الى مشرفى المنتدى عيب كده
 

انا عايز اعرف المفروض بعد الثوره نتعامل بمصداقية شوية

وانا سمعت ان مجلس الوزراء يناقش قانون الغدر

من اجل عدم استغل المناصب

اناعايز اعرف ليه بتشيلوا موضوعى ديما

المفروض نتعامل باحترام اكتر من كده شوية

اتمنى الموضوع ده كمان لايحذف وترد عليا

انا برضه كنت عامل موضوع للدفاع عن 6 ابريل واتحذف مش عارف ليه المفروض يكون فى حرية رأى وكل عضو من حقه ينشا الموضوع اللى عاوزه كى ينتاقش مع الاخوة الاعضاء فيه اما مايقال ان المنتدى خاص بمعلمى الازهر ومشاكلهم فهو سبب غير مقبول لان كل مايدور حولنا من أحداث فهى تمسنا وتهمنا

حتى لايتم حذف موضوعك تاكد انة فى المكان المناسب................او انة لايحتوى على سب لاحد وكلام دون دليل

أولا نحن نتعامل بصدق وشفافية
الأستاذ طارق

عيب على حضرتك الكلام اللى بتقوله والمفروض أنه يجريج فى الأشراف وده عقوبته الايقاف وعلى العموم
موضوع حضرتك اللى اتحذف
وهو
والله العظيم وصلت الدرجات المالية
والسبب هقول للناس موضوع حضرتك بالضبط

الاخوة والاخوات المتعاقدين بالازهر الشريف
تحية طيبة وبعد

بعد نجاح ثورة 25 يناير فى تحقيق مطلب التثبيت للمتعاقدين

واشاعة ان التربية والتعليم لم يثبتوا , وانه تثبيت وهمى

وصلت امس الدرجات المالية للمتعاقدين فى التربية والتعليم

كل واحد له درجة ورقم لهذه الدرجة

الف مبروك لاخواننا فى التربية والتعليم


واحنا ربنا يتولانا برحمته

الله يخرب بيت اللى بيحب يأذى الناس
وحسبى الله ونعم الوكيل



شوف بقا العنوان أيه والمضمون أيه يا استاذ يا فاضل
وأحنا مش بنرضخ للضغوط بتاعت الأعضاء مش كل واحد يعمل موضوع تافه وسب وقذف ويتحذف موضوعه يبدأ يهاجم فى الإدارة والأشراف عيب يا استاذ

أخي الفاضل أين الفساد الذى قضي عليه
حتى نهدأ نحن أصحاب حق
ولكن ...............................

طيب بالمرة يا مسيو ايهاب يريت لو اعرف مشاركتى ليه حذفت وكان مضمونها تحية لحركة 6ابريل وتحية الى الاستاذجورج اسحاق والى الجيش ولا افهم لماذا تم حذف المشاركة

ماشى يامستر فين المشكلة
المعنى واضح ومقصود

وبعدين الرجاء ارسال رسالة بسيطه توضح فيها سبب حذف الموضوع

وانا مش جديد فى المنتديات وشكرا

المشكلة دي يا جماعة متكررة

وقديمة

وليس للمشرفين ذنب فيها

لان ده شغلهم

لكن احنا من زمان اقترحنا عليهم ان يتم برمجة رسالة اوتوماتيكية تبين ان موضوعك تم تحويله الي المكان الفلاني او انع اتحذف للسبب العلاني

فيكون هناك احترام لعقلية كاتبه و تقدير شخصي

واحنا عارفين ان دي تقنيه قد تكلف بعض الوقت والجهد

ولذلك نقترح علي ادارة المنتدي تخصيص جزء من دخل الاعلانات علي المنتدي لتفعيل هذه الخدمة
لان الاعضاء اهم من اي شيئ

طبعا انا من فترة كبيرة وانا قاطعت المنتدي بسبب حذف المواضيع والمشاركات ولكن قررت اني ارد علي كلام مسيو ايهاب بان العنوان غير مناسب لمحتوي الموضوع او احتواء الموضوع علي الفاظ سب
1- في المنتديات الكبيرة المحترمة بيجي دور المشرف بتعديل العنوان ليناسب محتوي الموضوع وليس حذف الموضوع
2- في حالة احتواء الموضوع علي الفاظ غير لائقة يتم حذف هذه الالفاظ مع تحذير العضو بانه خالف القواعد وتتراوح مدة الايقاف مابين اسبوع الي شهرين او ايقاف نهائي هتقولي ماهو العضو هيعمل عضوية تانية ارد واقول لحضرتك مفيش مشكلة ماهو المشرف هيكون متابع
3-في حالة حذف الموضوع وده بصراحة مشوفتوش غير في هذا الموقع يتم اخبار العضو علي الخاص وده دور المشرفين لكن بالطريقة دي بصراحة المنتدي بيخسر كل يوم اعضائة
قال تعالي { وَمَا كَانَ رَبُّكَ لِيُهْلِكَ الْقُرَى بِظُلْمٍ وَأَهْلُهَا مُصْلِحُونَ }

لا انا شايف ان الموضوع تافه الذى تم حذفه وليس هناك داعى للتعديل
الموضوع ليس له أى ضرورى

مكان غير مناسب استاذنا الفاضل
مكانها خبر وتعليق
وليس معلمى الأزهر الشريف

اذن المنتدي اصبح حكرا للاهواء الشخصية لمشرفي المنتدي
اين احترام الراي الاخر يااستاذنا الفاضل ؟ وشكرا علي حرية الراي في منتداكم والي الاستاذ طارق متزعلش انت كده الكسبان طالما كل مشرف شايف موضوع من وجهة نظرة الشخصية تافه يحذفوا مع كامل احترامي للجميع

[quote=نسمات هادئة;3757108]اذن المنتدي اصبح حكرا للاهواء الشخصية لمشرفي المنتدي
اين احترام الراي الاخر يااستاذنا الفاضل ؟ وشكرا علي حرية الراي في منتداكم والي الاستاذ طارق متزعلش انت كده الكسبان طالما كل مشرف شايف موضوع من وجهة نظرة الشخصية تافه يحذفوا مع كامل احترامي للجميع[/quot

شكرا نسمات هادئة على مرورك


والى مشرفى المنتدى
مش حضرك اللى تحدد اذا كان موضوعى تافه او قيم

الاعضاء من خلال المشاركات والردود هى بس اللى تحدد

وبعدين المنتدى ده فيه تعصب شديد جدا وتقيد للرأى

المفروض نتعامل بصوره احسن من كده شويه

الموضوع بدون مشاركات يا أستاذ طارق

ايه الاسلوب ده ؟

حضرتك اعتقد يا مسيو ايهاب محتاج تغير من اسلوب تفكيرك

انت تعمل في مؤسسة خاصة

راس مالها هو العملاء والاعضاء

مش في مؤسسة حكومية فاشلة زي الازهر مثلا - راس مالها الغباء والتعنت مع الموظفين

انا شايف ان اسلو ب تعاملك مع الاعضاء و ارائهم محتاج يكون افضل

وذلك سيصب في مصلحة المنتدي