|
زواج الكبيرة قبل الصغيرة
السلام عليكم
ازيكم ؟؟؟؟ يا رب تكونا كويسين:022yb4: ندخل في المهم في موضوع كنت عايزة اتناقشة معاكم الموضوع زي ما هو واضح عندكم في العنوان زواج الكبيرة قبل الصغيرة من المتعارف في مجتمعنا العربي ان الزواج تنازليا يعني بالعامية كده ( من الكبير للصغير ):d ولن تتزوج البنت الصصغرى الا بعد زواج البنت الكبرى هذه كلمآت تتردد علي ألسنة الكثير من النآس.. وهذه عآدة شآئعة بين اكثر النآس حآليآ.. فأذآ تزوجت الصغرا تعبت نفسية الكبرا.. اردت وبكل صراحا ان اطرح لكم الموضوع وذلك لاني احسست معكم بروح الحوار وروعة النقاش.. وفي ناس تاني بتقول ان الموضوع عادي يعني ما فيش مشاكل والاسباب هي كالاتي اولاً.. تزوج الصغيرا قبل الكبيرا اذا كانت الكبيرا تجاوزت العمر المعقول للزواج في حين ان الصغيرا وصلت لعمر مناسب للزواج.. ثانياً.. اذا كانت الكبيرا رافضه للزواج اما بعدم رغبا او لاسباب تخصها او بسبب عملها ودراستها .. انا ابداً لاارا مشكله في تزويج الصغيرا.. لكن.. من ناحية اخراا.. هناك احيانا رفض شديد وبتعصب من الوالدين بعدم فعل ذلك حتا ولو كانت الكبيرا موافقا وسعيدا من اجل اختها الاصغر.. او في حال ان الاخت الكبيرا معارضا والوالدين موافقان .. وفي مجتمعنا الناس لو البنت الصغيرة اتخطبت حتى قبل الكبيرة يا سلام على الكلام اللي بيتقال:d البنت دي فيها كذا وكذا وكذا:d لا لا البنت دي اصلها موش حلوة وفيها بلاوي سوددا عايزة اعرف رايكم في الموضوع ده |
انا من رايي
البنت الكبيرة الاول وبعدين الصغيرة هي الصغيرة يعني موش ها تطير :d |
شكرا لسيادتكى يا فندم موضوع جميل من راى ان الموضوع بيختلف على حسب الظروف والبيئة واشياء كثير و العادات والتقاليد و الظروف الاجتماعية الخاصة بالاسرة نفسه و طبعا فى اوقات زى ما سيادتك ذكرتى فى الموضوع انه عادى جدا و فى اوقات اخرى بيسبب الكثير من المشاكل شكرا لسيادتك و نتظر المزيد |
انا مش شايفه فيها حاجه
ان الصغيرة تجوز قبل الكبيرة عادي يعني طب افرض الكبيره محصلهاش نصيب تقعد الصغيره جبها |
ايه يا بوسى المواضيع الحلـــوه دى بصى المعادله غريبه شويه وكل بيت وكل اسره بيحسبوها على مزاجهم يعنى مثلا حقولك مثال قريب خالـتى عندها 3 بنات رقم 3 اتجوزت الاول وبعدها بفتره رقم 2 اتجوزت ورقم 1 لسه فرحانها السنه الجايه طيب ده ليه ؟ ما كلهم مخطوبين بس ده بيرجع علشان الدراسه دى خلصت ودى لسه ومع العلم ان الكبيره دى مش زعلانه بالعكس فرحانه جدآ زى ما قولت لك هى معادله كل اسره بتحلها بمبادئها ميرسى يا بوسى على الموضوع |
اقتباس:
واضح انك انتي الكبيرة:p:d بس الحكايه ماتفرقش اوي لان ممكن الكبيره تكون مهتمه بالتعليم اكتر فمينفعش الصغيره تستناها :bosyht9: وانا اعرف ناس كده كتير شكرا علي التوبيك |
انا شايفه ده حسب المستوي الثقافي والتعليمي والخب بين الاخوات يعني الاخت الصغري جالها واحد بن ناس وكويس وراجل بجد في زمن عز فيه الرجال وهو شاريها وهي عيزاه يتأجل ليه؟ وممكن يكون الكبيره لسه مفيش راجل مالي عينها يبقي الايه المشكله ؟ َ
|
الموضوع كله في النهايه نصيب
ربنا كاتب ان الصغيره تتجوز الأول هتتجوز الأول كاتب الكبيره تتجوز الأول هتتجوز الأول وكلام الناس مش بيأثر بشئ شكرا على الموضوع |
هو فى الحقيقة الموضوع بيكون صعب على الآباء أكتر من الأبناء
خوفاً على مشاعر الكبرى أو الكبير برضه لو الأخ الصغير حب يجوز قبل الكبير الأهل يقولوه (العيد الصغير بيجى الأول ) طبعاً الموضوع فى الأول والأخر إدارة الله و نصيب لكن كعادات مجتمعنا الشرقى فى الغالب بتكون الكبيرة الأول أنا قلت فى الغالب لأنها بتكون بنسب متفاوتة وممكن ناس تسمح بخطوبة الصغيرة قبل الكبيرة لكن تفضل مستنية لما أختها تتخطب حتى عشان تجوز هى أنا عن نفسى بحمد ربنا الفرق فى السن بين بناتى مش حيوجد عندى القلق ده إن شاء الله لأن الفرق بينهم 7 سنوات تكون الكبيرة اتجوزت إن شاء الله خصوصاً إن الكبيرة هادية وانطوائية عن الشقية التانية سبحان الله كنت زعلانة أن الفرق بينهم فى السن كبير لكن ربنا بسبب الأسباب الحمد لله ويارب نفرح بيكم كلكم سواء كنتم الكبار أو الصغيرين موضوع دمه خفيف يا عاشقة الطفولة بالتوفيق |
والله انا شايف سواء الكبيرة او الصغيرة اتجوزت الاول مش مشكلة بس يتجوزوا فى الايام السودا دى :d شكررا على الموضوع الجميل |
المشكلة فتفكير الاهل ونظرة المجتمع والعادة ال جرت ان الكبيرة الاول وبعدها الاصغر فالاصغر مع ان الامر فالنهاية قسمة ونصيب .. والتفكير دا للاسف احيانا بيسبب مشاكل او مصايب كمان قرأت من فترة قصة واحد شاف وحدة وعجبته راح يخطبها ، طلعت الصغيرة فالام رفضت وعرضت عليه الكبيرة لانه ماينفعش الصغيرة تتجوز الاول المهم فالاخر اتجوز الكبيرة بس عشان يفضل جمب الصغيرة !! وبعد سنين وولدين الصغيرة كبرت واتقدملها عرسان كان بيرفضهم ، وفيوم جه وطلق الكبيرة عشان يتجوز الصغيرة لأنه كان عاوزها من الاول !! والاسرة اتفككت والعيال اتشردت والاخوات خسروا بعض .. وكلو بسبب النظرة دي والتفكير دا .. موضوع جميل ، تسلم ايديكِ |
نصين الدايرة اللى بيركبوا على بعض صعب انك تلاقيهم في كل وقت كون انك تنتظر انك تركب الانصاص بناءً على ترتيب او خطة معينة قد متحصلش لا ده ولا ده مبدأ إنه الاولى مينفعش تحب وتتجوز غير لما اختها تتجوز ده مش بيأثر حيأثر على نفسيتها ده كمان ممكن يسبب الكره بينهم لإنه اختها الكبيرة اصبحت العائق الوحيد امام استقرارها وزواجها الآن ومش بعيد كمان تتهور وتتجوز عرفي او سري لإنه الحب لو اتمنع وهو شرعي مش حتقدر تمنعه بأي طريقة اخرى لكن في حالة ده اتنفذ المفروض الاخت الكبرى تبقى بمثابة زي الام الصغيرة لاختها يعني حوار الغيرة او النفسية ده المفروض ميكنش كبير والنصيب ملوش وقت ولا سن وكل تأخيرة وفيها خيرة ومحدش المفروض يدايق |
الاول بشكرك يا بسومة على الموضوع الجميل ثانيا مش شايفه فيها اى مشكله لما الصغيرة تتزوج قبل الكبيرة ايه يمنع زواجها طالما تقدم ليها شاب كويس لكن كونهم يرفضوا زواج الصغيرة علشان الكبيرة دا هيخلق مشكله اكيد كفاية انها هتحس انها واقفه فى طريق سعاده اختها وفى الاول والاخر الزواج نصيب اكيد نصيب الاولى لسه مش جه انا عن نفسى مش شايفه فيها مشكله لو اختى الصعيرة اتخطبت او حتى اتجوزت قبلى ولا اهلى كمان يمانعو حاجه زى دى وبالعكس يعنى دا انا افرح لاختى كمان |
كتيير من الاباء بيفكروا كدا لكن فقط من اجل مراعاة مشااعر الابنه الكبرى حتى لو الاختين بيحبوا بعض جدااااا وحصل كدا اكييد بيكون فيه شوية حساسية بسبب الموضوع دا يعنى لو حصل والاخت الصغيرة اتخطبت قبل الكبيرة هى نفسها ممكن تكون مش مرتاحة نفسياا علشاان اختها والعكس لو رفضت الاخت الصغيرة الارتباط قبل اختها الكبيرة مراعاة لمشاعرها هتحس الكبيرة بانها سبب فى تعااسة اختها الموضوع معقد..:d بس اللى لازم الكل يعرفه ان كل شئ فى الاول والاخر نصيب .. شكرا بسمة ع الموضوع تقبلى مرورى |
اقتباس:
وفعلا الموضوع بيختلف من حيث الظروف ولبيئة شكر على المرور |
| جميع الأوقات بتوقيت GMT +2. الساعة الآن 09:16 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.