عاجل وهام لمعلمى الشرقيه " مصيبة والله"
 

طبعا احنا مستنين قرار التعيين للمعلمين لكن انا النهاردة كنت فى المديرية وسالت عن تاخير وصول القرار فقال السيد المسئول والله انا لااختلق كلام ان الاوراق مع الموجه الاول للمادة على مستوى المديرية وهو بيوزع فى المعلمين تانى بحسب العجر والذيادة " ملحوظة قاعد تحت التكييف " المهم دا الكلام اللى عرفته واللى اتقالى طبعا هو بيوزع على راحته مييعرفش ان فى ناس بيوتهم بعيدة او مين ساكن فين ولا مين بسافر ولا الكلام دا هو هينزل القرار معاه اسم المدرسه الجديدة واللى مش عاجبه يبقى يشتكى او يسيب الشغل
ودا السبب فى تاخير وصول القرارت ايه رايكم ياحلوين اقعدوا حاطين ايديكوا على خدكوا وهو قاعد عمال يلعب لعبة القرموطى" اوديك فين ياوحيد يابنى " لو حد عنده تعليق يرد عليا ومتقولوش فين المستندات اصلى نسيت اسجله كلامه ونزله على المنتدى وانا قلت قبل كدا فى حاجة بيدبروها لينا وفى حاجة كمان فى ناس من الاعدادى هينزلوا الابتدائى عشان يسدوا عجز او تبديل مع مدرسين من ابتدائى وواخدين تربوى عرفتم بقى الحقيقه دا اللى انا توقعته وقولته لكن الناس ققالت خلينا نستنى
خلاس وادى اخرتها الله اعلم فى ايه تانى دى مش ثورة علينا بقى دى تجكم احنا كدا مش مدرسين لا احنا كدا عمال باليومية يتحكموا فينا زى ماهما عايزين حسبى الله ونعم الوكيل
اناكدا خلصت كلامى واللى عندى قللته

كلام حضرتك مضبوط مائة فى المائة
انا سمعت من الموجه الاول بتاعنا فى ادارة فاقوس انهم حيثبتونا ابتدائى
على الرغم اننا امتحنا اعدادى وبنعمل فى المرحلة الاعدادية
احنا مش راضيين نعمل حاجة علشان مايقولوش مطالب فئوية بس ورب الكعبة لوحصل اللى بيقولوه ما حنسكت ويتوقعوا مننا اى حاجة

حسبى الله ونعم الوكيل

بالمناسبة انا كنت شغال ابتدائى سنة2004
ولما نزل العقد ابو174جنيه لو تفتكروا سنة 2005 ودونى اعدادى زعلت جدا علشان كان اعدادى ب100 بس لكن نعمل ايه الكوسة منها لله
ورضيت بس لما يجو يثبتونا يحولونا ابتدائى المرة دى لا للكوسسسسسسسسسسسة
لا للفلول لا للعرينى والموجه الاول والمحافظ واى حد تانى عاوز يرجع الكوسة

لازم نطالب باقالة العرينى ده بيفكرنى باحمد ذكى بدر

فى حاجة مهمة جدا بالنسبة للتعين قانونا على اللى امتحنا عليه والدليل
1-انه بيجى الاسم والكود والتخصص اعدادى ثانوى
2-اقرانا فى البحيرة مكتوب فى قررهم يتم تعينهم فى الوظيفة التى قرين اسمه

كلام مظبوط 100/100 هيعديوا توزعنا بمزجهم لازم يا شرقوة وقفة من نار عند المحافظة و عن وكيل الوزارة نتعين فى نفس المدارس الى اشتغلنا فيها و فى ادارتنا
واحد زميلى اتصل بمسئول فى المديرية المسئول قالوا فى ادارات فيها عجز و فى إدارات تانية فيها زيادة هنجيب من العجز و نودى فى الزيادة و اشمعنا الدفعه دى بالذات الى يعملوا معاها كده معملوش ليه مع الى اتعينوا يوم 1/3/2011
ربنا ينتقم منهم و ارجوا تحديد الموعد لتنظيم وقفه للمطالبة بحققوقنا وشكرا

طب ما عملوش كده ليه مع اللي اتثبتو من مدرسي الحصة

حسبى الله ونعم الوكيل

يا جماعة القرار مش هيجى الإدارات دلوقتى خالص لازم التصرف قبل ما القرار ده يوصل لينا ونلاقى اترمينا فى إدارات بعيدة