|
أرجوا المساعدة ( 99.4 % ) : بترول وتعدين و لا " هندسة القاهرة "
بسم الله الرحمن الرحيم أحب أهنى كل الناس وأقول ألف مبروك على النجاح مهما كان المجموع المهم اننا عدينا من ثانوية عامة الحمد لله انا جايب مجموع 407.5 ما يساوى تقريباً 99.4% وانا محتار ما بين بترول وتعدين جامعة قناة السويس و هندسة القاهرة وصليت صلاة استخارة و ما خاب من استشار يا ريت لو تقدروا تفيدونى وبصراحة انا اتمنى ان بترول وتعدين تاخد اكتر من مجموعى عشان استريح من حيرتى ولو عايزين درجاتى فى ثانوية عامة يمكن تفرق فى الميول الهندسية ***************** فيزياء : 50 رياضيات 2 : 50 كيمياء : 48.5 رياضيات 1 : 48.5 انجليزى : 49.5 وبصراحة انا بفضل الفيزياء عن الكيمياء و بكره الجبر و افضل الاستاتيكا والديناميكا و الفيزياء الحديثة و قاعدة ارشميدس و الموائع و الحرارة و الموجات و الكهربية أوكى وكمان انا بحب الرسم والتصميم و الرسم البيانى بس الكيمياء مش بحبها أوى لكن ماشى ياريت تقدروا تفيدونى ...:028ja7: وارجوكم مش عايز الناس تقوللى زى أى حد بيشوفنى فى الشارع هندسة بترول طبعاً ياريت الكلام يكون مبنى على أساس |
السلام عليكم
اول حاجة مبروك تاني حاجة انا جايب مجموع عالي زيك الحمد لله وان شاء الله نفسي ادخل بترول ودي المميزات اللي هتلاقيها في بترول انك ان شاء الله هتكون معايا في الكلية :022yb4: عدد الدفعة قليل فرص شغلها ممكن تكون احسن (لاحظ ممكن والله هو الرزاق) وعموما بترول بهدلة شوية ومحتاجة انك تستحمل وكمان محتاجة مذاكرة كتييييييييير علشان ربنا يكرمك وتلحق قسم كويس |
بص من رايى النتواضع
انت لو حابب البترول وحاسس انك عاوز تدخلها وهاتتميز فيها ابقى اتوكل على الله وادخل بترول بس لو فى قسم فى كلية هندسة انت عاوز تدخاوا زى قسم ميكانيكا او مدنى .... وحاسس انك حابوا وهاتمميز فيه ادخلوا وهنا فى المنتدى فى موضوع عن اقسام كلية الهندسة يريت تدخل وتقراه اخر حاجة عاوزة اقولها وركز فيها معلش اوعى تسمع الكلام اللى بيقول خسارة مجموعك وحراااااااااااااام انك ماتدخلش بترول انت جايب المجموع علشان تدخل الحاجة اللى انت عاوزها وحاببها مش علشان تستخسر وتدخل بيه حاجة تانية شوف انت ميال لايه اكتر وايه اللى حابوا اكتر وايه القسم اللى لو دخلته هاتبقى متميز فيه وحاجة كبيرة ان شاء الله وربنا يوفك فى الاختيار اللى هاتختاروا |
توكل على الله و خش هندسة انا شايف ان درجاتك الرياضية جيدة و حاسس ان ميولك هندسة
|
ههههههههههههههه انت كده ميولك للبترول على فكره .. اكتبها اول رغبة ربنا يخليك وتعالى معايا فيها ونبقى اصحاب وانا لسا مش عارف هعد فين هناك يا ريت تكلمنى وربنا معاك ان شاء الله
متسبش بترووووووووووووووووووووووول حراااااااااااااااام بجد لالالالالالالالالا ان شاء الله هتيجى هتيجى يا بشمهندس |
بص يا سيدي
انا كان نفسي ادخل بترول بس مجموعي مجبهاش ودخلت هندسة وحاليا الحمد لله فرحان جدا اني مدخلتش بترول وليا واحد صاحبي دخل بترول وندمان جدا انه دخلها ومدخلش هندسة اولا بترول الغربة فيها صعبة والدراسة بتاعتها فيها بيولوجيا وحاجات كده غريبة تبع دراسة طبقات الارض وحاجات نظري ومش هتبقي بقي زي هندسة من ناحية الرياضة والفيزيا والحاجات الحلوة اللي معظم العلمي رياضة بيحبها تاني حاجة نقطة الشغل فيها بقت عايزة واسطة والموضوع صعب جدا بس طبعا لو ضربت معاك واشتغلت فانت كده عديت ان شاء الله بس اهم حاجة متخليش مجموعها يغرك وتستخسر مجموعك وتقول بقي ادخل حاجة ب 93 % ولا 99 % يعني فكر من ناحية الميول والحب مش من ناحية المجموع وان شاء الله مدام صليت استخارة ربنا هيوفقك للخير |
مش مهم تخش ايه
المهم انك جايب 99.4 بسم الله ماشاء الله |
شكراً لكل الناس اللى ردوا على الموضوع و الحمد لله ربنا هدانى إنى أكتب هندسة القاهرة أول رغبة وكان الله على كل شئ مقتدراً
********** اقتباس:
اقتباس:
أهم حاجة الواحد يتعب فى حاجة بيحبها اقتباس:
اقتباس:
اقتباس:
اقتباس:
|
انا بقى جايبة 99.3 وكنت محتارة بين هندسة وحاسبات بس خلاص كتبت هندسة عين شمس رغبة اولى وربنا يسهل وتكون هىالاختيار الصح ...انا كنت عايزة بس اقولك انى حاسة بالحيرة اللى انت فيها (حيرة المجوع العالى) بس الحمدلله انك اخترت وربنا يوفقك فى اللى اخترته ويوفقنا معاك
بس كنت عايزة اسالك اخترت القاهرة عشان التوزيع الجغرافى ولا عشان ايه؟؟؟؟؟؟ |
بدايه اجاوب على صاحب الموضوع انت اخترت صح انا والدى مهندس بترول وخلانى ابعد عن المجال ده لان الشركات حاليا بتدور على الجامعه البريطانيه والامريكيه فقط وفى 1200 شاب مهندسين بترول خريجين من سنه 2006 كانوا عاملين اعتصام مش لاقيين شغل وغير كده شغلها صعب جدا ومرمطه فى وسط الصحرا
بالنسبه لطالبه فى ثانوى انا قعدت مع مهندس كمبيوتر قالى اقولك على الحقيقه مش هتلاقى بعد التخرج من حاسبات الشركات والشغل اللى انت بتحلم بيه قالى لكن للنصيحه ادخل هندسه القسم اللى انت عايزه وخد دورات vb.net و oracle و c++ وخد الكليه والدورات ولو لقيت شغل يعجبك ادخل وسيبك من تخصصك وربنا يوفقك للتواصل معايا fokakmeny_999*********** |
بترول احسن كمستقبل لكن لو مش هتجتهد يبقى انت اقل من هندسه عاديه لانه هو قسم واحد اللى افضل من هندسه عاديه وهو قسم الحفر وبس يعد كدا يبقى عليه العوض
|
احنا تقابلنا السنة اللي فاتت يا هندسه (( ما أفضل كتاب خارجي من وهة نظرك فاكر ؟ ))
بس نصيحة أخوية مش بحبطك والله ،، و ربنا يعلم أنا فرحتلك جدا لأنك مجتهد وتستاهل كل خير هتيجي ف يوم من الأيام تقول ياريتني دخلت هندسة بترول وتعدين !!!!! مثال معايا في البيت أيوه يا عم أخويه أقسم بالله محمود أخويه مهندس مدني وتمام أوي الحمد لله دخل ف الأول هندسة بترول وتعدين السويس وبعديها بإسبوع حول لهندسة عاديه ولما اتخرج واتزلل عشان يشتغل ندم انه ساب بترول وتعدين لأن ماشاء الله أصحابه اللوقتي ربنا يبارك في نعيم هتقولي طيب أنا ليه هدخل حاجه مليش نفس ليها أو مجبر عليها في نظرتين هنا ( نفسيا ـــ ماديا ) انت بتحبه ومايل ليه ادخله حتى لو كلية بتاخد 90% أهم حاجه راحتك النفسيه (جانب نفسي) وبرده لازم تقيس الحياة المادية وتاخد في اعتبارك بعد كده ايه اللي ممكن يحصل باذن الله انت لسه شاب صغير برده ومشفتش جواز أو جيش أو شغل وأكل عيش وولادة ودكتور ومشاكل عائلية (جانب مادي ) أنا رايح اعدادي هندسة متخفش (( اوعى تفكر ان عندي 60 سنة )) ههههههههههههههههههههههه ياااااااااااااااارب يديم عليك نعمه ويوفقك الى كل خير وتحسن الأحتيار معلش أنا اتكلمت من جانب الماديات لأننا في عصر للأسف قليل من يحترم فيه العلم الكلية الأولى في أمريكا كلية علوم !!!!! الأولى في مصر طب وللأسف سمعه مش أكتر بالسلامة يا باش مهندس وربنا يوفقك يا بطل وأسف على الإطالة للحديث بقية:049gc0: |
| جميع الأوقات بتوقيت GMT +2. الساعة الآن 07:27 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.