حاسبات ولا حقوق انجلش ؟؟؟؟؟؟؟
 

يا جماعة أنا عرفت ان فاضل 8 كليات حاسبات نازلين مرحل تانية وأنا جايبة 91.7 بس دلوقتى بابايا بيقولى أكتب حقوق انجلش الأول قالى لو جبتى تقدير كل سنة هاعرف أخليكى تشتغلى لأن هوا مستشار وكدة وفيه ناس قالتلى متضيعيش فرصة حاسبات واكتبى كل حاسبات الأول بس انا خايفة تجيلى مثلا حاسبات بعيدة ومعرفش احول أو يبقى فيه صعوبة ف التحويل ... وممكن أصلا مجموعى وده احتمال كبير ميلحقش حاسبات بس مستخسرة مكتبهاش الأول ياريت حد عنده خبرة يفيدنى تنصحونى أكتب ايه الأول حاسبات ولا حقوق انجلش ؟؟؟؟؟؟؟

طبعا دى حاجة ترجعلك انتى ميولك ايه
انا جايب 98.2 علمى علوم يعنى اجيب طب عين شمس بس كتبت حقوق انجلش

والله حضرتك يعني زي ما الاستاذ ميدو قال
كله بيتوقف علي ميول حضرتك ايه
شوفي حضرتك مياله لايه اكتر وكان في مخك ايه من الاول
وربنا يوفق الجميع

طب انا جايب 91.5 ممكن الحق حاسبات اسماعيليه ؟ اصل محدش بيرد عليا
والقسم اللي في حاسبات عين شمس اللي بفلوس لو مجموعي اقل من الكليه ب 1% ينفع ادخله؟

والله معرفش بالضبط بس اتمني ان حضرتك تلحق انا كمان جايب قريب منك 92.7 وربنا يستر ويقدم اللي فيه الخير

ألمشكلة ان أنا كانت ميولى كلها هندسة عمارة بس دلوقتى المجموع اللى بيحكمنى لكن أنا مش حابة ولا حقوق ولا حاسبات

كليتين مختلفين تماماً عن بعض ومفيش أي وجه للمقارنة بينهم
زي ما اللي قبلي قال الموضوع كله بيتوقف على الميول
ولو انتي كنت عايزة هندسة فأنا شايف إن حاسبات أقرب للهندسة من الحقوق لأنها كلية علمية

احسن حاجة تعمليها انك تستخيرى ربنا وهو باذن الله هيهديكى للى فيه الخير وبالتوفيت ان شاء الله

انا مجموعى يا نسمه 89.15 % و بعد التنسيق اللى شوفته النهارده ده فقدت الامل بشكل كامل .. اكيد حاسبات مش هتيجى لسبب واحد ان باقى 10 كليات منها و اصلا ال 10 كليات دول فيهم ناس بس لسه مكملوش و مكتوب على الدستور ان فاضل فيهم 200 مكان بس .. يبقى الامل فى تجارة انجلش وحقوق انجلش و عربى و العلوم و كده اى اقاليم و خلاص ... انا اختى دكتورة قالتلى كلام عجبنى اوى .. قالتلى بص يا محمد لو مش عاوز علوم ( و لو انى شاكك انها تجيلى اصلا ) .. ادخل كلية سهله زى تجارة حتى لو عربى و اكون متميز و اجيب امتيازات و احقق نجااااح كبير و عندى امثله كتيير على ناس كانوا فى تجارة حتى و بقوا انجح من المهندسين .. النجاح مش النجاح فى هندسه او طب .. النجاح انك تنجح فى المكان اللى هتختار تدخله مهما كان .. و ربنا هيدينا رمضان داخل علينا و دعوة الصائم مستجااابه يااااااااااااارب

ياااااااااااااااااااااااااااااااااااااااااااااارب .. دى تربية بنى سويف واخدة 90% أنا ذهلت !!!!!!!!! وقالولى كل كليات حقوق انجلش قفلت فاضل بتاع بنى سويف مش عارفة الكلام ده صح ولا غلط ربنا يستر

والله كلام منطقي وهو ده الصح
بس حضرتك عارف كده لما تبقي عندك امل في حاجه معينه وانت بتحبها وما تيجيش احساس مش حلو بس انا بقول اكيد ربنا شايل لي حاجه احسن وربنا يقدم اللي فيه الخير

صح ده الحل الوحيد أنا بس عايزة أعرف أكتب ايه الأول لكن كل اللى يجيبه ربنا كويس .. ثانكس على النصيحة ربنا يوفقك

بس أنا كنت حابة هندسة بس عمرى حتى مفكرت ف هندسة قسم حاسبات يعنى مش حابة البرمجة والحاجات دى.. ربنا يقدم اللى فيه الخير