|
استفسار لمعلم حديث التخرج
من فضلكم عندى استفسار ودى اول مشاركة ليا ف المنتدى ده واردت وضع استفسارى هنا لما رأيته من موضوعات هامة جدآ ورائعة لكل معلم وتلميذ ايضآ فشكرآ جزيلآ لكل القائمين على هذا الموقع واتمنى قبولى معكم عضوة جديدة تتعلم منكم أنا تخرجت من كلية التربية جامعة عين شمس دفعة 2009 بيقدير جيد تعليم عام قسم لغة انجليزية لم اتقدم للعمل فى مدارس حكومية عملت عامان فى مدرسة خاصة واخذت خبرة جيده فى التدريس فى مجالى ومادتى والآن أريد العمل فى أى مدرسة حكومية ولا اعرف ماذا افعل؟؟؟؟؟؟ هل أتقدم لمديرية التربية والتعليم بالجيزة أم احدى اداراتها ام اذهب للمدارس وابحث عن احتياجها لمدرسين لغة انجليزية؟ علمآ بإننى من سكان محافظة الجيزة أرجو مساعدتى حيث ان عملى بالمدرسة الخاصة لم يعطينى خبرة فى مجال العمل الحكومى أو الالتحاق بمدرسى الأجر والعقد ولكم جزيل الشكر |
:040vk0:محدش ناوى يرد عليا؟؟:( |
بصى اللى اعرفه عندنا بالاسكندرية ان التقديم بيبقى فى وكالة الوزارة
وده للتعاقد كمعلم مساعد اما فيه تعاقدات حسب احتياجات كل مدرسة ودى اسمها تعاقد مجلس الامناء ودى لو محتاجة الشغل جدا والافضل طبعا لو تعاقدتى تبع وكالة الوزارة لتبقى فى السليم طبعا انتى محافظة ايه؟ |
ميرسى جدآ جدآ لردك ربنا يجازيكى خير أنا محافظة الجيزة وعاوزة حد يفيدنى ويقولى اقدم فى مديرية التربية والتعليم بالجيزة ولا أقدم فى الادارات ؟؟ ولو قدمت بيكون ازاى تفاصيل التقديم معلش انا أسئلتى كتير بس معنديش خبرة وعاوزة مساعدة من أعضاء المنتدى الأفاضل وكل عام وانتم بخير |
السلام عليكم
اعتقد انه لازم اعلان فى الاداره التابعه لكى يطلبون التعاقد مع معلمين مساعدين ,, فياريت تتابعى الاداره التعليميه او المديريه والله اعلم |
شكرآ جزيلآ للمعلم الأستاذ إن شاء الله هروح الادارة وأسأل |
87 مشاهدة و الردود 2 فقط؟؟؟؟؟؟؟؟؟؟؟؟؟ ألا يوجد هنا معلمين تابعين لمحافظة الجيزة غيرى؟:angry2::angry2: |
بصى يا nana المفروض فى الادارة التابعة لها تكون عاوزة مدرسين بالأجر الاول وبعد عام أو عامين المديرية تطلب من المديرية عمل عقود للمعلمين بالاجر ( بالحصة ) عقد معلم مساعد
يبقى أنتى المفروض تتابعى مع الادارة والللللللللللللللللللللللللللللله لو ليكى حد هناك يقولك الاخبار أول باول وعلى العموم ربنا معاكى ويوفقك - اسعى دايما وربنا يساعدك |
اقتباس:
متشكرة جدآ جدآ يا مستر خلاص بإذن ربنا هروح الادارة واسأل بس لازم تكون أقرب ادارة ولا ممكن كذا ادارة؟ يعنى اقرب ادارة جنوب الجيزة أسأل فيها بس ولا ممكن ادارة شمال وادارة الهرم والعمرانية......... وبشكرك مرة تانية على ردك |
| جميع الأوقات بتوقيت GMT +2. الساعة الآن 02:13 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.