ممكن تدخلوا
 

يا جماعة

انا جبت قي تانية 96.7 وعارفة انه موش حلو بس والله انا عملت اللي عليا واكتر

وكمان في درجات ليا وموش عرفت ارجعها

وعوضي على الله

المهم انا قررت اني ااجل سنة عشان المجاميع زي ما انتوا عارفين ناااااار

وكمان مجموعي موش ها يدخلني ولا طب ولا صيدلة

فانا قررت اني ااجل سنة واخد السنادي احياء وعربي وانجليزي والسنة اللي جاية

فيزياء وعلم نفس والمستوى عشان اضمن ان شاء الله اجيب ممجموع يدخلني طب

بالله عليكم قولولي القرار ده كويس ولا لا من حيث اني ادخل الكلية اللي عايزاها

ومش تقولولي خسارة عشان ها يكون تضيع سنة من عمري

عشان هي خلاص موش بقت فارقة :mad:

معليش طولت عليكم

لاااااااااااااااااا اوعى تعملى كدة
انا اصحابى السنة اللى فاتت كانوا جايبين زيك بالظبط
السنة دى و الله كلهم بلا استثناء جايبين 98.5
و دخلوا طب زيى زيهم
و الله
توكلى على الله
و شدى حيلك انتى
محدش ضامن السنة اللى بعد الجاية يحصل فيها ايه؟

بس سنتنا غير سنتكم

يعني احنا المجاميع فوق خالص

لكن انتوا كانت موش زينا

اجتهدى
وفى البداية توكلى على الله
والكلية المكتوبة ليك هتدخليها باذن الله
ومين قالك ان السنة اللى بعد الجاية
تكون المجاميع فيها منخفضة؟؟؟؟؟؟؟؟؟؟؟؟؟؟؟؟؟؟؟
الامور بيد الله

يعني كمان اضمن

بجد اوعي تعملي كده اجتهدي واعملي اللي عليكي وربنا هيوفقك ان شاء الله
اعرف ناس كتير كانو ف تانيه 96 يعني اقل منك وربنا وفقهم وجابو 98.5 ودخلو طب
صدقيني الموضوع عايز قوة تحمل وطموح واجتهاد
لكن ملهاش لازمه تضيعي سنه هتزهقي

والله انا اعرف ناس كانوا جايبين 96.8 في تانيه وجابو في السنتين تانيه وتالته98.3 واعرف ناس تانيه كانوا جايبين 98.5 بالغش في تانيه وجابو في السنتين تانيه وتالته 96.3 انا بقولك كده ليه عشان بس اعرفك انك لو اجتهدتي والله ربنا هيوفقك وبجد خساره سنه تضيع من عمرك والله مش صعبه وحتى لقدر الله لومزديش في تالته وثبتي على مجموعك متقلقيشهتلحقي حاجه كويسه وكمان المستوى بيعمل شغل جامد وهيزودك ان شاء الله

قرارك مش صح بالمره بس ممكن تكونى اخدتىى القرار ده فى لحظه اندفاع انا جبت السنه اللى فاتت 96.3 وكان حلمى ادخل طب والسنه دى جبت مجموع طب وفضلت صيدله عنه اقصد من كده انى كنت جايبه مجموع اقل منك والحمد لله ربنا وفقنى السنه دى وجبت المجموع اللى انا عاوزاه بس ربا هدانى لمجال تانى مكنتش بفكر فيه فاعملى اللى عليكى ومش تهتمى غير بمجموعك وازاى تزوديه لو عاوزه طب وكمان اغلب الناس بتزيد فى 3 ثانوى لو هما عاوزين كده

يا جماعة شكرا خالص والله على مساعدتكم

بس السنادي غير كل سنة يعني المجاميع السنادي فوووووووق خالص

وحتى وان نزلت مش زي ما نتوا متوقعينها


وانا دلوقتي مش مكملة فيزياء وحاسة اني مكتفية تماما وحاسة اني مستريحة بس كنت عايزة رايكم في حكاية

مجموعي ها يلحق حاجة ولا لا

بصى
انا ليا زمايل كانوا جايبين 94 ومعظمهم معايا ف صيدليه
واعرف بنات كانوا جايبين 97 و 98 ومش لاحقين طب
مجموع سنه واحده مش مقياس خاااالص
المقياس هو الهدف والاجتهاد وتوفيق ربنا

حرام سنة من عمرك ولو لا قدر الله تنسيق السنة اللى بعد الجاية طلع أعلى من تنسيق السنة الجاية هتعملى ايه ساعتها
فاخليكى طبيعية أحسن وخدى السنة بسنتها مش ب 2

انا هتكلم عن نفسي انا كنت جايب في تانية 92.44 والله لظروف ولكن الحمد لله
والحمد لله جبت في تالتة الحمد لله 102 في المية
فبلاش ياس
بالتوفيق

لاااااااااا بلاش تقسمي
ممكن تجتهدي جدا وتجيبي مجموع عالي وفي مستوى كمان
بلاش تضيعي سنة من عمرك وكمان تكوني في دفعة مع ناس مش تعرفيهم
عامة صاي استخارة والله الموفق

ايوة بس المجايمع بتاعت السنة اللي بعدها عمرها ما ها تكون زي بتاعت السنادي

يعني اولا الامتحانات ها تيجي شوية فيها نسبة من الصعوبة وبعدين انا اكون ركزت اكتر

ادعولي بالله غليكم لان الايام دي مضايقة اوووووووووووي بسبب الموضوع ده