لغز .. تحدى (2)
 

السلام عليكم ورحمة الله وبركاته

كل سنة وأنتم طيبون بمناسبة حلول شهر رمضان الكريم ..

وإليكم اللغز ..

ثلاثة أشخاص أحمد و إبراهيم و كريم .. كل منهم قال أربع عبارات عن رفيقيه الآخرين ..

قال أحمد :

- إبراهيم يدين لى بعشرة جنيهات .

- كريم يدين لى بخمسة جنيهات .

- كل كلام كريم صحيح .

- كل كلام إبراهيم خاطئ .

--------------------------------------

قال إبراهيم :

- أنا لا أدين بمال لأحمد .

- كريم يدين لى بسبعة جنيهات .

- أنا من القاهرة .

- كل كلام أحمد خاطئ .

--------------------------------------

قال كريم :

- أنا لا أدين بمال لأى شخص .

- إبراهيم من بورسعيد .

- أنا دائما أقول الصدق .

- إبراهيم قال عبارتين صحيحتين والأخريان خاطئتان .

--------------------------------------

إذا علمت أن أحدهم فقط هو من قال أربع عبارات صحيحة وصادقة .. فمن هو هذا الشخص ؟؟

ممكن يكون كريم

مع احترامى الشديد لردودكم .. ولكن المهم طريقة الحل ..

ومين اللى قالك ان كلام أحمد صح .. عشان تقيسى على أساسه .. عفوا .. حل خاطئ

أعيدى المحاولة ..

هو أحمد قال إن كل كلام كريم صحيح و كمان قال إن كريم مدين له بخمسة جنيهات و في نفس الوقت كريم قال إنه لا يدين بالمال لأي شخص فكدة يبقى أحمد كلامه خطأ يبقى كدة نستبعد أحمد

في حالة صدق كلام كريم : هو قال إن إبراهيم قال عبارتين صح و اتنين خطأ فمن كلامه يتضح إن الجملتين اللي قالهم إبراهيم خطأ هما إن كريم يدين له بسبعة جنيهات و إنه من القاهرة
فكدة يكون الجملتين التانيين صح و واحدة منهم بتقول إن كل كلام أحمد خاطئ و أحمد قال إن كلام كريم صحيح إذًا كلام كريم خاطئ

يبقى كدة استبعدنا كلام أحمد و كريم يبقى كلام إبراهيم كله صحيح
و هو كلامه مفيهوش تناقض في حاجة

الاجابه ان شاء الله ابراهيم
بص بقى
لو فرضنا ان كريم هو الصح
هنلاقى ابراهيم غلطان فى تلات جمل مش اتنين يبقى دى بايظه
ولو فرضنا ان احمد هو الصح هتلاقى عندك ان احمد قال كلام كريم كله صح
وبعدين انت عندك واحد بس هو اللى بيقول الصح
اذن الاجابه بتاعت ابراهيم هى الصح لان
فرض الاتنين التانين غلط يبقى التالته هى الصح
والله اعلم ويا رب تبقى صح د
وكفايه انى شغلت دماغى شويه
ويارب نلاقى عندك الغاز كتير

فعلا .. برافو عليكم .. الحل مظبوط مية مية ..

الفكرة إن احنا بنشوف كلام كل واحد فى التلاتة .. لو لقينا فيه تناقض يبقى بنستبعده .. هنلاقى كلام أحمد وكريم فيه تناقض أما كلام إبراهيم فمفيش فيه تناقض وسليم 100 % ..

شكرا للجميع