|
أنا مخنوق ... والسبب ؟
بسم الله الرحمن الرحيم كلما مر يوم اشعر بشى غريب فى واقعى وفى حياتى واقع اكد اعجز معه عن الحياة كم مرة سمعت فيها كلمة انا مخنوق من احد الشباب الذى فى مقتبل العمر ربما العشرات وربما المئات حاول ان تبحث عن السبب فى هذا الشعور الغريب ربما لو نظرت حولك ورايت الاوضاع التى نعيها لعلمت سبب هذا الاختناق هذا السبب ليس فينا وانما فى بشكل عام نعم السبب الرئيسى فى ما نحن فيه اليوم هو سبب الاباء ... هم من وعدونا بغد افضل اليس ابائنا هم العمال والمهندسين والاطباء الذين تركونا فى هذا الصراع مع الحياة استنزفوا خيرات الوطن وأخذوا كل شى لى انفسهم وفى النهاية تركونا نعانى والحكمة من ذلك حتى تصبحوا رجال يعتمد عليهم والعيب فى المدرس لان كل هدفه كان فى الاول والاخر ان يضع بعض المواضيع فى راسك وتقوم بدورك فى كبها داخل ورقة الاجابة وكان الله بالسر عليم ولم يعرفنا يوما بما سوف نواجه فى هذه الحياة او ما ينتظرنا ومن نجح من الاباء فى جعل ابناءه اكثر رفاهية من خلال توفير كل شى لهم لكنه نسى ان يعلمهم الاخلاق وكيف يحافظون على ما فى ايديهم تركونا فى وسط تلك السحابة السوداء وفى النهاية يعلنون الحكومة والظروف هم من صنعوا ويهئوا لنا تلك الظروف لم يصنعوا لنا غدا افضل بل بطمعهم استحوذوا على كل شى وتركوا لنا الغلاء والاهانة والمهانة والذل والفقر الخطاء فى البداية والنهاية خطا الكبار وليس نحن نحن مجرد ضحايا اما لجشع او جهل او غباء الكبار... والسوال هل سيختنق الشباب حتى الموت ؟ أم يتمردون عليه |
يمكن انا هقول رايى بصفتى بنت لان الشباب اكيد ظروفهم تختلف عن البنت رغم ان حاليا مفيش فرق بين الولد والبنت
انا كنت اتذكر كلمة قالها زوج عمتى لشباب العيلة عندنا قال لهم ربنا يكون فى عونكم زمنكم غير زمنا (طبعا قال قال لنا مواقف بتدل فعلا انة زمنهم احلى من زمنا ) بس الاباء هيعملوا اية لنا الاب حاليا بيفكر فى حاجة الا وهى انة يعلم ابنة ويكبرة والان بقى هو اللى يواجهة الحياة بنفسة من متاعبها ومشاقها وطبعا حجة الاب فى كدة انة هيقول انا كنت فى مثل سنة ومحدش ساعدنى هو يساعد نفسة يا سبحان الله طب قارن بين ايامك وايامة شوف الفرق رغم ان اسلام فى اباء بيساعدوا اولادهم وفى اباء لأ انا فعلا حاسة بخنقة الشباب بس عليهم بالصبر والتفاؤل مش اليأس من اول الطريق ولو انى حملهم جزء من خنقتهم دى فى انهم بيستسهلوا طريق اليأس وفقدان الامل وطريق ان البلد مش موفرة لهم اى حاجة شكرا اسلام على مواضيعك بجد بس الشباب عليهم بالصبر اكيد |
اقتباس:
اقتباس:
يعنى انتى عايزه تقنعينى الاباء ملهمش سبب فى اللى الشباب فيه انا على فكرة مش بتكلم عن الناحية المادية انا بتكلم عن النواحى الاجتماعية بشكل عام تقدرى تقوليلى الشاب ممكن يجيب منين شبكة وسعر الجرام 130 جنيه وشقة ب15 الف وتجهيز شقة ب40 الف ده غير عندك الغلاء فى المعيشة اللى بيرتفع كل يوم مين السبب فيه انا ولا انتى ولا اى شاب الكبار الاباء اللى سمحوا من البداية لقلة انها تاخد كل حاجة وتسيب فضلتها لباقى الشعب لا وشاطرين يعمله اعتصامات علشان 2 او 3 جنيه زيادة مرتبات وفى الاخر يقوله كان الله فى عونكم احنا عملنا اللى علينا علمناكم وكبرناكم اطحنوا بئا فى الدنيا لوحديكم كفاية علينا كده |
انا حاسه بالموضوع ده عشان اخويه منهم اللي خايف من بكره
الحكومه عامله ترمي كلام واحلام ولا الكلام بيتصدق والاحلام مش بتتحقق لحد مكله من اصغر واحد لاكبر واحد مش بيصدق الاباء ليهم دور صح زمنهم احسن من زامنا بس زمنهم غير زمنا حياتهم مش زي حياتنا بس مش هما الاصل الاصل المجتمع والظروف الظروف اللي هيه الدوله انا حاسه بالكلام ده عشان اخويه حاسس بيه |
اقتباس:
لكن فوجئوا ان تاتى الرياح بما لا تشتهى السفن :mad::mad: انا معاك فى انا الغلى بقى كبير اووووى لكن حاليا هما هيعملوا اية ؟؟؟ تقدر تقولى |
شكرا لك على الموضوع والموضوع جميل جدا وجزاك الله كل الخير |
الكلام اللي انت بتقوله ده مش غلط يا اسلام .. بس للاسف مش صح والدي ووالدك كانوا انانيين .. بس انانيين فينا والله يا اسلام بمعني انك بتقول انهم سمحوا لقلة انها تاخد كل حاجة و تسيب الفضلات للشعب انت هنا لو بتتكلم عن الحكومه فهقولك ابوك كان هيعمل ايه وانت شايف اللي بيتكلم بياخد علي قفاه واللي بيزعق بيترمي في المعتقل واللي بيعلي صوته في الزعيق بيروح ورا الشمس بشارعين ايه رايك بقه لو والدك كان طلع كدا و قعد يقول عايز حقي و بتاع و كان اتاخد و اتحبس واتبهدل وانت ولا كنت كملت تعليمك ولا اخواتك كانوا كملوا تعليمك الفرق الوحيد انك كنت هتتطلع تصارع في الدنيا بدري ده لو انت اكبر اخواتك فعليك انك تجهز اخواتك البنات لو عندك و تساعد اخوك لحد ما يتجوز و الكلام ده كله للاسف انت مش بتتكلم عن الآباء يا اسلام انت بتتكلم عن مشكلة شعب شعب مش قادر يتكلم اناني في ابنائه عايز يربيهم ياعم اسلام انا مرة سألت استاذ كان دايما مخنوق من الحكومه و شتيمه و سب دين - استغفر الله العظيم - و كل اللي تقدر تتخيله .. قولتله طيب يا استاذ ايه الحل .. اما انت عارف كدا و عارف ايه كمان اللي بعد كدا هتسيب عيالك كدا .. قالي هعمل ايه .. تفتكر اطلع في مظاهره و اخد علي قفايا و اتبهدل و اتهان و في الاخر معملش حاجة .. ولو جرالي حاجة الولا يطلع يتمرمت .. ولا اكمل شغل زي ما انا و اوفر للولا مستوي كويس لحد ما يتعلم و بعد ربنا ربك يحلها .. قالي هبسطهالك بمعني تاني 1 - اطلع اتهان واتفرم و ممكن اتقتل كمان و العيال يتمرمتوا دلوقتي 2 - استني و اربيهم و اخليهم في معيشه كويسه شوية لحد ما يشدوا و يبقوا ف طور الرجال وبعد كدا المرمته سهله !! هقوله ايه اذا كان الحاله الأولي مش هناخد حقنا برده يبقي الاحسن الحاله التانيه بمعني اصح الحالة المؤقته لحد ما الولا يطلع عينه المشكلة مش مشكلة آباء بس يا إسلام المشكلة مشكلة شعب بالكامل انت عارف البلد دي هتمشي و تبقي كويسه ازاي لما شباب اليومين دول ( اللي هو نتيجه بعض الآباء اللي مش قادرين يربوا كويس - او انه عايز يبقي كدا من قاع نفسه ) يتف اللبانه من بوقه ويرفع البنطلون ويسرح تسريحه بتاعت رجاله كدا ويبقي راجل مش عامل زي الست اللي مش كويسه - وانا اسف في التعبير - ويبدا يفكر ازاي ياخد حقه وهما دول بقه اللي يقدروا يغيروا والجيل اللي هيخلفوه هيبقى فاهم بقه ايه اللي مفروض يحصل هيطلع منه المدرس اللي يعلم صح وهيطلع منه الاب اللي هيربي صح وهيطلع منه الام اللي توعي صح وهيطلع منه الموظف اللي يشتغل صح وهتبدا البلد تتقدم لحد ما الشباب يتف اللبانه بقه انا هروح انام شوية وصحيني علي 3200 كدا :D |
بسم الله الرحمن الرحيم السلام عليكم ورحمه الله وبركاته تعرف يا اسلام أنا مش دخلت المنتدى بقالى فتره مش قليله بسبب الإمتحانات وده كان أول موضوع أقرأه بعد ما دخلت المنتدى وكالعاده دائما حارق دمى عارف ليه عشان بتتكلم صح واليومين دول الحق والصراحه بيزعلو لما قولنا إحنا شعب هلاس كل الناس زعلت وإعترضت لكن للأسف الحقيقه إحنا شعب مش عارف هو عاوز ايه تفكيره كله منصب فى إزاى يجيب فلوس ويا ترى هيشترى عربيه وهيتجوز واحده أموره ولا لاء ده كل اللى إحنا بنفكر فيه أو معظمنا عشان منظلمش حد يعنى خربانه خربانه أما إنك بتقول الغلط فى الأباء والمعلمين وما إلى ذلك فأنا متفق معاك فيه بس فيه مثل بيقول يا معلم الشاطره تغزل برجل كنغو ولا معزه زى ما المثل بيقول العيب فى عقولنا إحنا عقولنا تعبت كله ملهى فى لقمه العيش سلام |
| جميع الأوقات بتوقيت GMT +2. الساعة الآن 04:40 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.