|
أنا عايزه جواب نهائي علم نفس ولا اقتصاد وإحصاء ؟
أنا خلاص زهقت وغيرت الماده دي مرتين أثناء الدراسه ومش عارفه أختار اه ؟ أنا علي فكره جايبه في تانيه99.8
جوبولي السؤالين دول ؟ 1*طلبه علم نفس كانوا بيذاكروه كام ساعه اسبوعيا؟ 2*طلبه الاحصاء هل الماده دي مش مضمونه؟ ومسائلها بتلخبط ولا لأ ؟ أنا عارفه ان في مواضيع كتير بتسأل نفس السؤال ده بس ساعدوني |
ردوا عليا . أنا خايفه اختار ماده وأندم علي اختياري بقيه عمري
|
اقتباس:
اسمحيلي ارد عليكي حتى لو مش عن تجربة لكن يا حبيبتي محدش هيقدر يفيدك في حاجة زي دي لسبب بسيط جداا وهو ان الخير ليكي مش زي الخير لاي حد ولو واحد قالك ان الاحسن علم نفس مش بالضرورة يكون الاحسن بالنسبالك قرارك ابنيه انتي على اسس اولها : استخارة ربنا لانه هو الاعلم بالخير ليكي تاني حاجة شوفي درجتك في الرياضيات السنادي كاام كمثال للاقتصاد والاحصاء ؟؟ وشوفي درجتك في الكيماء كام كمثال لعلم النفس وشوفي ميولك انتي لإيه واهم حاجة تستخيري ربنا وتتوكلي عليه .. يارب اكون افدتك ،، والسلام عليكم |
من الاخر الاتنين مستوى واحد والله والاتنين من كلام الناس بيقولوا اسهل من بعض ..المشكلة بس إنتي حبة إيه إللي هتحبيه هتجيبي50 فيه
|
نصيحة
خدى المادة الى انت شايفها احسن بالنسبة ليكى او بتحبيها وملكيش دعوة بالناس لو سالتى اى حد هيقنعك بالمادة الى هو خدها انا عن نفسى هاخد فلسفة (انا علمى رياضة :d) |
أنا هصلي استخاره وربنا يسهل .
شكرا ليكو و ربنا معاكوا ومعايا في السنه اللي جايه . |
بُصي لو ليكي في الحفظ أوي أكيد خدي علم نفس، لو حابة مذاكرة أقل شوية وفهم أوي خدي إقتصاد وإحصاء بس لازم تاخديهم أول السنة مش من نص السنة، وبالذات الإحصا
|
اذا انتي علمي رياضة تقدري تدخلي اقتصاد واحصاء وانتي مطمنة بإذن الله
واذا علوم فكري شوية في الموضوع على حسب انتي كنتي شاطرة في الرياضة ولا كنتي بتعاني في مذاكرتها مع العلم ان الاحصاء سهلة جداً ومش رياااااااضة خالص بس انا بقولك برضو يمكن انتي كارهه اي شئ رياضة وهقولك على حاجة من واقع تجربة انا مخلص تالتة السنة دي علمي رياضة الاقتصاد مادة تحتاج لفهم , ثم حفظ والاحصاء مادة سهله جداً بس محتاجة فهم والامتحانات بتاعتها سهلة جداً بإذن الله وماحدش اتكلم على صعوبة امتحان الاحصاء إلا في سنة واحدة تقريباً |
انا علمي علوم والرياضه أنا بحبها .خلاص أنا هاخد اقتصاد واحصاء بس اه اللي حصل في السنة دي وكانت سنة كام؟
|
اقتباس:
سمعت إنها سنة 2008 وكان امتحان معقد |
بصى حسب ميولك تمام لو بتحبيالفهم البحت ادخلى اقتصاد واحصاء بس تكونى قد الاقتصاد والاحصاء وتدربي تدريب كويس جدا جدا جدا عليه بحيث ان امتحان الاقتصاد مياخدش منك الا نص ساعه والاحصاء نفس الكلام لان الامتحان بيجي اخر السنه الوقت ميكفيش الامتحان فلازم تدربي كويس جدا جدا جدا ودا طبعا سهل عليكي لانك بتحبي الفهم تمام واستخيري ربنا برده واهدى كده الموضوع مش مشتاهل روقى خالص واهدى كده وتاكدى ان ربنا مش هيوفقك الا للى فيه الخير انشاء الله وادعى ربنا تمام اما بالنسبه لعلم النفس هو سهل جدا اصلا مش مستاهل فهم ولا اى حاجه دى معلومات وبتعرفيها زى نظرى الكيمياء كده في ايه فهم وعلم الاجتماع هايف جدا جدا جدا باى حال من الاحوال للى بيحب الفهم او الحفظ علم النفس اسهل بكتييير وبيلم درجات وانتى ايه في مصلحتك الا الى بيلم درجات ودول 50 درجه وعلى العموم اقصاد واحصاء كويس للى بيحب الفهم بس مشكلته انك ممكن لاقدر الله تتلغبطى في حل مسئله مساله يكون شكلها من برة حاجه ولكن فكرتها حاجه تانيه كده كمان بيتفزلكوا اوى في امتحانات الاقتصاد والاحصاء انما علم النفس هيتفزلك في ايه ده ماده عبيطه وزمن الامتحان اخر السنه بيبقي كبير انا قلتلك على الاتنين وانتى اختارى وادعى ربنا علم نفس حلو اقتصاد واحصاء حلو ومتخافيش خالص
|
اقتباس:
لعب ف الاحصا شوية وجاب مسالة اللى حلها بالفرض جاب48 واللى حلها بطريقة تانية كده جاب43 ده اللى سمعته وده كان اصعب امتحان احصا بس الحمدلله اختى جابت 48فيها وهى دلوقتى ف هندسة اما انا فاخدت علم نفس عشان مضمون شوية وكمان البنات اللى معايا واخدينه بس شايفة ان الاتنين زى بعض توكلى على الله وخدى اللى انتى اخترتيه ومش تسالى كتير عشان مش تتلخبطى |
بصى المادتين اسهل من بعض
لكن الاحصاء لعب فيها سنة 2006 و 2008 وفى طلبة كتير ضاعت علشان كده فى السنين دى المضمون علم النفس مادة مباشرة جدا ومش محتاجة اى مجهود وبالنسبة لحفظها انتى لو راجعتى عليها كذا مرة هتبقى خلصت بالنسبة ليكى خلاص وربنا يوفقك يااااااااااااااااااا رب |
توكلى على الله
وخدى علم نفس مادة ان شاء الله تكون مضمونة ربنا يوفقك |
اقتصاااااااد واحصاااااااء سهله جدااااااااااا
|
| جميع الأوقات بتوقيت GMT +2. الساعة الآن 08:52 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.