم السياسية والإعلام والألسن والسياحة والفنادق)، وسيرتفع المؤشر للحد الأدني بشكل ملحوظ قد يصل إلي 96% للقبول بشعب اللغات بكليات الاقتصاد والعلوم السياسية والإعلام والحقوق والتجارة.. ومن المنتظر إعلان نتائج المرحلة الأولي بداية الأسبوع المقبل.


يا رب الخبر ده يبقى صحيح
طب ممكن اعرف ايه هيه كايات القطاع الطبى

المصدر جريدة الاهرام