الوزير عنده حق
 

يا عم الوزير عنده حق فى كل اللى بيعمله طالما وجد شويه جبناء مش مدرسين خايفين يطلعوا من الجحور ويقولوا لأ للظلم الذئب ما كان ليكون ذئبا لو لم تكن الخراف خرافا

اعتقد ان زي ما فية البعض جبناء فيه الكثير شرفاء شجعان لا يتهاونون في حقوقهم
المشكلة انهم مش بيعرفوا اى حاجة ف اى حاجة
وده دورنا اننا نعرف الناس الدنيا وخداهم علي فين

ولا كلامى ده غلط؟

اكييييييييييييييييييد مش غلط

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ليكن شعارنا القادم يسقط وزير التعتيم والتجهيل والتضليل..يسقط احمد جمال موسى وزبانيته من ناهبى اموال الشعب وحقوق المعلمين ..تسقط نقابة المهن التعليمية نقابة السلطة الفاسدة

انا رايى ان لو للاسف فيه كتير فينا سلبيين ومش بيطالبوا بحقوقهم وحتى لو وزير التعليم نفسه عارف كدا كويس هو واللى حواليه المفترض ان لو كان الوزير دا شخص كويس ويستحق منصبه فعلا كان يقف معانا ويجيبلنا حقوقنا الضايعه على الرغم من عيوبنا المؤسفه دى لكن استغلاله للعيوب دى دا معناه انه شخص لايستحق منصبه

نفسي لما نلاقي موضوع مليان قلة أدب زي اللي بيوصف زملاءه أيا كانوا انهم جبناء نفسي اننا نرد عليه بما يستحق لأنه مهما كان نبل هدفه ميصحش إنه يوصمنا بالجبن
وأقسم بالله إني ممكن أرد عليك رد يخليك تنكمش قدام شاشتك لأن قلة الأدب مفيش أسهل منها
فياريت نلتزم ونبطل تطاول ونتكلم بشكل يوصل رسالتنا من غير إهانة ولا تجريح
مش كدة ولا إيه؟؟؟؟

كلامك كويس ما شاء الله عليك

بس ياريت تستخدم جرأتك و شجاعتك و لسانك ده
علشان تجيب حقك و حقنا من اللى ضيعوا حقوقنا
بدل ما تستخدمه فقط ضد زميل لك.

وليه نغلط فى بعض بس؟
بلاش كده احنا مش جبناء

لا بديييييل سوى التعديل
وزير جديد مرتب يزيد
كرامة المعلم طلب اكيد

أنا هافهمك عشان أكسب فيك ثواب
كون إن المعلمين ماخرجوش للمطالبة بحقوقهم بالطريقة اللي انت شايفها ده مش معناه انهم جبناء...
البعض يقولك ماهو لسة ماجتش حاجة رسمي اننا جوة او برة الحد الادنى.....والبعض شايف ان الايام دي مينفعش فيها اعتصامات لان البلد مش مستحملة....والبعض منتظر ظهور قيادة واضحة لحركة المعلمين خصوصا ان الازمة دي حصلت في وقت مافيهوش نقابة حقيقية
فيه ألف تفسير لعدم تحرك الكثيرين....يمكن الكسل يا أخي...لكن معتقدش أبدا انهم خايفين أو جبناء...طب يخافوا من ايه ؟هي الاعتصامات و الاضرابات دلوقتي بتخوف؟دي بقت أسهل من شكة الدبوس
فيعني مش عايزين حد يتفزلك ويزايد علينا ولا يقل ادبه ويقول جبناء ولا استخدم شجاعتك ولسانك والكلام ده
ده لو سعادتك انت وكل اللي بيتمنظروا علينا دول نزلتو فعلا كان زمان الوزارة اتهدت
مش عاوز اقول كل اللي ف نفسي عشان خايف من حصائد الالسنة تودينا ف داهية

شكرا على إنك فهمتنى و أخذت الثواب
لكن حضرتك محسسنى إن المدرسين كانوا طول عمرهم بياخدوا حقهم و إن اللى منعهم اليومين دول هو ظروف البلد .. يا أستاذ المدرسين حقهم ضايع من سنين طويلة مش من بعد الثورة بس

و كمان كل الحجج اللى بتقول عليها دى لا تقنع أحد .. لأن فى نفس الظروف دى بالضبط خرج الأطباء و الشرطة و غيرهم و حصلوا على حد أدنى و مرتباتهم زادت و تضاعفت .. أما نحن المدرسين فنضع لأنفسنا حجج نضحك بها على أنفسنا و نقول أننا لم نقصر لكننا راعينا ظروف البلد .. لكن صدقنى حتى لو صبرنا حتى تستقر البلد بعد سنة أو إثنين فلن نفعل شيئ أيضا.

و أخيرا
لو عندنا الرغبة و الجدية أن نحصل على حقنا لحصلنا عليه كما حصل عليه غيرنا ممن هم أقل منا تأثيرا و عددا.