بعد التساؤلات موجهة لخريجي و طلبة حاسبات و معلومات
 

السلام عليكم

أنا عاوز ادخل حاسبات و معلومات عن قناعة كبيرة لأن الكومبيوتر دخل في كل حاجة دلوقتي و البرمجة دخلة في 95% من الحاجات اللي بنستخدمها و حاسس ان جوايا طاقة كبيرة عاوز اطلعها في الحاسبات لكن أنا عاوز أي حد في حاسبات و معلومات أو متخرج منها يقولي

أنا ترتيبي في حدود 22 ألف و مية علي مستوى الجمهورية في علمي رياضة و أنا جايب 93.65% و تنسيق المرحلة الاولى 93.9% فعاوز اعرف هل حلحق حاسبات؟

و ياريت أعرف إيه افضل جامعة فيها اقسم كويسة للحاسبات و المعلومات أنا عاوز ادخلت حاجة كده تخليني اسد إن شاء الله لو اجتهدت في الكلية و أنا من وأنا صغير بستعمل الكومبيوتر و بحس اني متمكن منه قوي و عمري ما طلبت مساعدة حد في حاجة سواء تنزيل ويندوز أو برامج أو تظبيط الكومبيوتر فعاوز كلية فيها قسم كويس و أنا ممكن ادخل قسم خاص لو الخاص هو اللي كويس يعني الحمد لله والدي موافق فعاوز اعرف إيه أحسن قسم للبرمجة و أكتر قسم مطلوب في شركات زي microsoft , google , oracle, yahoo , apple softwares و باقي الشركات الرائدة ؟؟؟؟؟؟؟؟؟؟؟

و إن شاء الله ناوي اخد الكورسات اللي هي فوتوشوب و سي شارب و كل الكلام ده في سنة اولة عشان ابقي كويس في التطبيق العملي


أنا من القاهرة عموما و منتظر ردود حضراتكم

ان شاء الله تلحق حاسبات باذن الله

بالنسبة للاقسام هية اصلا مش بتفرق اوي يعني في الاخر كلة ممكن يشتغل نفس الشغل لان الاقسام بتبقى من رابعة او تالتة على حسب الجامعة هوة في قسم واحد بس في حاسبات عين شمس بيبقى من سنة اولى وهوة قسم خاص بيخدوا فيه تقريبا نفس المواد بس بيزودوا عليه احياء القسم اسموا "Bioinformatic" طبعا القسم لسة اصلا معموما مبقلوش غير 5 او 4 سنين والدفعة الواحدة بيبقوا في حدود 50 طالب فطبعا بيبقوا مطلوبين جدا في سوق العمل بس برده ممكن يشتغلوا عادي زي اي قسم

فمتشغلش بالك بالاقسام دلوقتي خالص غير لو بتحب الاحياء ممكن تخش القسم ده
لو عاوز تعف اكتر عن الاقسام اقرى الموضوع ده
http://www.thanwya.com/vb/showthread.php?t=151552
بس هوة ملهاش لازمة دلوقتي

ربنا يوفقك ان شاء الله اعتقد انك لو دخلت حاسبات هتبدع فيها طالما ان عندك عزيمة من دلوقتي ما شاء الله

شكرا علي المساعدة

طيب انا جبت 93.1 فى امل انى احصلها
فى اى مكان فى مصر مش مهم

السلام عليكم

ان شاء الله هتلحق حاسبات ولو كانت اقاليم ينفع تحول .

من وجهة نظرى افضل 3 جامعات

القاهرة - عين شمس - حلوان

الاقسام
it _ cs دول الاساس للشغل فى الشركات دى

انا it جامعة القاهرة وانصحك تفكر فيه كويس لانه قسم ممتاز

وربنا معاك

أنا بحس أنا أفضل أمكانيات في جامعة اسيوط مما تحيويه من اجهزه حديثة و معامل مكلفة جدا بس بصراحه تعليم جامعة القهره أحس أنه أفضل و يليه أسيوط

طيب ياريت تقولنا كليات الحاسبات في كل جامعة بتقبل كام طالب ؟

بالنسبة للعدد بيبقى على قدرة الكلية .

القاهرة وعيم شمس فى حدود 500 طالب
بنها مش بتكمل ال 100

مجموع حاسبات و معلومات كان ديما فى حدود 380 . 379 . 375
بيتراوح بين الكلام ده أنا جايب 370.5 و عايز اعرف ادامى فرصة ولا مش ادامي؟

ده النتيجة بكره او بعد بكرة محدش ناوي يرد عليا !

يا زياد محدش يقدر يقول لك
ده بيبقى على حسب تنسيق كل سنة على حسب ما الطلبة كاتبة
فادعي ربنا إنه يجيب لك اللي فيه الخير جايز تكون حاسبات و جايز تكون غيرها
و مش هتعرف انتا دخلتها ولا لأا غير لما تطلع نتيجة التنسيق
و ربنا يوفقك و يوفقنا كلنا
السلام عليكم و رحمة الله و بركاته

انا جايب زيك بالظبط 93.6 :) وكلام الشباب طمنى الحمد لله مع انى كنت قلقان جدا .... بس انا خايف انها تيجى اقاليم مثلا :s