تعليم مفتوح ام معهد خاص
 

انا تنسيق مرحلة تانية
وجايلي كليات تعليم مفتوح كتير في القائمة
هل لو انا لو دخلت كليةتعليم مفتوح من دول هل هتعامل زيي زي التعليم المفتوح العادي ولا هنبقي زي الانتساب
ثانيا انا بفاضل بين حقوق مفتوح واعلام مفتوح واداب مفتوح
هل شهادات الكليات دي معترف بيها وكويسة ولا اقدم معهد لغات خاص ترجمة احسن ؟
وليه اعلام مفتوح قاهرة مجاش ليا في التنسيق مجاش ليا غير جنوب الوادي و ج المنوفيه

على فكره التعليم المفتوح هو هو انتساااااااااااااااااااب والفرق هو المسمى ومافيش حاجه اسمها تعليم مفتوح عادى ومش عادى والشهاده معتمده طبعا زى اى كلية وبالنسبه لكلية الاعلام اكيد انت ملقتشهاش فى الرغبات بتاعتك لانها بتقبل من مجموع حوالى 85% وعموما انت اللى تقدر تقرر ميولك لايه اكتر معهد خاااص ولا تعليم مفتوح بس بالنسبه للمصاريف التعليم المفتوح ارخص
واى استفسار تانى انا تحت امر حضرتك طبعا

طيب ياغالي انا المعهد الخاص الي بسال عليه تخصص ترجمة فورية
هل الاحسن المعهد ده ولا ادخل اداب مفتوح اقسام ترجمة ؟

الفرق بين المفتوح و الانتساب انك هتلاقى ناس كبيرة معاك
بس
بس هى هى الشهادة

كلية الاداب افضل طبعا وكمان مصاريفها اقل بكتير من المعاهد الخاصه والقرار يرجعلك بردو

طيب ياغالي اداب مفتوح اي مميزاتها عن المعهد العالي الخاص
المعهد العالي الخاص معادل لشهادات الاقسام اللغة اداب والسن
والدراسة فيه 5 ايام في الاسبوع
عكس تعليم مفتوح الي بتبقي قليلة
وانت لو مكاني تختار ايه
بعيدا عن الفلوس لان الفلوس اخر حاجة بفكر فها حاليا

التعليم المفتوح الدراسه فيه 6 ايام فى الاسبوع بس المحاضرات بتكون متأخره يعنى ابتداء من الساعه 2 الظهر
وانا لو مكانك اختار الكليه طبعا لانها مهما كان اسمها كلية اما المعهد الخاص انا مش برجح المعاهد العليا الخاصه

مش عارف انا مقلق شوية من التعليم المفتوح تعرف هو لوكان المسمي انتساب مكنتش اترددت لحظة بس المشكلة الايام دي كل حاجة بيتشكك فيها وانا محتار جدا
طيب ايه رايك في حقوق تعليم مفتوح وهل الدراسة زي العادية ؟

هو انا لو دخلت تجاره مفتوح
لو جبت تقدير معين في سنه اولي
اقدر احول لحكومي؟؟؟

up up up up up

يا اسلام الجامعة المفتوحة حكومية بردوا وتقريبا مفيش تحويل للانتظام

-----------------

علي فكره با جماعه المعاهد العليا الخاصه دي زي الكليه بالضبط دي شهاده ناس اشتغلوا وناس عندهم شركات اهم حاجه الخبره دي اللي بيدوروا عليها ثانيا التعليم الخاص انظف من العام كتير لان انت هنا قاعد في مصر ع الاقل الخاص بيهتموا بيك اوووي ثالثا الدفعه السنادي معظمها تعليم خاص فياريت اللي مش متاكد من معلومه يتاكد منها لان الناس كده بتخاف .....