|
هو مفيش حد دخل فنون عمارة غيرى والا ايه ؟؟
السلام عليكم ورحمه الله انا حاسس باكتئاب شديد والله يا جماعة ... لغاية دلوقت مشفتش واحد بس اترشح لفنون جميلة عمارة حلوان حاسس بأنى دخلت كلية فاشلة .. مع انى مقتنع بيها لكن طبعا بقول الحمد لله فى الاول والاخر ... وياريت اى حد اترشح للكلية دى يدخل علطول يشارك هقعد هنا لوحدى والا ايه ؟؟ :d |
انا قاعد معاك اهو يا بشمهندس
انا عمارة برضه بص ضيفني على omar_st59 * ياهوو عشان نبقى نتقابل بقى |
بعد اذنك ياريت تقولى ايه الاجراءات اللى عملتها علشان انا عاوزة اروح امتحن قدرات بكرة وعاوزة اعرف المكان لانى مش من القاهرة وهل الامتحان فى نفس اليوم اللى بنسحب فيه الاستمارات والامتحان بيكون على ايه؟ونظامه ايه وهل بيكون فى كل الاقسام ولا عمارة بس يعنى هامتحن رسم والحاجات دى ولا ايه ...............ارجو الرد سريعا الله يكرمكم
|
بصي يا انسه
دلوقتي انا رحت المدينة الجامعية في جامعة القاهرة و سحبت استمارة عشان اتقدم للاختبار و على طول رحت الكلية و هما مضولي و لزقت طابع كده و حددولي معاد الامتحان و خدوا الاستمارة و بس على فكرة معاد الامتحان ممكن تختاريه براحتك , بس اعتقد مينفعش في نفس اليوم بالنسبة للامتحان انا الامتحان جالي كالتالي السؤال الاولى قاللي ارسم احد الميادين اللي بيطل عليها بعض العمارات و المحلات , ده منظور طبعاً و السؤال الثاني جاب لي 4 صور و قاللي اختار اتنين و اتكلم عليهم من حيث الطراز و شوية حاجات كده , كان منهم هرم سقارة و جامع محمد علي و بس النتيجة كانت ظهرت تاني يوم بعد الامتحان على طول بس هي دي الحكاية اي سؤال انا موجود |
جزاك الله خيرا .........بس السؤال دلوقتى انى لاقيت للاسف ان الفنون الجميلة جامعة حلوان واخده النهارده من 385 وانا جايبة 297.5...فهل هى بتعتمد على التنسيق والا النجاح فى الاختبار ؟؟؟؟؟؟؟؟ومش مكتوب اى كلية فنون جميلة تانية مرحلة اولى .....هل فيه كليات تانية فنون جميلة اعتقد فيه اسكندرية ودمياط والمنصورة فمش عارفه هينزلوا مرحلة تانية ولا لا ؟؟؟؟؟؟؟؟؟؟؟؟؟؟؟ولو كده اروح امتحن انا فين بقى دلوقتى ولا كده خلاص ضااااااااااااااااااااااااااعت
|
هي بتعتمد على المجموع و في نفس الوقت الاختبار برضه , لازم الاتنين مع بعض
للأسف مجموعك ميدخلش فنون جميلة عمارة , لكن بالنسبة لقسم الفنون فأنا مش عارف تجيب ولا لا مع العلم انه بياخد اقل من العمارة بنسبة |
سيتم الاضافة حالا ... اخيرا لقيت حد معايا :022yb4: |
يا بشمهندسين ... انا داخل تانية عمارة ... اي استفسار انا موجود
و ويلكم بمعماريو المستقبل :) |
يا باش مهندس زاكو هو فنون عمارة اسكندرية نزلت مرلحة تانية ولا ايه ؟؟ وكمان فنون عمارة فى محافظات الجمهورية ايه اللى نزل مرحلة تانية علشان صاحبتى عايزه اسأل لها بارك الله فيك |
فنون جميلة عمارة اسكندرية نزلت مرحلة تانية فيها حوالي 14 مقعد يعني احتمال كبير تقفل 384.5
اما المنيا لسة حوالي 60-65 مقعد تقريبا و هتقفل ف حدود 383.5-384.... فنون جميلة عمارة علي مستوي الجمهورية (حلوان و الاسكندرية و المنيا ) ----- بس ف هيا تكتب فنون جميلة عمارة اسكندرية و بعدين فنون جميلة عمارة المنيا و ان شاء الله تجيلها و بعدين تعمل تحويل مناظر 10 ف المية من عالنت لا قدر الله متقبلش في تحويل و رقي بفلوس و تحول فنون جميلة عمارة حلوان ان شاء الله |
اقتباس:
بارك الله فيك يا باش مهندس زاكو هى جايبة بالظبط 384.5 شكرااااا على الافادة |
طيب بعد اذن حضرتك يا باشمهندس بالنسبة لقسم الفنون مش عمارة بياخد من كام .....انا جايبة 92.4
|
اقتباس:
كلية الهندسة افضل من كلية الفنون الجميلة في ايه ؟! |
| جميع الأوقات بتوقيت GMT +2. الساعة الآن 11:55 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.