القدراااات الحقونى بسرعة لو سمحتم
 

يا جماعة انا من اسكندرية وعايزة سياحة وفنادق تعليم مفتوح عشان انا مجموعى مش كبير
المهم مكنتش عارفة ان فى امتحان قدرات وسمعت النهاردة انه اتمد ل 6 اغسطس الحمد لله
دلوقتى انا معنديش فكرة اعمل ايه خالص
يعنى اروح اقدم للقدرات دة فين ؟؟ اروح مبنى الكلية ولا مكتب التنسيق
و امتحان القدرات دة بيكون عبارة عن ايه ؟؟؟؟

قولولى اعمل ايه لو سمحتم عشان خلاص مفيش وقت المرحلة التانية هتبدأ يوم الثلاثاء
ساعدونى بليييييييز

روحي بكرة قدمي ورقك رقم الجلوس والشهادة والكلام دة و 100 جنيه وهيسالوكي اسئلة بالانجليزي وان شاء الله تنجحي ودوري هنا في القسم دة هتلاقي مواضيع مفيدة اكتر

تروح التنسيق تسحب الملف ب25 جنيه وهناك حيقول لك روح الكلية يوم كذا وحتدفع 100 جنيه فى الكليه وحتدخل تحضر المقابلة حيسال فيها انك تعرف نفسك وهويتك وعايز سياحة ليه كل ده بالانجلش ويسالوك عن العملات وعايز مين رئيس جمهورية والمعالم السياحية

وان شاء الله بالتوفيق والنجاح زى انا منجحت ودخلت الكلية

حتصورى رقم الجلوس صورتين وتاخذ الاصل والصور و2 صورة شخصية و صورة البطاقة

انا لما روحت لسياحة وفنادق حلوان ...جيبت استمارة القدرات الاول من مكتب التنسيق فى المدينه الجامعيه بالقاهره...وتانى يوم رحت على الكليه
اما عن امتحان القدرات فمتقلقيش كل الناس بتعدى فيه
وانا الدكتور سألنى سؤالين اتنين بالعربى
مين هو الامين العام للامم المتحدة؟
والحرب العالميه التانيه بدأت امتى؟
ده طبعا بعد مابتقدمى نفسك بالانجلش

شكرا جدا جدا يا جماعة على المساعدة مش عارفة اقولكم ايه
بس عندى سؤال لما اروح بكرة مكتب التنسيق الاول عشان اسحب الملف وادفع 25 جنيه مش هيطلبوا ياخدوا منى اى حاجة
يعنى رقم جلوس او صورة شخصية وكدة ؟ ولا دول بس هيطلبوهم منى لما اروح معاد الامتحان ادفع ال100 جنيه والصورتين الشخصية ورقم الجلوس ؟؟

معلش تعبتكم معايا وعندى سؤال كمان مفيش اى حاجة اقدر اذاكر منها الاسئلة المحتملة فى الامتحان ؟
انا كويسة فى الانجلش بس المعلومات العامة مش كتير اوى اعمل ايه

لا لم تروحى تسحبى استمارة قدرة هتاخدى معاكى صورة لرقم الجلوس وصورة شخصية ليكى ولم تروحى الاختبار هتاخد صورتين لرقم الجلوس وصورتين ليكى ويارب افيدك ربنا معاكى وابقى طمنينا عليكى

انا سحبت استمارت قدرات واتكتبلي فيها ان ميعاد الاختبار يوم 1/8/2011 بس ف بنت هناك قالتلي ان معاد سياحه وفتادق يوم 3/8/2011 ممكن الرد بسرعه اعمل ايه ؟؟؟؟؟؟؟؟؟؟؟؟؟؟

ممكن اي حد موجود يرد عليا بسرعه لو سمحت !!!!!!!!!!!!! بليييييز

فى بكرة كمان ان شاء الله

انا عندى بكرة

ياجماعه انا هموت من القلق انا امتحاني يوم 3/8 ؟ ممكن حد يقولي ايه اللي هيحصل ؟وهل انا ممكن منجحش بجد انا جايبه ف الانجليزي 46 وف التاريخ 47 وبحب اللغتات جداااااااا بس برده قلقانه بليييز حد يرد