|
بين بنات20 وبنات 30
السلام عليكم رمضان كريم للجميع لاحظت فى الفترة الاخيرة كذا موضوع يتكلم عن البنات والعنوسة والاخت الاكبر والاصغر فبصراحة حبيت انظر للموضوع المهم ده من وجهة نطر مختلفى شوية وهى العريس المنتظر العريس ده ايه مواصفاته بالنسبة لكى؟ طبعا كلنا فى سن الجامعة بتبقى مواصفاته كتيرة جدا واهمها تبادل الحب اولا من الطرفين بداية من سن ال25 وطالع للبنت تبدأ وجهة النظر تتغير نلاقيها بتدور على الامان وراحة البال والمعيشة الحلوة الغير مرهقة بداية من اواخر العشرينات (بعد 27سنة) تبدأ تدور على اى عريس وخلاص او بمعنى اصح فرصها فى انها ترتبط بفتى احلام سن الجامعة بتقل جدا تبدأ تتنازل ممكن ترضى بشخص كانت رفضاه من سنة سنة واحدة بس ليه؟ ليه بجد اى بنت بتحس بكده بدون احراج طبعا طب سؤال اخر هام ترضى وانتى مؤهل عال ترتبطى بشخص ذو مؤهل متوسط او مادون ذلك بس متدين وكويس ومستريحاله ترضى تتغاضى على فارق التعليم وكلام الناس وخاصة لو انتى بتشتغلى وسط مجتمع يعترف لوجود الطبقية وان المؤهلات تاخد زى بعض خاصة البنت متخودش واحد اقل منها لكن الشاب ياخد اقل منه فى المؤهل مش مشكل بالمرة سؤال لاخى ليه اغلبية الشباب الان تفضل تاخد البنت ذو مؤهل متوسط وتقعد فى البيت او حتى يفضل الشاب ذو 25 سنة فما فوق يرتبط ببنت لسه بتدرس فى الثانوية مثلا عشان يربيها على ايده مثلا؟ بجد تساؤلات كتيرة جدا تدور حول الموضوع ده ليه انا بقى بقوله الان؟ لان لى صديقة قاربت على سن ال33 سنة بلا زواج قالت لى جملة وجعتنى جدا عن حالها ومن مثلها قالت لى : انا ومن مثلى عبارة عن حبة مياة فى اخر زجاجة مياة الواحد ينظر لها يا اما يكمل عليها ويشرب ( وده نادر جدا ) والاغلبية ترمى حبة المياه دول وتشطف الزجاجة وتملاها من جديد الان انا منتظرة شخص فاق الاربعين لاكمل حياتى معه لان ابن الثلاثين (ابن سنى ) هيدور على بنت العشرين يارب تكون الفكرة وصلت عاوزة ارائكم فعلا لو انتى مؤهل عال وجالك عريس فى سن معين ليكى مؤهل متوسط بس مستريحاله جدا وطيب وكويس ترضى بيه ولا هتستنى وتقولى بكرة ربنا يكرمنى بالافضل؟ هل هتضعى المؤهل حاجز امامك؟ ويكونلك مبدأ من الاول كده مش هاخد حد اقل منى فى المؤهل وتفضلى عليه عمرك كله طبعا اولا واخيرا الارتباط ده رزق من عند الله مكتوب لنا من قبل ما نتولد |
الزواج عقد أبدى يظل الانسان معه طوال حياته فلابد من التفكير ألف مرة حتى لانلجأ للطلاق وما أكثر مشاكله الزوج لو مؤهل متوسط وانسان رااااااااااااااااااااااااااااجل بيتحمل مسؤلية وبيخاف عليا وبيحبنى ويحترمنى يبقى أرفضه علشان المؤهل؟؟ وفيه شباب كتير بيتعلموا من الحياة خبرات وثقافات أكتر من اللى اخدوا شهادات جامعية ولاسيما كمان لو كان دخله كويس يبقى مجرد مسمى بس هطلبه ده خريج ايه ؟؟وقعد كام سنة يدرس؟؟ وتقديره كان ايه؟؟؟؟ أنا إنسانة هرتبط بإنسان عاوزاه راجل وشهم وطيب ويعرف ربنا مش عاوزة شهاده التخرج بتاعته أقدمله بيها فى القوى العاملة شكرآ ع الموضوع |
علي فكره موضوع مميز جدددددددا
انا حكلم عن البنت من واقع اللي حولي .البنت زي الولد في التفكير فيه ولد بيبقي ايجابي ومش بيفكر في الزواج من اي واحده حلوه وخلاص بتطور الموضوع انه يعرف شخصيتها ويقتنع ويصر عليها وفيه شاب واخد الموضوع فانتازيا قبل الزواج وبعد الزواج كان الهدف الشكل والسن عشان يطويها وبعد الجواز دايما طفشان وليه علاقات اخري كذلك البنت فيه اللي اتربت علي اني اعيش حياتي عادي ومفيش حاجه توقفني عن اهدافي اذا ظهر شاب يصوني وعلي قدر من الشجاعه والذكاء اكمل معه حياتي وان لم يظهر فعدم الزواج افضل بكل الطرق وهناك كوارث كثيره حصلت لبنات في سن العشرينات ومطلقات ولهم اولاد ايضا وهناك من تربت علي عدم تشغيل مخها نهائيا هي تريد مؤهل عالي تتعلم عشان تاخد مؤهل عالي هي كمان ولازم اجوز بعد الدراسه ده التطور الطبيعي للحاجه الساقعه :p ولو محصلش البيت كله يبقي في قلق وهي تبقي في مصيبه :d وجهات نظر;) طيب بالنسبه للمؤهلات انا شايفه الراجل اللي بياخد بنت اقل منه في المستوي الثقافي فقط ليصبح هو المسيطر هذا ضعف شخصيه منه وعدم ثقه في نفسه .فهذه رؤيته لنفسه من داخله هناك مشكله تواجهه او طريقه تربيه معينه اما الفتاه التي تقول انها بلغت 33 فأقول لها اولا .......... ان الحياه الاقتصاديه في مصر هي من فعلت ذلك فالبنت والولد اصبحا عليهم هعباء كثيره حتي لو قلنا هناك تساهل من الطرفين يعني هي مشكله عامه وقد سالتني سيده عجوز تقول لي انها تؤثر عليكي انت كبنت ولا تؤثر عليه لانه ولد !!!!!!! فقلت لها لماذا الولد ايضا عندما يزداد سنه في هذا الوضع وامكنياته قليله كما هي يصبح غير مرغوب بطريقه او اخري .فلم تفهمني :o فقلت لها ببساطه اذا تزوج شاب في عمر 40 سنه بامكنيات شاب في 30 ما مصير ابنه ؟ومتي سينجب ليربي هذا الطفل ؟ اي المسأله متكفأه من هذا المنطلق ولان يعيش الشاب &الفتاه .حياه هنيئه بانسجام افضل بكثير من اوهام وجهل وتخلف يحيط بهم من انفسهم قبل الاخريين وتكون عيشه مهينه جدددددددددددا ويحدث بعدها اما طلاق او انفصال من غير طلاق وهو الاصعب ليصبح&او تصبح احياء اموات ::blush: فالاختيار صعب لكلا الاثنين |
اقتباس:
مشكورة للمرور |
اقتباس:
وانا عن تجربة شخصية لصديقة لى لابد من توافر عامل القبول المبدئى للشخصية مش مسألة توافر امكانيات وبس مشكورة للمرور |
المشاركة الأصلية كتبت بواسطة كنارة الحب الحزينة http://www.thanwya.com/vb/life/buttons/viewpost.gif
السلام عليكم ورحمة الله وبركاته اولا احب ان احيكى على هذا الموضوع اجابه أسألتك كلها بالنسبالى كلمه واحده آماااااااااااااااااااااااااااااااااااان مش عايزه واحد حلو مش عايزه واحد غنى مش عايزه واحد عنده أمكانيات عايزه انسان فقط نتعب انا وهو مع بعض ونحقق كل حاجه مع بعض اكيد هانحس بقيمه الحاجه أكتر وهاتبقى غاليه علينا أكتر عارفه اهم حاجه انه يقدر يحسسنى بالامان ودى فعلا مشكلتى مش بحس بالامان مع الناس بسهوله عايزه أقابل الشخص اللى أمشى معاه وانا شايفه بعنيه حاسه بقلبه عايزه أشوف الحاجه زى ما هو بيشوفها لو لقيته هامشى وانا باصه فى عنيه هاشوف كل حاجه جوه عنيه وهاأحس كل حاجه جوه قلبه مش قلقانه من بكره معاه مدام معاه هاقدر على أى حاجه تعرفى أحساس الانسان وهو مغمض عنيه اكيد هايبقى خايف لكن لو معاك انسان حاسس معاه بالامان هاتفرق انت فى الحالتين مغمض بس مره خايف وانت لوحدك ومره تانيه معاك واحد اما هايزيد من الخوف فى حاله عدم الثقه فى الشخص او هاتحس بالراحه فى حاله الشعور بالامان تعرفى يمكن أكون قابلت ناس كتير بس مافيش حد قدر فيهم يطمن قلبى ياجماعه لازم ندور على احساس بالامان بدون أى شروط أخرى طب هاقولك انا مره حبنى وحد ( ابكم ) يعنى مش بيتكلم يمكن يكون مش بيقول كلام مسموع بس قال كلام كتير محسوس لانه كان بيتكلم بنبض قلبه الصراحه حسيت معاه أقوى بالامان من عنيه بس هو مش كان عايز يظلمنى معاه ويمكن تكون دى المرة الوحيده اللى حاسيت فيها بالامان وانا شايفه ان هو ده الشرط اللى كل بنت لازم تتمسك بيه امان يعنى حب سعاده راحه حنيه طيبه رومانسيه كل حاجه تتخيليها على فكره يمكن اللى حوليا شايفين انى صغيره بس انا حاسه انى قادره احدد انا عايزه ايه انا كنت بفضفض مع نفسى اقتباس: المشاركة الأصلية كتبت بواسطة aleman http://www.thanwya.com/vb/life/buttons/viewpost.gif فعلا الامان مطلوب طول والوقت بس ممكن تحسى بامان مع شخص امان فقط يعنى عارفة انه بيحبك ويخاف عليكى ويحميكى ويصونك بس انتى مش حاسة غير انه اخوكى فقط مش الشخص اللى ترتبطى بيه معرفش ليه الاحساس ده موجود لدى بعض البنات ممكن يكون زميل جامعه وانتى بتعامليه عادى خالص ولكن هو بيحيك ونفسه يرتبط بيكى وانتى بتحبيه كأخ وممكن ترشحيه لاى واحدة صديقة عزيزة عليكى كزوج لكن اما يقولك انتى اللى عاوز ارتبط بيها تتلجلجى ومتعرفيش تردى وتتهربى لانك مش عارفة تعتذريره ازاى فعلا القبول عامل اساسى بجانب الامان انا لى صديقات فوق ال40 الثلاثة لهم مشاكلهم الخاصة واحدة طلقت من اول شهرين والاثنين الاخريات يمكن مشاكلهم مع ازواجهم اكبر بكتير بس مستحملين اما سألتها قالت لى انا محبتش زوجى ولاهو حبنى كان الزواج عبارة عن صالونات بحت مامته شافتى عجبتها جاه هو اتخطبنا اتجوزنا وكان فوق الممتاز مؤهل شقة حياة امنة اما الاثنين الاخريات تزوجوا عن حب والحب ده هو اللى معيشهم للان مستحملين مشكورة للمرورة يا كنارة |
موضوع رائع وواقعى
وهذا رأيي فى الصفات التي يجب ان تختارها المرأة في الزوج لقوله تعالى {وَلَعَبْدٌ مُّؤْمِنٌ خَيْرٌ مِّن مُّشْرِكٍ وَلَوْ أَعْجَبَكُمْ } ( البقرة 221 ) حديث أبي هريرة أن رسول الله قال: " إذا أتاكم من ترضون دينه وخُلُقه فزَّوجوه إلا تفعلوه تكن فتنة في الأرض وفساد عريض ". 2- أن يكون حاملاً لقدر من كتاب الله عزَّ وجلَّ 3- أن يكون من بيئة كريمة 4- أن يكون رفيقاً لطيفاً بأهله ( حسن الخلق) 5- أن يكون مستطيعاً للباءة بنوعيها 6- أن يكون قوياً أميناً قال تعالى : {قَالَتْ إِحْدَاهُمَا يَا أَبَتِ اسْتَأْجِرْهُ إِنَّ خَيْرَ مَنِ اسْتَأْجَرْتَ الْقَوِيُّ الْأَمِينُ }( القصص 26) 7- أن يكون كفؤاً واحذري هذا النوع من الرجال 1) احذري الفاسق 2) احذري العقيم 3) احذري الضرَّاب للنساء 4) احذري دميم الخِلقة 5) احذري من به عيب مُنفر أو مرض ساري أو عِلة معدية 6) - المُخنث المتشبه بالنساء . 7) - الذي يتزوجك لجمالك ، فإنه إذا رأى أجمل منك تركك وذهب إليها . 8) - شارب الخمر أو المخدرات أو السجائر . 9) - آكل الربا ( والذي يتعامل بالفوائد الربوية ) . 10) - المُرتشي . 11) - تارك الصلاة . 12) - احذري البخيل . 13) - احذري الديوث الذي يقر الخبث في أهل بيته ويسمح لهم بالتبرج ويأتي بآلات اللهو والمعازف |
اقتباس:
والله يا اخى محمد الصفات اللى حضرتك قولتها ياريت تتواجد الان فى شخص واحد او نصفها اما عن صفات الرجل المختار اللى عرفته من زميلاتى بقى ان ده لايبان فى فترة الخطوبة وانما كله يظهر بعد الزواج مع انى للان مش مقتنعة ان ممكن رجل يتقلب ولا يظهر اثناء الخطوبة ازاى؟ اكيد بتبان حاجات بس البنت بتطنش وتدارى وتقول بكرة يتغير او مش مشكل وتفاجأ بعد الزواج بالتغير ده مشكور للمرور اخى الفاضل |
مش مهم المكان او الزمان و مش مهم المؤهل و الدراسة و مش مهم الشكل و الجمالالمهم الاخلاق و التدين و الراحة مع الطرف التاني
مش هقول ان الحمال ملوش قيمة بس الاهم الاخلاق و دا رأي ... |
كلام جميل وراى سليم
الاخلاق ثم الاخلاق مشكور المرور |
الدين عامل مهم
لوحصل مشكلة لاقدر الله بين الزوجين تدينهم يجعلهم يتفكروا ويتدبروا ويسامحوا بعض ومش يعندوا ولا كل واحد يتمسك برايه يعنى لو حدث خلاف مع الزوجة مثلا لوالزوج متدين الى حد ما حتى يعنى يذكرها بحديث لرسول الله اواية من القران وهى بالمثل مش الانين يقعدوا فى وش بعض ويعندوا مع بعض ;) ده عامل مهم ولازم يبقى فيه قبول وكل فرد يبقى عارف التانى قبل الزواج فى ظل رعاية من الاهلين وبالنسبة لسؤالك .. اعتقد ان الشاب عنده اعتقاد ان البنت اللى بتوصل لل25 وبعد ذلك بتبقى روقت D وكبرت G :d ومش كلهم طبعا بيفضل ان يرتبط ببنت خام يربيها هوه باه على مزاجه ;) والكلام ده حصل قدامى وده تفكير مش سليم لان ممكن يكون البنت لانها محترمة ومش بتعمل زى بنات كتير ومستنية اللى يقدرها صح واللى تستريح معاه مش واخدة الموضوع لعب وبعد كده تعيط وكل شىء قسمة ونصيب وربنا يرزق الجميع زوجات و ازواج صالحات وصالحين ;) شكرا ع الموضوع |
اقتباس:
الدين لو موجود يبقى خلاص حتى لو لم يتم الوفاق فى الزواج بيكون الانفصال بشكل مريح للطرفين لان كلاهما لن يغضب الله |
انا من راى بصراحه ان البنت ممكن ترضى بالولد اللى مؤهله متوسط ف حاله واحده لما تلاقى حاجه عنده تغطى ع موضوع المؤهل يعنى مينفعش هى ترتبط بولد معندوش مؤهل ولا عنده شغل وترتبط بيه لو اوكى بيشتغل شغل كويس ومعندوش مؤهل يبقى توافق عليه وشكرا ع الموضوع
|
اقتباس:
وهو ان البنت ممكن ترتبط برجل يحمل مؤهل اقل منها لكن يعوض ده دينيا وماديا واشياء اخرى كثيرة مشكورة للمرور |
اولا انا بشكر حضرتك على الموضوع الاكثر من رائع وطبعا الجواز ده نصيب فى الاول وفى الاخر اما بقا عن سؤال حضرتك هل ممكن ارضى بمؤهل اقل منى؟ والله المسأله مس مسأله مؤهل لأن دى فى نظرى مسأله شكليه فقط لكن اهم حاجه هيه ان الانسان اللى هرتبط بيه يكون بيتقى الله فيا ده اللى انا بتمناه:blush: انما عن ان بنت العشرين بتحلم بأنها تحب وتتحب اكيد الاغلبيه كده بس انا اهوه 19 سنه:blush: ومبفكرش كده بالعكس نفسى اتجوز جواز تقليدى مش اقصد بتقليدى ان واحده تجبلى عريس ولا شافنى ولا شوفته لأ انسان شافنى اعجب بيا جه يتقدم بس ده اللى بحلم بيه انما هحب واتحب والكلام ده:006et4: وفعلا عندك حق فى ان مواصفات البنت اللى بتحددها لشريك حياتها بتقل كل ما البنت بتكبر فى السن:excl: بس والله اللى بيصبر بينول وربنا يكرم جميع البنات بالازواج الصالحين آمين يارب العالمين انما بقا عن ان مثلا شاب فى ال30 ويبقا عايز واحده فى الثانويه العاميه والله حقه بس فرق السن ده كبير اوى:bosyht9: تقبلى مرورى:) |
| جميع الأوقات بتوقيت GMT +2. الساعة الآن 03:50 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.