ياجماعه هيه مودرن ايه نظامها؟؟
 

السلام عليكم,الاول انا جبت 87.3 علمي رياضه ولما شوفت التنسيق السنه دي قلت مش هلحق حتي اداب ^^,قلت اخدها من قاصرها واشوفلي حاجه خاصه هندسه معماري ولاقيت مودرن جنبي تقريبا يعني مش بعيده,رحت هناك وسألت اول حاجه سالته عن نظام التعليم قالي احنا زينا زي اي جامعه حكوميه نفس الشهاده وبندي كارنيه النقابه وكده,المشكله انه قالي بتاخد من 60% وانتا طالع وده الي قالقني بصراحه,قلتله قليل اوي قالي بص الي عايز يتفوق هيتفوق اهم حاجه انك تلتزم وتذاكر,فياريت الي عنده حاجه عن الكليه دي يقولها قبل الفاس ماتقع ف الراس,وبالنسبه للشروق فهي بعيده جدا عني وماظنش انها هتقبل مجموعي ومودرن اقرب ليا,بمعني تاني انا خلاصمش هينفع اروح الشروق خالص,وشكرا

طيب ممكن حضرتك تقولى هيه مودرن مكانها فين بالظبط وهل فيها سكن ولا لا ولو مفيش هل ف سكن خارج المعهد انما للطلاب

طيب هوه انتا هترد عليا يعني ولا بتسأل بس؟؟ المهم مودرن دي بعد كارفور المعادي بشويه وفيه شقق جنبها كتير للسكن,وياريت حد ياجماعه يرد عليا بليز

يارجاله 33 مشاهده ولا رد؟؟ بليز حد يرد

مودرن ممتازة وكل حاجة بس للاسف مفهاش هندسة مدنى . بس عايز اعرف مصاريفها كاام السنة دى ؟؟

وسيبك بقى من موضوع معتمدة ولا لا وكويسة وكده طالما بتدى كارنيه نقابة وبكالوريوس خلاص ومناسبة ليك خلاص قدم فيها ..

شكرا جدا علي ردك وانا مش عايز مدني انا هخش معماري او الكترونيات زي الفل والمصاريف السنه دي 9903 وفيه خصم لاعلي من 85% 10% ولاعلي من 90% 25% واعلي من 95% 50%,وانا مش خايف بس حوار انك خايف يكون التعليم فيها زباله تطلع مهندس فاشل ولا حاجه فاهمني؟

بص اللى اسمعه عنها ان كله بينجح والدراسة بتعدى وسهلة ودا بيطلع ناس مستهترين بس انت عن نفسك لو عايز تبقى مهندس صح حتذاكر لنفسك لكن كله بينجح ودا اللى فهمته .. اللى عايز يفهم حيفهم انت بس متبقاش تبع التيار اللى بيقلك وليه تتعب نفسك وتذاكر مهى كده كده بتعدى فهمت قصدى ودا فى كل مكان على فكرة فى الخاص ..
انت بقى وراحتك عايز تكون مهندس صح ذاكر وهات تقدير ممكن ربنا يكرمك وتطلع بعثة بره وتبقى نقله كبيرة ليك او تتعين معيد بدل البهدلة .. اتمنى اكون فدتك

توضيح

مودرن جامعه كويسه وكل حاجه ودراسه كويسه بس بيسقطوا حاليا الطلبه علشان الفلوس فخد بالك اعرف ناس كتير جدا كانوا جايبين تسعينات ودخلوها وقاعدين يسقطوهم مودرن اديلها سنتين بالظبط مش تمام وده رأيى وانت فى الاخر اسال واعرف