تم رفض المطالب
 

بعد رفض المطالب يقول احد المتظاهرين
محمد يوسف الطويل ناشط
بإسم طلبة الثانوية العامه أقول :
ــــــــــــــــــــــــــ​ــ
لابد من مقابلة الدكتور/ عصام شرف .. عشان الوزير رفض المطالب
وخلينا فاكرين كويس إن :
البلد بلدنا والوزير موظف فيها
...لكن إحنا طلابها وهنكون علماء فيها
وإللى مش متضامن معانا يبقى مالوش خير فيها
ــــــــــــــــــــــــــ​ــ
ده رأيى الشخصى وأنا مش هكون موجود عشان فى بعض الطلبه قالوا كلام مش كويس بالإضافة لظروف عملى وإنشغالى طول الوقت بالعمل بالجمعيات الخيرية وخصوصاً لإقتراب شهر رمضان المعظم .
ــــــــــــــــــــــــــ​ــ
أسأل الله أن يوفقكم لما فيه الخير
عافكره ده مش كلامي ده كلام الراجل اللي اسمه فوق...انا مش روحت المظاهره

اللى مش متضامن معاكو ... يبقى مالوش خير فيها؟ ....... ده كلام؟ يعنى يا معاكو ... يا عليكو؟ طب فين الديمقراطية .... طب فين حرية إبداء الرأى اللى بنادى بيها؟ طب أنا مش متضامن معاكو ......... بس بحب بلدى أكتر من أى حد فيكو ....... إيه رأيك !!!! ده إيه الجبروت اللى إنتو فيه ده؟ عشان كدة شهداء الثورة ماتوا ؟؟؟؟؟؟ عشان كدة مصر بجميع أطيافها وفئاتها قامت وما قعدتش ألا لما الريس تنحى ؟؟؟؟؟؟؟؟ بعد كل ده ....... يامعاكوا ... ياضدكوا ........ لا ياسيدى ضدكم ... ضدكم ... ضدكم وبنحب بلدنا أكتر منكم.

مين قال انه رفض انا اعرف انه قابلهم واتفاهم معاهم

انا معاك علي فكره انا مش موافق علي كلام كتير من اللي قالو بس مش انا اللي قايل الكلام ده ...ده احد الناس اللي راحووو

الي الأخ عادل الخبير الديمقراطي لا أعرف سبب عصبيتك الزائدة وليه زعلان كده ياعم الناس مظلومة وحتضيع في الرجلين والبلد كلنا بنحبها وعلي رأسنا من فوق

فين العصبية يا أخى اللى أنا بتكلم بيها ........ ومين قالك إنى زعلان ........ بس مافيش حاجة إسمها يا معاكو ... ياضدكو ........ فى حاجة إسمها حرية فى إبداء الرأى ولا حكر على رأى أحد ولا فرض لوصاية .. ولا إقرار لرأى خاطىء.
فى حاجة إسمها مشاركة وحوار وتحاور.

معتقدش انه هو كان يقصد كده
كل الحكاية انه عايز الناس تحس بالطلبة المظلومة
يعنى ايه طلبة تجيب 96 و 97 بجهودها و متلحقش حاجة
و ناس تجيب مجاميع خرافية بالغش و تاخد مكان ناس تانية هيا اولى بيها

يا هالة، أنا مش معترض على المظاهرة بطرق سلمية محترمة متحضرة وإن كان مش وقتها ..... بس أنا بختلف مع اللى بيقولوا يا معاكو ...... يا ضدكو ......... والغريبة إن اللى مش معاهم لإختلاف فى الفهم أو القالب أو المضمون بيعتبروه مش بيحب البلد ........... وده مش صحيح أبدا ......... كلنا بنحب بلدنا بس كل واحد ليه طريقته ومنهجه فى التعبير عن هذا الحب. صح؟

عنك حق يا هالة الغش و خاصة في الارياف هو اللي ضيع اولادنا
اللي غش اخذ مكان الطالب اللي حل بمجهوده
فوضنا امرنا لله

انا عايز اقول حاجة انا ملاحظها بعد الثورة ... ناس كتير ومنهم انا ... بقى عندهم نوع من التمرد المبالغ فيه ... الموظف معدش طايق المرتب بتاعه مع انه كان مكفي نفسه بيهم قبل كده , الناس معدتش راضية بعيشتها وكل واحد عايز ياخد مليون جنية ... و الطالب اللي جايب 96 - 97 عايز يخش طب .. معلش يعني عمرها ما حصلت قبل كده , اللي مفروض نقوله ان إزاي 96-97 ميلحقش صيدلة .. و طبعا الغش و الامتحانات السهلة من الاسباب اللي وصلتنا لي كده .. يعني مثلا العربي لو الوحدة العضوية اتعملت الصح بتعها ( لم تحقق ) مع العلم ان غلطان فيها .. كانت المجاميع هتنزل جاامد .. لكن التساول في التصحيح ضرنا اكتر و اكتر .. احنا مفروض دلوقتي كل واحد يعرف ان اللي مكتوبله هوه اللي هيحصل و هوه اللي فيه الخير

يا جماعة مين قال انها اترفضت

ناس كتير بتقول إن كل المطالب وافقوا عليها

يا ريتنى كنت غشيت عشان اجيب مجموع خرافى
ههههههههههههههههههههه

مش عارفه انتو بتفكروا ازاي

مع احترامي لكي بس اه في خش في الارياف بس مش زي المدن وبعدين مش في لجان ثانوية في ارياف