لغز .. تحدى (1) .. تم الحل من قبل mark magdy
 

هذا اللغز نقلته إليكم من موقع أجنبى بعد إعادة صياغة .. أرجو أن ينال إعجابكم

"فى أتوبيس .. قرر سعيد أنه يعمل استطلاع عشان يعرف عدد الأهلاوية وعدد الزملكاوية فى الأتوبيس ;) .. سأل أول واحد قال له : أنا أهلاوى ، ولما سأل الشخص التانى قال له : أنا أهلاوى بس اللى قبلى زملكاوى مش أهلاوى .. وعلى كده كل ما يسأل واحد يقوله : أنا أهلاوى بس اللى قبلى زملكاوى مش أهلاوى .. وبعد ما سألهم كلهم قال أول واحد فيهم : الراجل الأخير ده زملكاوى مش أهلاوى ...

يعنى كل واحد قال أنا أهلاوى ، وكل واحد اتقال عليه انه زملكاوى مش اهلاوى ..

فارتبك سعيد وقرر انه يسأل شوية منهم عن عدد الأهلاوية فى الأتوبيس

سأل واحد اسمه أحمد قال : 19 واحد

ولما سأل سادس واحد بعد أحمد قال :28 واحد

ولما سأل واحد اسمه أيمن قال : 19

ولما سأل خامس واحد بعد أيمن قال : 24

سأل واحد اسمه ممدوح قاله : 30 واحد

ولما سأل رابع واحد بعد ممدوح قاله : 12 واحد

لو عرفت ان كل واحد من اللى راكبين الاتوبيس اما اهلاوى او زملكاوى يعنى مفيش احتمال تالت
ولو عرفت ان الاهلاوى بس هو اللى بيقول الحقيقة ;) ..
قل لنا بقى كم واحد أهلاوى فى الأتوبيس ؟؟؟؟

هيا لو بالذكااء إما يطلعو كلهم اهلاويه او زملكاويه..

بس يممكن يكوون وواحد بس !!

اعتقد ولا واحد اهلاوى لأن الاهلاوى مبيكدبش وكلهم كدبوا بعض فكلهم زملكاوية
مجرد تخمين ياريت تقولنا الاجابة الصحيحة

على فكرة مش اقصد ان الزملكاوية كدابين لالالالا
ابدا انا بس بقول حسب الفزورة

ههههههههه .. لا مش صحيح

فية 24 واحد اهلاوي في الاتوبيس

بس خلى بالك تكذيب الكاذب صدق .. :d

فعلا هم 24 .. بس المهم طريقة الحل .. ولا انت اخترت حادى بادى كرنب زبادى .. ههههههه

مستنى حلك

هههههههههههه
لا يا باشا ماخترتش حادي بادي
الفكرة ان بعد كل زملكاوي فية اهلاوي
و لما بتقدم بفرق عدد زوجي (4او 6)
بيبقي الراكب بيشجع نفس فريقك
انما لما تقدم عدد فردي (زي 5)يبقي بيشجع فريق غير فريقك
و بما ان الارقام بين احمد و اللي بعدة ب6 و ممدوح و اللي بعدة باربعة مختلفة يبقي هما كدابين و زملكاوية
لكن اللي فية بينهم فرق هما احمد واللي بعدة يبقي بالتالي واحد من الرقمين دول صح
لكن احمد و ايمن (اللي احنا عارفين انة كداب)قالوا 19 يبقي الاجابة
24

برافو عليك يا معلم .. بجد برافو .. فعلا إجابتك صح مية مية ..

استنوا لغز تانى .. بعد قليل

هههههههههههههه

دنآ لو قعدت ميه سنه ونص ما هعرف احله

اللغز بيكون تافه بعد الحـل هههه

بس لغز حلو تسلم الايادي يا معلم

24 أهلاوي
أولا لابد يكون العدد زوجي لأنها متسلسلة واحد بيكدب واللي بعده مبيكدبش النصف أهلي والنصف زمالك
وعليه اللي ٌقالوا 19 كدابين " زملكاوية" الإجابة 24 لأن أيمن قال 19 وهو كاذب " زملكاوي " يبقى الأول اللي بعده أهلاوي والثاني اللي بعده زملكاوي و............. والخامس أهلاوي بيقول الحقيقة قال 24 وهو صادق
إجابة ممدوح 30 والرابع اللي بعده 12 مش ممكن تكون صحيحة والسبب :
إما الاثنين أهلاوية بالتسلسل الاثنين صادقين ؛ الاجابتين مختلفين .......... مستبعدة أو
الثنين زملكاوية وبالتالي الاثنين إجابتهم كاذبة
توضيح:
كامل احترامي للزملكاوية أنا باحبهم و أحترمهم ولكن الأستاذ اللي عدل في المسابقة يقصد الاساءة لهم
وواضح إنه أهلاوي