محتااااااااااااااااار جدا فى الرغبات
 

انا جايب 91.7 و انا عارف انى هندسة مش جاية و انا هكتب كل الهندسات و انا كنت عايز ادخل تجارو انجلش و انا مجموعى فى الانجليزى 39.5 و انا سمعت انى بكتبها فى التنسيق مش تنسيق داخلى زى السنن اللى فاتت و انا مش عارف ينفغ هكتبه و هما بيولوا اى حاجة انجلش بتجى بالمجموع الاعتبارى ارجو التوضح
و ممكن تقوللى ادخل اى كلية

اصلا الهندسة خلصت مرحلة اولى و مش نازلة مرحلة تانية و كنت بادعى تنزل بس خلاص الحمد لله

انا اسف والله بس افتح دليل التنسيق يا باشا هتلاقى مكتوب بالنسبه لكليات التجارة انجلش و جقوق انجلش شرط انت تحصل على 80 % من درجة الانجلش فيما فوق يعنى تجيب 40 فيما فوق ... و بردو اسال تانى و ربنا يوفقك فى كلية حلوه ان شاء الله انت و كل اللى تعبواا

طب ممكن حد يقولى صحيح تجارة انجلش لازم اكون جايب 40 فى الانجليزى ماينفعش 39.5

أنا نفس مجموعك بالملى
أنا هاكتب :
حقوق انجلش بنى سويف
حاسبات الفيوم > لو نفع <
وبعدين الأقاليم بتاعة حقوق
وبعدين الأقاليم بتاعة حسبات
وبعدين تجارة انجلش
والباقى بقى ربنا يسهل هاكتب أى حاجة

أعتقد ف تجارة خصوصا أه وكمان فيه سنة خدوا 45 درجة انجلش

يعنى ما ادخلش تجارة انجلش عشان نصف درجة هما بيقولوا 80% فى درجة الانجليزى و انا جايب 39.5 و هما بيقولوا 40 ازاى
اموت نفسى يعنى و لا هندسة ولا تجارة انجلش مافيش اتصل بمكتب التنسيق و لا التماس ولا اى حاجة

يا جمااااااااااااااااااااعه مكتوب فى دليل الكليات عام 2011 للقبول بتجارة انجلش ( فى موقع التنسيق الكلام ده ) الا تقل درجة الانجلش عن 40 من 50

و ده لينك على كلامى من موقع التنسيق فيه الشروط و المصاريف و كليه
http://tansik.egypt.gov.eg/application/Dalel/5-4.htm

انا اسف والله لو كلامى دايق حد اسف كمان مرة بس لازم ناخد الامر بواقعية و نفكر ايه هنكتبه وهييجى و ايه هنكتبه و مش هييجى
ور بنا يوفق الكل فى اللى نفسه فيه يارب

والله مش عارفة بس ياريت حد يعرف يفيدك أكتر منى
بس كدة كدة اكتبها ف الرغبات واعمل اللى عليك ... وربنا يوفقك

وبعدين عايزة أقولك حاجة لو مش انجلش يبقى عربى ابقى خد قرصات انجلش مثلا ف مجالك

يا باشا ان ما شاء الله مجموعك جميل و شكلك حد مجتهد بس اتصل بيهم .. مع انى معتقدش هيقولك لو على نص درجة في ناس جايبين اعلى منك بنص درجة و يستحقوها بردووو .. و ربنا يكرمك يارب ان الله لا يضيع اجر من احسن عملا.. وربنا اللى اداك المجموع ده مش هينساك اكيد و هيسهلك الامور من حيث لا تعلم .. قول يارب