الفنى الصناعى........... يا رب حد يرد
 

يا جدعان هو المعهد الفنى الصناعى ده بيدخل هندسة ولا ايه النظام


وايه الشرووووووووووووووط

والنبى جاوبونى عشان اللى عايز يعرف المعلومات دى هيقدم مرحلة تانية

جاوبونى قبل ما الوقت يعدى بالله عليكو

ايوة بيدخل اى هندسة حتى لو عايز تدخل بترول بس تجيب فى السنتين امتياز

طب معلش هرخم عليك
لو تعرف حد فيه ممكن تسالوا الناس فيه اللى من ثانوية عامة بيتعاملو كويس ولا زى اى حد تانى

والطلبة فيه كويسين ولا اى كلام

بس معهد المساحة ده بيطلع مهندسين مساحات بس .......... صح ؟؟؟؟؟؟؟؟؟؟

ولا ينفع منه برضو يخش هندسة ؟؟؟؟؟؟؟؟؟؟؟؟؟

ارجوك رد لو سمحت

بيطلع مهندس مساحة وبيدخل هندسة

بصي يا سندس انا علي فكرة كنت هدخل معهد مساحة بس والدي مارضيش وقالي اني حتي لو دخلت هندسة فانا هبقي ضيعت سنتين من عمري عشان كدة هيدخلني خاص المهم اني كنت جامع معلومات كتيرة عن المعهد ده المعهد ده سهل جدا وممكن تدخلي منه هندسة وفنون تطبيقية وتربية وبيبقي ليه تنسيق بردو للكليات التلاتة دي بس دايما بيتراوح تنسيق هندسة بين 85:95 % طبعا 95 دي بتبقي بترول وتعدين اما 85 دي بتبقي اخر الاقاليم وعلي فكرة 85 دي جيد جدا والقاهرة غالبا بيبقي 91 وشوية وبالنسبة للقبول فهو بيقبل ثانوي عام ودبلوم صناعة بس طلبة ثانوي بيبقي ليهم معاملة خاصة لان المهندسين هناك بيبقوا عارفين انهم كانوا عايزين يدخلوا هندسة وربنا موفقهمش فبيتعاطفوا معاهم ويدوهم اعمال السنة كاملة وبالنسبة للتخصص كان قبل كدة لو دخلتي هندسة من المعهد بتدخلي علي سنة اولي تخصص يعني ما بتدخليش اعدادي وتخصصك بيبقي علي اساس التخصص في المعهد لكن دلوقتي بتدخلي اولي اعدادي وبتدخلي التخصص اللي انتي عايزاه

شكراً ليك يا فلكي ربنا يجازيك كل خير
خلاص ماشي أنا هشيل فكرة المعهد دي من دماغي
أنا بالنسبالي معنديش مشاكل في عدد السنين هي لولا ظروف بس كنت دخلت ثانوي عام
بس الحمد لله قدر الله وما شاء فعل ..
وربنا يسهل التنسيق الإسبوع الجاي ويمكن نلاقي حاجة أحسن ندخلها
ألف شكر ليك مرة تانية وكل عام وإنت بخير :)

لا شكر علي واجب وكل سنة وانتي طيبة وانا تحت امرك في اي وقت

ربنا يكرمك
وإنت بكل صحة وسلامة دايماً يارب

اها بيدخل اكيد 100 في الميه بس لزمن تشد حيلك